DUNGWVNC 25:2 - ASII LAKDAP Bible (BSI)

² “Israilnok ma Ngi miitu honglu kuq ronglaq nguta chonglaq. Laüta jurwa maiqmii raq aro aro jamlai honglu wa kuqtlaq kra riichom jaülaq.

Hawa Naga Bible 2001

² “Israel miqsaz rueq ngaz muex yauk noalc mhtawc kuq phueq. Miqwaz rulx rueq menjenc thuinz maq kuq yaq yauk noalc htenc kuex mnoz rueq thoz taq shuiuz.

DUNGWVNC 25:2 Referencias Cruzadas

EJRA 1:6

Tsangshiq jam thoti tarü raq, ara ariq chaq kampho maq atiiq hupsam thun tak apin thun, ta awii hupsam, nyamse thun, kiimaq athii atsin phan kongphiq thun, maq khrum kuqto. Arthun arka tsangshiq tsan tsii maq honglu kuq taq kriithaq niishe kuqto.

EJRA 2:68

Tsangshiq ka Jerusalem chela Tatiwe jam na saü raüta, awe raü phong wa, mungtu wiijamti raq, Shiikeawe jam khüchü na tiihea hai wan miitu, tsangshiq tsantsii maq honglu kuqto.

EJRA 3:5

Kiimaq, arthaq niimin, ara chongtiikai honglu kuqwan tlaq niimin, tsangshiq raq rahinjaq joli Shiikeawe shomnoq akhing na, atra nyamse ka wiipumtam maq, honglu wa na chaq wan tlaq, kiimaq hali Jinye Tsan Wan Poi akhing na alu kuq wantlaq, kiimaq rahinjaq joli akhing na mungmaiqse thung raüta, shomnoq wantlaq noqku akhing na, honglu ümchuwa kuq wantlaq, kiimaq hali, Tatiwe ma lungwii raüta maiqmii tsantsii maq kuq wan tlaq, kra thun ka kuq wan nongto.

EJRA 7:16

Kiimahali ümniiraq Bebilon mung na siti mungmaiqse jaq wa kampho ümchuwa riichom hiwan tlaü kra thun ka wiita, kiimaq Israilnok raq, kiimaq tsangshiq khuthaq na siti ramwebi raq, Shiikeawe Shomjam Jerusalem na sitlaq kra miitu honglu ümchuwa kuq tlaq, kra lamho laüta miki haü.

NEHEMIA 11:2

Mungmaiqse phong wa ümriiti riiwa, Jerusalem na misiha nguta maiqmii tsantsii maq thapthi wantlaqti ka, nokwe raq kai tiitsam kam wanto.

Tvtsvmc 110:3

Ümjaqtinok khattlaü ranaiq na, ümsenginok raq maiqmii tsii maq dongrang raüta mikhrum, ranapchu maq bangrok ikha ümsengi jerobi ümphana asii hiqlam thun na miwa.

DUNGWVNC 25:1

Tatiwe raq Mosheq ma nguto,

DUNGWVNC 25:3

Kra honglu thun ka arthun ara kechang: chaq, kampho, kiimaq miiki;

WEAWEA 18:24

Jamkhano ngukla Israilnok raq Ngi ma akhek atiitsang jaqmiiq aroq khu wa honglu kuqtlaq kra, Ngi raq tsangshiq ma tachong hupsam ikha kuqbaiq kang she. Arningkhan na Ngi raq tsangshiq ma chongkuq kang she, Israil mung na tsangshiq rii pattup tachong hupsam ka ahü miraq.”

2 Corinthians 9:7

Arkha maq, maiq khumtek raq juwe riiwa, maiqmii tsan na jamkha mikuqha nguta wa tiima tlan, kra phan phan kuq rong laq. Akhan anyan lam maq lo, kiimaq aming shiikhoi ikha tiima raüta kene ka riimak. Ara jamkhano chongtiikang ngukla, Shiikeawe riika jurwa tlungwii raüta kuqtlaq, kriiti ka lungwii tlo.

PHOWEBI 5:9

Imongjii ka Israilnok phentubi rai, kiimaq mungmaiqse kiimchii riichii maq, rekhat chap wanti rai sitlo, Tatiwe li tiitsam!