DUNGWVNC 30:1 - ASII LAKDAP Bible (BSI) Tatiwe raq Mosheq ma nguto, “Akasia pe maq homseng honglu kechang berong-wacha ashi hailaq. Hawa Naga Bible 2001 “Vhomc vtumc juiuz juing shomrawx kuex akasia pulx maq tvhungx shuiuz. |
Riita ara tap mong nyang siq laitap khok arka alu nü na mitar tiikaü kiimaq ajong nü na mitar tiikaü, kiimaq adü lu nü niimin mitar tiikaü riito. Arka trotam na chiisan chaq maq siisaq alo riito. Kiimaq berong-wacha kriika maisak pe pen kaütiim kilü diim ikha ahai kriimaq siisaq diimpangto.
Kra Shomjam tapmong nü nü khetuk thun wiita ka kunli, Asii Thaq Na Asii khok lotaq kiikha chaq maq siisaq alo riito.
Solomon raq Shomjam na lang chang hupsam thun ka chaq ngam maq alo min asi riito: Berongwacha, Shiikeawe winsii honglu na akuq thüchang chamrii,
Kiimaq honglu homseng chaq chang berong-wacha kra tiiq ma chiisan chaq ka ümchu thüchang wa kra, kiimaq Tatiwe Tongshong Tek khuthaq na cherubim ngachang kumrang leng kra loma chaq ka ümchu wa miraa kriithun ka chongkuqto.
Aron nai asaü asetiim riika homseng honglu thun nai berong-wacha na wa na chaq honglu thun kra takuq tlo. Tsangshiq jaqsham ka Asii Thaq Niimin Asii khok na Shiikeawe shomnoq wan jaqsham kra shamtlo. Kiimaq Israilnok ngarai tiidii wan miitu honglu kuq wan tlaq kriithun kra sham wan tlo. Tsangshiq arthun jaqsham ka Shiikeawe jaqshi se Mosheq raq shrinkuq wantaq kra phan phan shamto.
Shatmaq Hokhamwe Ujjia ka aningkun chaq wan kiita ashkong she riikito. Kra ningkhan apaiq ka dea wanto. Apaiq raq Tatiwe apaiq Shiikeawe tri jin raüta Shomjam berong-wacha na homseng honglu chaq wa danto.
Wiishi na jangshi Aron raq berong-wacha ara tiisii wan miitu ngarai miitu honglu na ataakuq ngam tiijai ka arongblai kiijaq nyatlili riichang. Arka rawiitek pattup pat-sa miitu klo wanruq riichang. Ara berong-wacha arka pinthum asii, Ngi, Tatiwe ma akiinong kuq.”
Kriika tsingblai riichang. Alu nü na 45 sentimitar. Kiimaq ajong nü niimin 45 sentimitar riichang. Kiimaq adii lu nü niika 90 sentimitar riichang. Kiimaq akhupo na arong blai ka ashok blai na tiihong chang. Kriika pe ka bushi kriiwa haidamtlii haichang.
chamrii nai chamrii miirii hupsam thun kra, chiisan chaq maq aklo lem-khamchong kra kiimaq kra miirii hupsam thun kra, homseng honglu chaq chang berong-wacha kra,
homseng honglu chaqchang berong-wacha nai kra pichang pepum wiinai kra; ramram chang tel kra; ahomwiq-homseng honglu kra; Tombutiip na wachang kilamchong na chanchang kheathum kra;
kiimaq chaq berong-wacha; ram ram chang tel; ahomwiq-homseng honglu kra; Tombutiip na wachang kilamchong na chantlaq kheathum kra;
Kiimaq chaq berong-wacha homseng honglu chaq chang ka Tongshong Tek khaki na tolaq. Kiimaq Tombutiip na nyap wachang kilü kheathum kra chanlaq.
Kriika pe maq ahai berong-wacha ikha. Kriika adü lu nü niika mitarshi ri mitarthiq. Kiimaq ajong nü niika mitarshi. Kra akii tro na kham chong thun, kiimaq kham jichong thun, kiimaq kra akii tro thun ka pe maq siisaq ahai. Maiq we raq ngi ma, “Arka Tatiwe man na tiitoshat maq thü chang chamrii,” nguta chongto.
Apaiq raq ngam tiijai wiijam ka Tombutiip mong na homseng honglu kechang berong-wacha siimblai ri wiita na arong blai kiijaq minei. Raüta kiiwa abung tiichongtlaq ngam tiijai ka honglu kechang Tombutiip kinphai na berong-wacha jichong kiijaq miraübaiq.
Kra raütiishe apaiq raq ngam tiijai wiijam ka lam raüta Tombutiip mong na homseng honglu berong-wacha arong blai kiijaq minei. Raüta ngam tiijai abung ümchuwa tiichongtlaq kriika Tombutiip rinkea na honglu chaq chang berong-wacha jichong kiijaq minyuk baiq.
Tsangshiq ka Tongshong Tek kaü kra, chamrii kra, lem tochang kham kra, berong-wacha thun kra, Asii Tiip na ramwebi raq langtlaq tak apin thun kra, kiimaq Asii Pinthum Khok na wachang kilamchong na chantlaq kheathum thun kra liikoti riito. Tsangshiq ka arthun hupsam ara shiililii wan arang hoti riito.
Kra lot raütiishe tsangshiq raq khea wai thum ka chaq berong-wacha thaq na tiipii raüta pang chang. Raüta kriithaq niika nintata ngamkhü diim kriimiishe pang chang. Kra raütiishe kra pichang pepum wiinai kriishe apichang kom mong kiiniishe mirei.
Kra khok mong niika, chaq ngam maq lo raüta ajop, homseng win honglu chaq chang beongwacha asi. Kiimaq kiijaq Tongshong Tek kra thü tlo. Tongshong Tek kriimin chaq ngam maq ajop raüta ahai. Kra Tongshong Tek mong niika, chaq ngam maq ahai tsabum chü ashi asi. Tsabum mong niika man niiwa, mana athü asi. Kiimaq Aron nyeakii acham arki ka wiijaq tam maq athü asi. Kiimaq longpen kiimin anai asi. Kra longpen kaü nai niika, Shiikeawe raq akuq Aming Roqshi kra waiq raüta athü asi.
Kiimahali rase ashi ka honglu chaq chang, chaq khiqwin ka ajaq na sham raü dongkito chhikang. Raüta, berongwacha tho kiijaq chapkito. Apaiq ma Shiikeawe sengi achu jaü honglu krai triishot chaq dam miitu, honglu na chaq chang homseng pahea kuqto. Kra kuqtaq kriika apaiq raq chaq berongwacha, hokham ngacho khaki na totlaq kiijaq chaq ma nguta kuqto.