Revelation 8:3 - ASII LAKDAP Bible (BSI)

³ Kiimahali rase ashi ka honglu chaq chang, chaq khiqwin ka ajaq na sham raü dongkito chhikang. Raüta, berongwacha tho kiijaq chapkito. Apaiq ma Shiikeawe sengi achu jaü honglu krai triishot chaq dam miitu, honglu na chaq chang homseng pahea kuqto. Kra kuqtaq kriika apaiq raq chaq berongwacha, hokham ngacho khaki na totlaq kiijaq chaq ma nguta kuqto.

Hawa Naga Bible 2001

³ Kvmaq vganc raungkamx washiz kuex shomrawx hep nuex jvp kaz tueq, piq rueq kuimshawx panx shuimx yaq, hoc daungraungc khaungkac nuex httax yaq kuimshawx shomrawx htauk nuex, Tishox miqsaz vjux thoz bomc htenc rulc vdvmz nuex wvr maq jauk vtueq shomc kuy juing vhomc phvnx htenc muinz piq muex kuq tueq.

Muklom

³ Etho adak rangkamwa hun aa cha atim angam khúng tha tun som eq thuta pha, etho rongthung relna lang ta; piq ma daqhan atim angam kot ta, bara thaji Shkewa miqtang romtam jamoq o, lungwang tongching jakho na shingta hun aa cha rongthung na kot ma angta.

Revelation 8:3 Referencias Cruzadas

1 HOKHVMX 7:50

Kiimaq kok thun, kiimaq lem tiimat mebaiq chang lakkong setiim, nüchhong winpin thun, homseng honglu kechang winpin setiim thun, kiimaq wachan tsoqbaiq chang chhichhii phu winpin thun kra. Kiimaq Asii Thaq Na Asii khok na wachang kilüchong jaq phum tiinga chang atop thun kra, kiimaq Shomjam ruk wa kinphai na kaichang kilüchong thun jaq phum tiipha khachang atop thun kra. Arthun hupsam arka chaq maq siisaq alo.

Tvtsvmc 141:2

Ngi raq achu jaütiikang arka honglu akuq ikha taolaq, ijaq ra na dotiikang arka raji honglu akuq ikha taolaq.

DUNGWVNC 40:26

Kiimaq apaiq raq chaq berong-wacha kriishe Tombutiip mong na thüto. Kriika atuk chang khea chantlaq kra khaki na tothüto.

ISAIA 6:6

Kiijiishe, seraphim kaütiim phong wa kaüshi ka ngi pha niishe satkisaq thiimkito. Apaiq jaq niika jinkiip maq berong-wacha na wa nyaitlaq wachan phong kiiwa chanshi kra kiip maq kiip raüta satkito.

EJEKIEL 41:22

Kriika pe maq ahai berong-wacha ikha. Kriika adü lu nü niika mitarshi ri mitarthiq. Kiimaq ajong nü niika mitarshi. Kra akii tro na kham chong thun, kiimaq kham jichong thun, kiimaq kra akii tro thun ka pe maq siisaq ahai. Maiq we raq ngi ma, “Arka Tatiwe man na tiitoshat maq thü chang chamrii,” nguta chongto.

AMO LUIK DVP (AMOS) 9:1

Ngi raq Tatiwe ka berong-wacha tho na chapraü chhikang. Apaiq raq aming akha kuqto: “Shomjam khamchong khamlawe kaütiim ka tiibun bukbaiq laq; Khamtu khamlawetiim thun kriimin, wiita tiibun bukbaiq laq. Shomjam ka hiq na tiiphintsiip tri baiq laq. Laüta shomjam mong na maiq sitlaq kra, wiita tiinamtok tsatbaiq laq. Kiimaq kriiwa abung tiichong tlaq ka, rewe raq mitsatbaiq. Maiq weshi min julap mak miraq. Maiq weshi min donglap mak miraq.

MALAKI 1:11

Mangjong maiqse shedong maq riita shenyap mung na saüli raq, ngi shrengtlo. Tsangshiq raq barapse maq ngi ma homseng honglu athuk atsom kuqtlo. Tsangshiq tarü raq ngi shrengtlo!

WEAWEA 4:11

Kra lot raütiishe tsangshiq raq khea wai thum ka chaq berong-wacha thaq na tiipii raüta pang chang. Raüta kriithaq niika nintata ngamkhü diim kriimiishe pang chang. Kra raütiishe kra pichang pepum wiinai kriishe apichang kom mong kiiniishe mirei.

Luke 1:10

Apaiq ka jam mong na honglu chaq shon, nokwe ka kinphai maq achu jaü ngato.

Romans 8:34

Riita, tsangshiq shra wanti ka jushe wa sitla? Ahü she! Ümchaü ka jumin ahü she. Nashiq khupi ma tsaiti we, raüta amaa wa dong wanti we, Jesuq Khristo ka ümchaü sanha, Shiikeawe rai adam na, Shiikeawe ngatlaq kiijaq, jaqtsi nü na nga raüta, Shiikeawe man na, nashiq ara tiikhup wongke miitu, kiimwe ma jatlo!

Hebrews 7:25

Kiimaq, apaiq ka pattup pat-sa atrali she sitiwe. Kriikha maq, ümchaü sanha, maiqse angu ümchuwa Shiikeawe wokhong na, Jesuq mang chong raüta wawan tlaq ti thun kra, apaiq raq tiichhii kuq wan ruq lishe miraq. Ara jamkhano ngutiikai ngukla, apaiq ka ümchaü Shiikeawe man na, maiqse miitu kiimwe miishe jawanto.

Hebrews 9:4

Kra khok mong niika, chaq ngam maq lo raüta ajop, homseng win honglu chaq chang beongwacha asi. Kiimaq kiijaq Tongshong Tek kra thü tlo. Tongshong Tek kriimin chaq ngam maq ajop raüta ahai. Kra Tongshong Tek mong niika, chaq ngam maq ahai tsabum chü ashi asi. Tsabum mong niika man niiwa, mana athü asi. Kiimaq Aron nyeakii acham arki ka wiijaq tam maq athü asi. Kiimaq longpen kiimin anai asi. Kra longpen kaü nai niika, Shiikeawe raq akuq Aming Roqshi kra waiq raüta athü asi.

Revelation 10:1

Kiijiishe, ngi raq rase ajong ashi ramungtan maq asatkai chhikang. Apaiq ka phumda mong na riito. Kiimaq apaiq khu thaq na maitsai kaü ashi, apaiq khuphok ikha tiichan raü riito chhikang. Apaiq theaphi ka rashekaü litlaq ikha chaihea langlang. Kiimaq ahok wiinai ka wanii tu khamchong nyai rai tlaq ikha achhai anyii.

Revelation 14:18

Kiijiishe hali, wa tiinyai chaqketi rase ashi ka, berongwacha tho wa dongkito chhikang. Apaiq raq hong raüta, rase ashi ningshao shamti we kiima rüm chongto, “Ümjaq na shamtlaü ningshao maq mangjong hiq wa spiqtsi ro ka han laq. Jamkhano ngukla, ümchaü spiqtsi ro ka aman she, ahancho she!”

Revelation 5:8

Apaiq raq kra jaüri, atra ngamkaü blai nai nyungwere roqnai ri blai ka, Skuse khaki na hiq na bumrang riito. Tsangshiq khumtek jaq na toropo nai chaq winpin shamraqraq riito. Chaq winpin niika, Shiikeawe sengi achu jaü honglu homseng athü, asho awo amachhaq riito.

Revelation 6:9

Kiijiishe, Skuse raq sil atrap phan biingi ngoja kriishe tiibun raüta linto chhikang. Kiijaq ngi raq berongwacha na, Shiikeawe bomtsi tsapkapkap maq chongke kha na, Shiikeawe sengi atsatbaiq wanti tsaiji wenyi kong ka pahea chhikang.

Revelation 7:2

Kiimahali, ngi raq rase ashi hali shedong mung nü maq, atra Shiikeawe sil ka ajaq na sham raüta dong wanto chhikang. Raüta, apaiq raq hong raüta rasetiim blai, Shiikeawe raq mangjong hiq nai sammoktra jü ka shiithen baiq miitu, arang kuqtaqti kiima riimto taikang.

Revelation 8:4

Krai mren, apaiq raq honglu na chaq tlaq homseng wakhuk ka, Shiikeawe sengi achu jaü rai adam maq, Shiikeawe khaki na chaptlaq rase jaq na honglu chaq chang chaq khiqwin mong kiiwa honglu wakhuk ka mong wanto.

Revelation 8:5

Raütiishe, rase raq honglu chaq chang khiqwin ka berongwacha wa, wa nyai tlaq wachan kra tsun raüta tiimali thüto. Raüta, kra wacha nyaitlaq kiimaq, mangjong hiq ka bok wanto. Kra wachan maq bok wantaq krai mren, mangjong hiq na ramok rachhai wa trang, kiimaq hiqjong muwa trang liishe riito.

Revelation 9:13

Kiijiishe, rase trok ngojati riishe aboli ka tsüto. Kra tsüri li she, Shiikeawe khaki na chaq ngam berongwacha shokblai maq abom wan, maiq bom taikang.