LEWI 4:7 - ASII LAKDAP Bible (BSI)

⁷ Kra raütiishe apaiq raq ngam tiijai wiijam ka lam raüta Tombutiip mong na homseng honglu berong-wacha arong blai kiijaq minei. Raüta ngam tiijai abung ümchuwa tiichongtlaq kriika Tombutiip rinkea na honglu chaq chang berong-wacha jichong kiijaq minyuk baiq.

Hawa Naga Bible 2001

⁷ Kvruex yimaq piq rueq Tap mungx wawc vhomc vtumc phvnx htenc juiuz juing shomrawx shuk wawc vrungx htenc kvyuq tvguiy wvyvmc kuex mnyvt shueq. Kvjungx yaq tvguiy htenc kuex Tap kaluix daungx nuex httax yaq wvr maq jauk shomc kuy juing shomrawx jungx yaz nuex mshvy gay shueq.

LEWI 4:7 Referencias Cruzadas

Tvtsvmc 118:27

Tati ka Shiikeawe, apaiq ka naishiq ma thep. Namshiq jaq na pekü thun sham lanta, poi ka phaho ronglaq, lanta berong-wacha tro na khum ronglaq.

DUNGWVNC 29:12

Kiimaq minsaü pongwe tiijai wiijam ka lamlaq laüta ümjaq shi maq berong-wacha rong thun kiijaq neilaq. Kra laütiishe ngam tiijai abi tiichongtlaq thun ka berong-wacha takiq jichong kiijaq raübaiqlaq.

LEWI 1:5

Apaiq raq kra minsaü pongwe ka kiijaq ataa miraq. Kiimaq Aron phan ramwebi raq ngam tiijai ka Tatiwe ma mikuq. Raütiishe Tombutiip kilamchong tho na berong-wacha sitlaq kra arong shokblai ri wiita na ngam tiijai ka miwan.

LEWI 16:18

kra lotjai apaiq ka berong-wacha kiijaq kiraüta chaqtlii-honglu kra kekai ratlo. Raüta berong-wacha kra tiisii ratlo. Raüta apaiq raq minsaü pongwe tiijai kiiwa wiijam, kiimaq chhechhi tiijai kiiwa wiijam ka lam wan raüta, berong-wacha shokblai na arongblai kiijaq ngam tiijai maq nei ratlo.

LEWI 4:18

Apaiq raq ngam tiijai wiijam ka Tombutiip mong na homseng honglu kechang berong-wacha siimblai ri wiita na arong blai kiijaq minei. Raüta kiiwa abung tiichongtlaq ngam tiijai ka honglu kechang Tombutiip kinphai na berong-wacha jichong kiijaq miraübaiq.

LEWI 4:25

Ramwe raq ajaqshi ka ngam tiijai kiijaq mitsam. Raüta berong-wacha siimblai ri na arong blai kiijaq minei. Raüta kiiwa chantlaq abung ngam tiijai ka berong-wacha jichong kiijaq minyuk.

LEWI 4:30

Kiimaq ramwe raq ajaq shi ka kra ngam tiijai na mitsam. Raüta berong-wacha siimblai na arongblai kiijaq minei. Kiimaq kiiwa chantlaq ngam tiijai ka berong-wacha jichong kiijaq minyukbaiq.

LEWI 4:34

Ramwe raq ajaq shi ka ngam tiijai na mitsam. Raüta berong-wacha shokblai ri na arong blai kiijaq minei. Raüta ngam tiijai abi tiichongtlaq kriika berong-wacha jichong kiijaq minyukbaiq.

LEWI 5:9

Raüta atiijai wiijam ka berong-wacha siim na miwan. Kiiwa chantlaq tiijai wiijam ka berong-wacha jichong kiijaq mitiichaü baiq. Arka ngarai tiikhoi miitu honglu.

LEWI 6:30

Shatmaq arwa phanshi rase jiimin ngam tiijai ka Tombutiip mong niila lam wan raüla, raüta ngarai tiisii wan honglu niila kuq raüla, kra ngam ka aphaq maimak she. Kriika wa na chaq baiq raa dongdii.

LEWI 8:15

Mosheq raq kriika ataa riito. Raüta ngam tiijai wiijam ka lamto. Raüta ajaq shi ka ngam tiijai na tsam raüta berong-wacha shokblai na arongblai kiijaq neito. Arka Tatiwe ma kiinongke miitu nyatto. Kra raütiishe apaiq raq ngam tiijai abung tiichongtlaq kriika berong-wacha jichong na nyukto. Akha klo raüta apaiq raq arthun ka Tatiwe ma kiinong kuqto kiimaq tiisiito.

LEWI 9:9

Asetiim raq apaiq ma ngam tiijai ka lamkuq wanto. Kiimaq apaiq raq ajaqshi ka ngam tiijai na tsamto. Raüta berong-wacha shokblai ri na arongblai kiijaq neito. Kiimaq ngam tiijai abi tiichongtlaq ka berong-wacha jichong kiijaq nyukbaiqto.

Ephesians 2:13

Shatmaq, ümchaü sanha, Jesuq Khristo rai pumshi hanshi she sitlan kra lümaq, namshiq man na, Shiikeawe pha wa luhea bintang na siwan lanti kiimin, Shiikeawe thoniishe shunshea wanto. Ara ümchaü namshiq, Shiikeawe tiinap niishe shunshea wantaq arka, Khristo ka honglu na tsaitaq, kra lümiishe, namshiq ka Shiikeawe tiinap na shun shea wanto.

Hebrews 9:15

Riita, ara chongtiikai arkha maq, Khristo ka tongshong anye arthaq na kiimwe miishe jawanto. Shiikeawe raq ara tongshong nye ashi shongkuqtaq arka, apaiq raq mangjong maiqse ümchuwa apaiq wokhong na tiisi miitu hea wan tlaq, kriiti ma tachong rilung achu shiiman pattup pat-sa rilung mikuq ha nguta kiqkham kuqtaq kra kewan miitu she shongkuqto. Riita, ara maiqse raq tachong achu shiiman lap tlaq arka, Khristo tsaitaq, kriikha maq maiqse ka tongshong chü pat na ngarai tangtaq kra, achü tri raq ngarai ka tiikhoi kuq lot mak dea riito, kiiwiishe tiichhii kuqtlo.

Hebrews 9:21

Ara chongtiikai akhiisii hali, Mosheq raq, kra chongtiikai tiijai maq tongshong jolitiip kiijaq min bat tlo. Kiimaq, Shiikeawe shomnoq na lang chang, hup asam ümchuwa sitlaq thun wiita thaq na, tiijai maq nei tlo.

Revelation 6:9

Kiijiishe, Skuse raq sil atrap phan biingi ngoja kriishe tiibun raüta linto chhikang. Kiijaq ngi raq berongwacha na, Shiikeawe bomtsi tsapkapkap maq chongke kha na, Shiikeawe sengi atsatbaiq wanti tsaiji wenyi kong ka pahea chhikang.