DUNGWVNC 3:5 - ASII LAKDAP Bible (BSI) Shiikeawe raq nguto, “Naptohea na naq warai kiq she. Ümhok kop wiinai kra chhut baiqlaq. Jamkhano ngukla ümniika asii hiq ba na chaptlaü. Hawa Naga Bible 2001 Tishox rueq, “Nyek hvlc nuex nauk kaz vkueq. M-yaz paungc kuex put shuiuz, yvmx khoc lac ngoz ruiux lec mnoz jvp vtuiux baung kuex vsawc rvtueq. |
Pumji tro na hiq ka arai laüta thübaiqlaq. Kra hiqrai ka mungmaiqse raq jin wa maimak. Kiimaq tsangshiq ka pum kiina düwa maimak nguta chonglaq. Kiimaq kra pumji tho kiijiimin aje niika khumwa maimak. Maiq ashi ra raq kiijaq ji maq niwa raüla, kriiwe ka tiitsailaq atsea baiq ratlo.
Kiimaq Tatiwe raq apaiq ma nguto, “Kilaq satkikiq. Laüta mungmaiqse ma honlam bom chong kuq kikiq. Tsangshiq raq hiqrai ka jin mai mak kiimaq tsangshiq ka isham liiwa min maimak. Tsangshiq kra manhii raüla, tsangshiq phong wa maiq pahea mitsai.
Kiijiishe Mosheq raq Aron ma Tatiwe raq apaiq ka Ejip mung na jangholaq nguta thaütaq akhing na bom chongkuqtaq thun ka wiita Aron ma tlü chongkuqto. Kiimaq Tatiwe raq apaiq ma awang chang jaqsham miitu aming kuqtaq kriimin apaiq ma chongto.
Honkamshat maq Shomjam na kilaq. Kiijiika ataikai miitu kilaq. Maiqjiqti raq ajiq alam sapmak maq honglu kuqtlaq ikha ka naqki kiq.
Tsangshiq pengti tuwe ka tsang mungti wa mishong, tsang hokham se ka tsangshiqnok wa mishong wan. Ngi raq apaiq hea tiikang na Ngi phana miwa, tiiheahü miika juwa miwalot? Tsangshiq ka isenginok miraq; kiimaq Ngi ka tsangshiq Shiikeawe mirha. Arka Ngi, Tatiwe raq ngutiikang.”
Kiijiishe Mosheq raq, “Ümtiikiiwa Tatiwe raq, ‘I jaq shamtibi wiitarü raq ngi asii arai ka shreng ratlo; Ngi raq ikhushü ka isenginok ma mitiichhi kuqha,’” nguta ngutaq irka akhnok ara ngo nangnga nguto, nguta Aron ma chongto. Shatmaq Aron ka kaiqshak li riito.
Kiijiishe, Tatiwe raq apaiq ma chongto, ‘Ümhok pa ka chhut tlo laq. Ara ümnaq chap tlaü hiq ba arka asii hiq ba.
Üm sichang piitiip ka apii ashan chang ahü asii maq thülaq. Jamkhano ngukla Tatiwe üm Shiikeawe ka ümniirai piitiip na ümnaq tiikhup wongke miitu sitlo. Kiimaq ümjaqtinok khuthaq na ümniima rekhat tiitangke wan miitu sitlo. Tatiwe raq lungwiimak phan, apaiq raq ümniika jai nong shungthü chang phan ashe ashi jaq ka naq shamkiq.
Tsangshiq raq, kra tiipaiqnea bomtaq kriika, Shiikeawe raq, “Nyamse raq dongdii min, ara pumji chong na, aji maq ni wa mai mak. Kiijaq khum wa raüla, long maq tiinamtok tiiqbaiq raa dongdii,” nguta aming kuqto. Kriikha maq, tsangshiq ka hairaito. Kiimaq phiip raq tsaito.
Kiijiishe Tatiwe phentuwe raq, “Ümhokpa khorom ka achhut riilaq. Ümniika asii hiq ba na chap tlaü,” nguta chongto. Krai mren, Joshua riimin kra chongtaq kra phan phan kloto.
Naishiq raq ara bomtsi arka, Shiikeawe raq ramungtan maq abom taikai. Kiitiikaq naishiq ka Jesuq apaiq rai asii hiqlam na adam asi riikai.