kiimaq jurwa maiq chongsiq mak, apaiq raq akongtibi ma ashut klomak, riimakla ajam thoti mangchong raüta shapshaü pan mak.
DUNGWVNC 20:16 - ASII LAKDAP Bible (BSI) “Maiq ma arot kha naq nyankiq. Hawa Naga Bible 2001 “Miq vshiz shiz muex tvyaq vtueq, hakhix khvmc mvy muq. |
kiimaq jurwa maiq chongsiq mak, apaiq raq akongtibi ma ashut klomak, riimakla ajam thoti mangchong raüta shapshaü pan mak.
Anübok shaü heati miika, rengkiq bom naq chongkiq. Shatmaq stiq skhaq raüta siti miika, maiqkam sea chang.
Kha ahü na kha nyanke ka, klata maq abuk ikha; nepja maq ase ikha; liq maq ahiip ikha; maiq ma tsihea.
Maiq ju mang niimin arot shap shaü pan raamak. Kiimaq ümtiikiiwa maiq ashi ra ka rung na arilung miitu chaptlaq, ümniiraq apaiq khrumke miitu ahea hakhi kechang bom siraüla, kra linham linhok chonglaq. Laüta apaiq ka tiichhii kuq laq. Ngi ka Tatiwe.
Maiq ka ju jaq wiimin ümphuk naq lamkiq. Riimakla apaiq ka ngeng wan ruq ka naq ngengkiq. Shatmaq ümkhum ka ümniiraq jamkho lungwiitlaü kiikha ümjam thoti chiiti kra lungwiilaq. Ngi ka Tatiwe.
“Jamlai phan aming lang chang wa miraq?” nguta apaiq raq Jesuq ma waito. Kiijiishe Jesuq raq treto, “Maiq naq tsatkiq; maiqchak rai naq srakiq; ahuk naq jakiq; khahü na maiq ma huk naq nyan kiq;
Kiimahali, phenlanok wiijamti riimin apaiq ma waito, “Riita, shra we le, naishiq ha? Naishiq riika jamlai phan jaqsham chang wa miraq?” Kiijiishe Apaiq raq tsangshiq ma chongkuqto, “Namshiq raq ju jaq wiimin, ningkun ningkaq maq, kampho ka naq siq rongkiq. Kiimaq, kha ahü na, maiq ka naq shra rongkiq. Namshiq maiqmii laqkhaq kra phaqsiq lantli si ronglaq.”
Raütiishe, tsangshiq raq maiq wiijamti ka shea wan raüta, apaiq tiishaü baiq miitu, kha ka arot tünyan nongto. Kra arot hakhi ketibi raq Stephen ma, “Naishiq raq apaiq ka, nashiq asii Shomjam ara nai Mosheq raq akuq Thungtri khuthaq na, bom ka ashut abi bom kli tai tiikai.
Riita, ümchaü sanha, tiipung miirung lanta naqsi rongkiq she. Maiq bom bi tai lanta, mophok rai ka naqphok rongkiq she. Kiimaq mokhiqriq kai min, naqkhiq rongkiq she. Maiq rai morkhiikhii min naq riikhii rongkiq she. Kiimaq maiq ka moshummii kai min naq shummii rongkiq. Maiq rai makshu rashe, wesang ralii tsantsii thü min raa mak she.
Kiimaq sethoq sepii jati ma, kiimaq jechak nai jechak liipan na, kiimaq maiqwe nai maiqwe liipan na, hi nai waqkong ikha, ashe ngarai tang tlaqti miitu sitlo. Kiimaq, rehuk maq maiq ka lapho lili raüta, di ma maiqsang, jamkha min ahüti kra shaphaqti miitu sitlo. Kiimaq, arot akiq chongti, kiimaq arot hakhi ketibi miitu sitlo. Kiimaq jurwa tengteng bomtsi jin raüta, ajiq kamasham lam na, mungmaiqse ma shrinkuq tlaqti miitu sitlo.
Tsangshiq tsan na maiq ma mangchan tsii ka ahü she miraq. Maiq ka ji maq nishishi tiima tsii li she miraq. Maiq chongsea wa trangli she miraq. Jado piqdo, tatso roli she miraq. Kiimaq ramok rachhai, akhiq ariq wa trangli she miraq. Tsangshiq raq jamlai wa ahea kra angeng miraq.
Phunainotiim lei, namshiq liipan na maiqmii nai maiqmii ka naq riichongsiq rongkiq. Jurwa maiqmii kongti Phungmaiqse kra shaphaq tlaq, lo arewe ka ajiq nguta shin tlaq, kriiti riika Shiikeawe Thungtri kra sairan tlo ngushat. Kiimaq Thungtri raü ka sairan tlo ngushat. Riita namshiq raq thungtri she sairan han jiika, namshiq ka Thungtri wokhong na siti ka riiman she. Shatmaq thungtri sairanti miishe mija han.