James 4:11 - ASII LAKDAP Bible (BSI)

¹¹ Phunainotiim lei, namshiq liipan na maiqmii nai maiqmii ka naq riichongsiq rongkiq. Jurwa maiqmii kongti Phungmaiqse kra shaphaq tlaq, lo arewe ka ajiq nguta shin tlaq, kriiti riika Shiikeawe Thungtri kra sairan tlo ngushat. Kiimaq Thungtri raü ka sairan tlo ngushat. Riita namshiq raq thungtri she sairan han jiika, namshiq ka Thungtri wokhong na siti ka riiman she. Shatmaq thungtri sairanti miishe mija han.

Hawa Naga Bible 2001

¹¹ Phunox bix lex, nuimshiq vdvmz dvmz mvrax nauk rvhtusiz kaz. Miqmac Christan phunox waz vshiz muex mvrax htusiz lvmz, rvmuq ngoz ruiux vphoc jix waz ukhaq yuq muinz Tvrac muex mvrax htusiz dvyx muinz rvmuq, kvruex phoc jix waz rvtueq. Nuimshiq rueq Tvrac muex phox kuq ruiux yuq, nuimshiq kuex kvruex Tvrac phvnc jix rvmuq, vphoc kuy jix dvyx yaungx tuinx.

Muklom

¹¹ I no nia pho tang, ashey eq ashey ma jashit ta nak raaq inn. Chamtey uno nia pho tang sha jashit ta raaq tia phung ajo piq aa thong sha jashit ta raaq aa etho phung aa. Nim aa thong sha phung inn jo esha tat mintey etho esha phung ma tongtey.

James 4:11 Referencias Cruzadas

Tvtsvmc 140:11

Jurwa maiq ka kha ahü na arot akiq kha nyan raüta tiishuttlaq kriiti ka phanrap na ong mak mirlaq; abi rathaiq raq tiimiqchup mibok wanlaq raüta tsangshiq ka mitiithen baiqlaq.

Luke 6:37

“Nanok naqsetsiiq rongkiq. Shiikeawe raq namshiq ka shin mak miraq. Nanok ka naq tiishut phit rongkiq. Shiikeawe raq namshiq tiishut phit mak miraq. Nanok mra ka adii riikuq ronglaq. Shiikeawe raq namshiq mra kiimin midii kuq.

Romans 2:1

Kongtitiim lei, namshiq raq nanok ka jaram wa sairan tlan? Namshiq ka juli riikan jiimin, hangkilot man. Jamkhano ngukla, namshiq raq nanok ka ajiq klo tlo nguta, sairan tlan. Shatmaq, tsangshiq raq jamlai wa ajiq klo tlaq, kra hali namshiq riimin klo tlan. Lanta, maiq ka shra tiikai angu, maiqmii kli ajiq we dea nguta, shra phaq tlan.

Romans 2:13

Ara jamkhano chongtiikai ngukla, Shiikeawe raq maiqse ka kechu maiqse she nguta, apaiq rai wehea ma shram wantlaq kriika, Thungtri aming ka miinan ni maq tai wantibi lamlam ka, shram wan mak. Shatmaq, jurwa Thungtri aming kra lang raüta sitlaq, kriiti ka Shiikeawe raq, apaiq rai kechu maiqse she nguta shram wan tlo.

Romans 7:7

Riita, ikhiijiika ümchaü sanha, Thungtri kriika ngarai tu kaü dea ngutiishe sha mingu rong i? Riimak, kiikha kla riimak! Shatmaq, ngi ma ngarai ka jamlai nang wa ngutla, kra bomtsi kra tru chongketi ka Thungtri raq chongkuqto. Thungtri raq, “Maiqhuk maiqsam ma naq sü ramkiq,” nguta, ngi ma aming kuq mak ngu raü jiika, ngi raq sükha tsii ka jamlai ngo nang wa kra, sap mang mirha wa.

1 Corinthians 4:5

Ara chongtiikang arkha na, Shiikeawe raq atiihong rahiq kra misaü shaq na, namshiq raq maiq ka ajiq alam nguta naq sairan rongkiq. Phangthum Khapho miika Tatiwe saükai kra khechang dongdii. Apaiq riishetiq ranyaq jaqsham kaiwa thun kra linhokhok raüta mitiichhi kuq. Kiimaq maiqse raq ajiq tiima tsantsii apaü ashan raüta rüm wantaq thun kra wiita she mitiichhi kuq. Kra akhing niishetiq Shiikeawe raq maiq khumtek ma tsangshiq raq jaqsham wantaq kra khankhan she mishom ra.

2 Corinthians 12:20

Ngi ka hai tiikang jo, jai maq ngi, namshiq phana watiikang akhing na, ngi raq namshiq ka jamkhii chhiwa wa rotiikang, kiikha riimak, pong linlin she michhi wa ha ngo chang chang. Kiimaq namshiq riimin, ngi arka, jamkhii michhihai ngutiiwa tiima tlan, kiikha ka riimak, pong linlin michhi han ngo changchang jo. Ngi tiihai rai tiikang arka, ngi raq namshiq ka, tatso wiinyi nai riingeng riiseng michhi wa ha ngo changchang ikha. Akhiq ariq nai riilong riiliiq, pong riipiipii, thophi riiqphi maq, maiqmii nai maiqmii liipan na riichongsea michhi waha ngo changchang ikha. Ashkong trangli nai pongmü riimü michhi wa ha ngo changchang nguta tiima tiikang.

Ephesians 4:31

Riita, ümchaü sanha, tiipung miirung lanta naqsi rongkiq she. Maiq bom bi tai lanta, mophok rai ka naqphok rongkiq she. Kiimaq mokhiqriq kai min, naqkhiq rongkiq she. Maiq rai morkhiikhii min naq riikhii rongkiq she. Kiimaq maiq ka moshummii kai min naq shummii rongkiq. Maiq rai makshu rashe, wesang ralii tsantsii thü min raa mak she.

1 Timothy 3:11

Kiimaq tsang-nyungre kiimin maiqshaq, arong arai ahea, abom asa na sobsob bombom maq siti riichang. Tsangshiq raq shapshaü miqshii pan raa mak. Tsangshiq ka phanrap na athuk atsom maq jaqshamti riichang.

2 Timothy 3:3

Tsangshiq tsan na maiq ma mangchan tsii ka ahü she miraq. Maiq ka ji maq nishishi tiima tsii li she miraq. Maiq chongsea wa trangli she miraq. Jado piqdo, tatso roli she miraq. Kiimaq ramok rachhai, akhiq ariq wa trangli she miraq. Tsangshiq raq jamlai wa ahea kra angeng miraq.

Titus 2:3

Krai mren sii hali, jechakre nyungwere miimin tsii ka chongkuq laq. Tsangshiq raq maiqmii rilung ka Shiikeawe ma kiinong kuq raüta, tsangshiq rong arai ka maiqlung ngamwii, athuk atsom nyungre rilung si maq, mishong nga laq. Tsangshiq raq shapshaü miqshii tiikon raa mak. Kiimaq tsangshiq ka chechok tsampii ma ja raamak. Tsangshiq ka nanok ma, Phungmaiqse nyungre ngutlaq ka jamkhii asii arai maq singa chang wa, kra shrinketi riichang.

James 1:16

Lungwii Phungmaiqse phunainotiim le, namshiq ka angok angikong ma naqja rongkiq!

James 1:19

Lungwii phunainotiim lei, namshiq raq ara bomtsi ashi arka asap han she: Wiitarü raq tsütsa ahea bomtsi chongkuq tlaq kra, tsangriri maq tiitsangdada tai ronglaq. Lanta tak ronglaq. Shatmiitiina, nanok ma shrinke wan lam niika, chaosusu se maq chongkuq rong laq. Kiimaq mokhiq kai ka naqkhiq rongkiq.

James 1:25

Shatmaq, Tsütsa Ahea ka, Shiikeawe raq maiqse ma akuq minhap thungtri raütu. Ara minhap tri raütu raq, ngarai maiqse ka, kharü mong wa daa wan tlo. Jurwa ara tri raütu na jamlai wa chongtlaq kra thun ka, tiitho tiipha sidi raüta, liichum kra thusi tlaq, raüta laq mak phan maq, tsan na thü raüta, ranaiqtek lang tlaq, Shiikeawe raq apaiq ma phanrap na achu shiiman mikuq.

James 2:8

Ara chongtiikai arkha maq, Asii bomtsi na chongtlaq, Ramungtan Thungtri aming ka namshiq raq lang lanta si han jiila, namshiq ka tingting maiqse ma mija han. Kra chongtiikai aming ka ara, “Ümniiraq ümkhum ka jamkho lungwii tlaü, kiikhiisii hali ümjam thoti chiiti kiimin lungwii laq.”

James 5:10

I phu i notiim Phungmaiqse kong lei, Tatiwe tsütsa chongketibi ra shammibi rilung ka nashiq ma lam sheaketi. Tsangshiq riimin la nashiq chamchao wankai akha, ümtinkhan wa litkot chamchao wamong maq lea wan raüta Shiikeawe tsütsa ka chongkuq wanto.

James 5:7

Phuno nyinotiim lei, nashiq Tatiwe ka misaüki shaq wiiwii, litkot chamchao ümtinkhan wa riihum wan tlan kra, tsan tiibum lanta nin wan ruq miili si rong laq. Liimanta, wak shamseati we riimin la, awak wa tsam ka midong man shaq wiiwii, tsan tiibum raüta, khekham maq khe tlo. Apaiq raq jurai liirai rajun saü tlaq kra, kheshat maq sitlo.

James 5:9

Phuno nyinotiim lei, namshiq raq chamchao litkot riihum tlan akhing na, riithu riisi lanta, weshi raq weshi ma naq tiishaü rongkiq. Nashiq raq kongti ka khühü na tiishut wan raa mak. Ara chongtiikang arka, Shiikeawe raq namshiq ma kha nyan mak chang miitu chongtiikang. Phowe jong ka ümchaü aje niishe. Mangjong maiqse kunli kha phokai saüho tlo she.

1 Peter 2:1

Riita ara chongtiikai rawü anye she chhi lan arkha maq, ümchaü sanha, namshiq tsan among wa, phanrap abi ümchuwa sitlaq kra wiita raübaiq rong liishe. Namshiq raq ümchaü sanha, arot akiq naq bom rongkiq she. Makshu rashe lam maq naq si rongkiq she.