James 4:10 - ASII LAKDAP Bible (BSI)

¹⁰ Shiikeawe puk na aranse ma ja lanta nyap ronglaq. Raüla, apaiq raq namshiq ka ajong ala miishe mitiijong luwan.

Hawa Naga Bible 2001

¹⁰ Nuimshiq shauk vgvnz kuex Taungjix khaungkac nuex tvyomz wuez shuinz; kvkhoc ngoz ruiux jix vpiq rueq nuimshiq muex tenpix kuq kv-phuinx.

Muklom

¹⁰ Teyhungwa relna tinnin ang inn etho piq aa nim ma kongpha kotna.

James 4:10 Referencias Cruzadas

2 KAÜWA WERAÜ 7:14

kra akhing na, tsangshiq ka ijaq wa achu jaü raüla, kiimaq tsangshiq ngarai thun kra troq raüta, tsangshiq raq ashut jaqsham tlaq kra thun kra thaq baiq raüla, ngi raq tsangshiq achu jaü ka ramungtan maq mitaiha, lata tsangshiq ngarai thun ka midii kuqha. Lata tsang mung ka chiithe lüwa hiq miishe mitiija kuq nongha.

YOBA 22:29

Shiikeawe raq khüngati atiidea riibaiqtlo kiimaq wepuq wesebi ka khup wong kuqtlo.

YOBA 5:11

Tengto, Shiikeawe riidea wepuq weseti ka ajong ma tiijatlo; kiimaq aho ajüti ka apaiq raq boqpum raüta tiichochi tlo.

Tvtsvmc 113:7

Apaiq raq miitsan maiqse ka botkhulai na abumwa dotlo; apaiq raq thümsaü litseti ka wakhü kham nyang wa tiichhanchhitlo.

Tvtsvmc 147:6

Apaiq raq wepuq weseti dopitlo, shatmaq abi kloti ka hiqrai shotbaiqtlo.

Tvtsvmc 27:6

Krai mren, ngi tro na re phong kra mitangha. Chojong chise agilülü lam maq apaiq Shomjam na honglu thun mitaakuqha; ngi mishiha, ngi raq Tatiwe mitiitsamha.

Tvtsvmc 28:9

Ümsenginok kra chhiilaq, Tatiwe lei, kiimaq ümwokhong na siti ka shiimanlaq. Tsangshiq ka ümskusekong ümniika tsangshiq rümti; kiimaq tsangshiq ka pattup miitu shiikum panlaq.

Tvtsvmc 30:1

Ngi raq ümnaq tiitsam tiikang, Tatiwe lei, jamkhano ngukla ümniiraq ngi tiichhiikuq laü, kiimaq ijaqtibi ka ikhuthaq na tiidoqditsiq maü riilaü.

DUNGWVNC 10:3

Krai mren Mosheq nai Aron ka hokhamwe phana wato. Raüta apaiq ma nguto, “Tatiwe, Hibrunok Shiikeawe raq ngutlo, ‘Ümniika ibom taimaü ikiq khiiruq ka ümtincho na saüli wa mikhiisiq haü? Isenginok ka tiiwalaq. Raüta tsangshiq raq Ngi mishomnoqlaq.

TAKSU LAK 29:23

Maiqse shiikong raq, apaiq ma jea mitiingaü. Shatmaq sobsob bom bomti miika, shreng manto asi miraq.

EJEKIEL 21:26

Ngi, Tati Rakaü Hiqwe raq ara ngutiikang: Üm hokham khuphok nai nairai khuphok kra chut baiqlaq. Man na sitlan kiikhii ka riimak she. Miitsan maiqse thun ka wela miishe mitiija wan! Mung pengti welabi thun ka atiidea she mirbaiq!

Matthew 23:12

Jurwa ngi ajong nguta tiima tlaq, kriiti ka atran mirbaiq wan. Kiimaq jurwa ngi ka aran nguta tiima tlaq, kriiti ka ajong ma mitiija wan.”

Luke 1:52

Apaiq raq honyung hokham ajongbi ka, hokham ngachang wa tiidea baiqto. Raüta tsanin wokninti ka tiijong luwanto.

Luke 14:11

Ara jamkhano chongtiikang ngukla, jurwa maiqmii ka ajong ala nguta tiima tlaq, kriiti ka aran se ma mitiija baiq. Kiimaq juwa, maiqmii ka tiisaiq haiq shat maq sitlaq, kriiti ka ajong ma mitiija wan.”

Luke 18:14

“Riita, ngi chong pha,” nguta Jesuq raq nguto. “Phunta hiti we ka Shiikeawe raq apaiq ngarai ka diike jeshe, ajam na wawanto. Phorisiwe ka riimak. Ara jamkhano chongtiikang ngukla, maiqse liipan wa jurwa, maiqmii dea ajong nguta tiima tlaq, kriiti ka aran ma mitiija. Kiimaq, jurwa tiisaiq haiq shat maq sitlaq, kriiti ka ajong ma mitiija wan.”

1 Peter 5:6

Aranse ma jalaq, ningkun ajong Shiikeawe jaqkhong na. Kiikha si haüla, apaiq raq akhing hongto angu na, ümniika ra na mido.

1 SAMUEL 2:7

Apaiq raq maiq wiijam miitsan tiijatlo, kiimaq wiijam chiithe ma tiijatlo; apaiq raq maiq wiijam aran ma tiijatlo, kiimaq maiq wiijam ajong ma tiijatlo.

1 SAMUEL 2:9

“Apaiq awokhong na siti, asengi khup wong kuqtlo, shatmaq abi maiqsetiim ka ranyaq mong na mowantlo; maiqse raq aningkun maq rekhat tang wan lot mak.