James 4:10 - Hawa Naga Bible 2001

¹⁰ Nuimshiq shauk vgvnz kuex Taungjix khaungkac nuex tvyomz wuez shuinz; kvkhoc ngoz ruiux jix vpiq rueq nuimshiq muex tenpix kuq kv-phuinx.

ASII LAKDAP Bible (BSI)

¹⁰ Shiikeawe puk na aranse ma ja lanta nyap ronglaq. Raüla, apaiq raq namshiq ka ajong ala miishe mitiijong luwan.

Muklom

¹⁰ Teyhungwa relna tinnin ang inn etho piq aa nim ma kongpha kotna.

James 4:10 Referencias Cruzadas

2 KAÜWA WERAÜ 7:14

tsuingshiq rueq vshuimc tvyaq tueq layx bac yauk shuimc wawc thuinz kvlayc ruiux kvyez yek vtueq ngvy kox wawc vjux thoz ruiux yuq, raungmungx maq tay kuq shaungx, kvkhoc tsuingshiq mvrax htenc kuex dawc kuq ruiux, tsuingshiq mungtan kuex tvrungx wanx yek shaungx.

YOBA 22:29

Tishox rueq ngamc yungx ngax yungx jix kuex tvyomx gay ruiux, thuinz tvyomx yaq jix kuex palc wvnc tueq.

YOBA 5:11

Rvtueq, Tishox rueq thuinz tvyomz jix muex tenpix kuq ruiux, vkhoarc vnyerc jix lotlaz muex vkoz vkez lvmx kuq yaq.

Tvtsvmc 113:7

Vpiq rueq htemc saz jix htenc kuex bokkhuyx wawc tenz ruiux; rax yaq jix htenc kuex vgvrx vtsvrx rvhumc yaq wawc tenz wvnc vtueq,

Tvtsvmc 147:6

Vpiq rueq thuinz tvyomx jix miqsaz muex htuiz daungx kuq tueq, yuq muinz layx bac jix htenc kuex ghaq nuex httuiuc laz tvrul gay tueq.

Tvtsvmc 27:6

Kvkhoc rvtueq ngaz rueq ngvy tvroz tuimc jix ralx htenc kuex taungx gay tauk; ngaz kuex kokez maq guyc vtueq vpiq Shomc Yuimx nuex shomc nawk kuy shomc kuq shaungx. Ngaz rueq Yehowa muex shic vngoyc maq tvtsvmc shaungx.

Tvtsvmc 28:9

Yehowa lex, mmiqsaz htenc kuex palc wvnc shuiuz, Mmiqsaz htenc muex ruimruimx kuq shuiuz. Tsuingshiq kuex lawc jix khelbuenx remc jix waz muex yaungx vtueq, tsuingshiq kuex pattup tvkhup wungx shuiuz.

Tvtsvmc 30:1

Yehowa lex, mnoz rueq ngaz palc wvnc phux, ngvy ralx htenc rueq ngaz taungx gay phuex wawc mnoz rueq ngaz tvkhup wungx wvnc phux ningkhvnc nuex ngaz rueq mnoz muex tvtsvmc vphaungx.

DUNGWVNC 10:3

Moshe nuiyc Arun kuex hokhvmx waz kox nuex kaz vtueq piq muex jungx tueq, “Hebre miqsaz htenc Yehowa Tishox rueq ngoc, ‘Mnoz rueq ngvy kvjaz kuex mtanc nuex httuiuc laz lac tvlvlc phux? Ngaz muex nawk palx kuy kay tvkoc ngvy miqsaz htenc kuex tvkaz shuiuz.

TAKSU LAK 29:23

Tuluimc thuinz httax ruiux mnoz kuex vdvy rvwvnc tuiux, yuq muinz thuinz tvyomx tv-nyenc ruiux kuex tvtsanc nganc lvp shuiux.

EJEKIEL 21:26

Ngaz, Johvlc Yehowa rueq jungx vshaungx. Nuimshiq khushec nuiyc khux phuk htenc kuex put taq shuinz. Yvmx muinz kungkhux wawc rulc rv-ngvlc muq shex. Htemc saz jix htenc muex luimc vkawc tvduiz kuq ruiux! Vyungx vlaungx bix kuex tvsvt gay shuiuz!

Matthew 23:12

Ukhaq yuq muinz miqmac shauk gvnz tvtsvmc jix waz kuex yomnamc gay rvhumc tuex, miqmac shauk gvnz yomnamc jix waz kuex tvtsvmc kvmc kuy rvhumc tuex.

Luke 1:52

Vpiq rueq hungc vlaungc httax yaq hokhvmx bix kuex tsuingshiq hoc wawc tvdvy gay ruiux, thuinz tvyomx tv-nyenc yaq jix htenc kuex tenpix shuex.

Luke 14:11

Miqmac shauk pumz somraungc jix waz ukhaq yuq muinz tvyomx gay rvhumc tuex, miqmac shauk pumz tvyomx gay jix waz kuex tvtsvmc tenpic rvhumc tuex.”

Luke 18:14

Ngaz rueq nuimshiq muex jungx kuq ix, Pharise rvmuq maq muinghic jix kuex Tishox khaungkac nuex vlvmx shuimx kaz ruiux yuimx nuex yek waung tueq. Yvmx khoc lac ngoz ruiux lec miqmac pumz muex kvtsvmc kvmc jix waz kuex tvyomx gay rvhumc ruiux, miqmac pumz tvyomx jix kuex tvyungc loayc rvhumc tuex,” ngoz kuq tueq.

1 Peter 5:6

Kvkhoc rvtueq Tishox rueq vpiq muex hunghtaungx yaq vkhing httuiuc ruiux yuq, nuimshiq kuex mtenz pix shuex, Tishox hungc vlaungc httax yaq yauk khung nuex nuimshiq shauk gvnz kuex tvyomz vtueq httax kuinz.

1 SAMUEL 2:7

Vpiq rueq miq wvyvmc kuex htemc saz tvyaungc ruiux, wvyvmc kuex tvrungx wanx kuq yaq; vpiq rueq wvyvmc kuex tvdvy gay ruiux, vganc kuex tvyungc tvloayc rvyaq.

1 SAMUEL 2:9

Vpiq rueq tvmtuing httax yaq miqsaz tvraungx lvmz htenc kuex tvkhup wungx kuq yaq, yuq muinz layx bac jix htenc kuex raungx nyauk mungx nuex moz wvnc tuex; miqsaz rueq miqmac hungc vlaungc maq taungx lot shuex rvmuq.