James 4:9 - Hawa Naga Bible 2001

⁹ Thuinbac yonzyex wuez kuinz, guyc sez khoar nyerx wuez kuinz; nuimshiq nuey kuex vkhoarc vsez muex, nuimshiq kokez vtuinx kuex vyonz yec juing muex layc gay shuinz.

ASII LAKDAP Bible (BSI)

⁹ Ngarai kaq dea sitiikai nguta maaho maanyi, makphai khüshang riilanta mra tiidii rong laq. Anai trang ka aho trang miishe tiija rong laq. Hühü haha sitlan kriika, mun tiijuk-ram she riirong laq! Shiikeawe man na, munjuk mijuk maq mrong roq rong laq. Haü la Shiikeawe raq namshiq ka aki miikiim setiim miishe mitiija.

Muklom

⁹ Tin tashit inn, etho uqhap ang inn. Nim ngit shi uqhap ma etho nim sungrang shi tin jungnáng ma cham kaley.

James 4:9 Referencias Cruzadas

NEHEMIA 8:9

Tsuingshiq rueq Tvrac luik nuex tvkhic shec tueq htenc kuex tay wuez vtueq thuinz nuex heq koq tueq vkhoarc rvwuez tueq. Kvkhoc rvtueq mungx walaungx waz Nehemia, Tvrac luik tuiuz jix shomc waz Ezra nuiyc Tvrac luik vlvmz kuex jalc jungc kuy jix Lewi miqsaz rueq, “Majuiuc raungnuiyq kuex Yehowa nuimshiq Tishox muex vsawc raungnuiyq rvtueq, kvkhoc rvtueq nuimshiq yonzyex vtueq nauk khoar wuez kaz.

YOBA 30:31

Mvnnuex lauk shiz vkokez juing toloz thuic ngaz rueq tay wvnc tauk baung nuex, majuiuc kuex vyonz vyec nuiyc vkhoarc vnyerc tvruingc dvyx shex tay vshaungx.

Tvtsvmc 119:136

Miq htenc rueq mtvrac kuex phvnx muq ningkhvnc nuex ngvy muik phic kuex yuix ruilx ikhoc kaz yaq.

Tvtsvmc 119:67

Mnoz rueq ngaz muex murx max tvgurc nuex doc muinz, ngaz kuex lvmx yaq nuex kaz wvnc tauk, yuq muinz majuiuc kuex mkvjaz ngaz rueq phvnx vshaungx.

Tvtsvmc 119:71

Ngaz rvhumc vtaungx murx ngvy tvkoc vhvlx yaungx yaq, yvmx khoc lac ngoz ruiux lec kvruex raq ngaz muex mnoz rueq nvrc bomc htenc kuex tvluing kuq yaq.

TAKSU LAK 14:13

Vnuey rueq vyonz juing lvmx puingc gay yaq. Kokez juing lvmx htumx kaz ruiux yuq yonzyec juing lvmx rueq mkaq muinz phvnx hvt rvyaq.

THARC TVLUINGC 2:2

Vnuey kuex miqyaq rvtueq, vraungc raq lvmx rueq mnoz muex vhvlx lvmz tvyaungc kuq lot muq kuex ngaz rueq thuiy humc lvp tauk.

JEREMIA 31:13

Kvmaq yalxtux nyuiuz rulx kuex wvnuemz vtueq kokez wuez tuex, miqwaz rulx nyuiuz waz nosaz shuenruenz wuez tuex. Ngaz rueq tsuingshiq muex tvlenc lauk vtueq tsuingshiq yonzyex kuex kokez juing tvyaungc shaungx, tsuingshiq thuinbac yaq kuex thuinz hvlc kuq shaungx.

JEREMIA 31:9

Ngvy miqsaz htenc kuex vhtaq maq vkhoar yek wuez tuex; vjux thoz jix hez kuex ngaz rueq shvlx wvnc yek shaungx. Ngaz rueq yuix kawx lvmx maq kvhtuip kvluip vguez laz juing lvmx nyel jvt maq tsuingshiq kuex thuq wvnc shaungx. Ngaz kuex Israel muex vwaz rvtauk, Ephraim kuex isaz pekhux waz rvtueq,” ngoz tueq jungx tueq.

AJONJÜ 5:15

Vkokez juing kuex nuiyshiq rullungx nuex htumx kaz shex; vyonz vyec juing rueq nuiyshiq wvnuemc nvyc juing nuex nyuip lvp wvnc tueq.

EJEKIEL 16:63

Mnoz rueq shuimx wvnc toq vyaq mvrax lotlaz kuex ngaz rueq dawc kuq phaungx, yuq muinz mnoz rueq kvruex htenc kuex rvwvl lvp wvnc vtueq mnuix tvkac tvkoc doc muinz pinhtumc yvlc svy rvhumc tuiux.” Johvlc Yehowa rueq jungx tueq.

EJEKIEL 7:16

Miq wvyvmc kuex khuec vwarc htenc wawc kvtenc baz wvnc tueq hituiuc ikhoc kanx htenc nuex yuz wvnc lvp tuex. Tsuingshiq lotlaz kuex tsuingshiq mvrax htenc ningkhvnc nuex kvbot nyvnx wuez tuex.

Matthew 21:41

Tsuingshiq rueq, “Honc bac miq htenc kuex piq rueq vsuing thvt gay shuex, svpiq thuey muinx jauz piq muex khauk khauk kuy jix miq vganc muex tvshap kuq gay shuex,” ngoz tueq tvralc wuez tueq.

Matthew 5:4

Thuinbac yonzyec rvhumc jix kuex thuinhvlx wuez yaq; yvmx khoc lac ngoz ruiux lec Tishox rueq tsuingshiq muex thuinz tvhvlc kuq shuex!

Luke 16:25

“Yuq muinz Abraham rueq, ‘Isaz lex, mnoz kuex vtvraungx baunglaung tsak vnyvmx vhttax luiz waungx waz muex yaungx toq, kvrulc rv-ngvlc Lazaru kuex kuilc daz rvhumc wvnc tueq kuex tvmaung shuiuz, majuiuc piq kuex tsak vnyvmx lvp luz wvnc tueq, mnoz kuex kuilc daz rvhumc vtuiux.

Luke 6:21

Majuiuc sungthuiuz rvmthuiuz rvhumc vtuinx nuimshiq kuex thuinhvlx yaq; yvmx khoc lac ngoz ruiux lec nuimshiq kuex phoay vrungx yaungx wuez tuinx! Majuiuc vkhoarc vnyerc rvhumc jix nuimshiq kuex thuinhvlx yaq; yvmx khoc lac ngoz ruiux lec nuimshiq kokez juing raungwuic httuiuc wvnc tuex!

Luke 6:25

Majuiuc phoay rungx vtuinx jix htenc lex nuimshiq kuex kvhiz juing httax yaq; yvmx khoc lac ngoz ruiux lec nuimshiq kuex sungthuiuz rvmthuiuz rvhumc tuinx. Majuiuc nueyx vtuinx jix htenc lex nuimshiq kuex kvhiz juing httax yaq! yvmx khoc lac ngoz ruiux lec nuimshiq vkhoarc vnyerc rvhumc juing httuiuc wvnc tuex!