DUNGWVNC 20:17 - ASII LAKDAP Bible (BSI)

¹⁷ “Maiq jam chhi laüta naq süramkiq; achak ma, adise kong ma, anyamse kong ma, akumtoq kong ma, riimakla apaiq hupsam phan shi ra ma jiimin naq süramkiq.”

Hawa Naga Bible 2001

¹⁷ “Mhttoarc mphaungx jix yuimx muex nauk rvnphvnx kaz; vjuik, vdax, vsuiux vmanx, loze, rvmuq ngoz ruiux piq nuex httax yaq phvnx ruip saz kvmac rvnphvnx mvy muq,” ngoz tueq jungx tueq.

DUNGWVNC 20:17 Referencias Cruzadas

RAPHA HIQWA LAK 14:23

ngi raq ümhupsam ka akhiismin thümang, railo loshi ra riimakla hokpa paqse ashi jiimin thü mang. Kra riiha jiitiq ümniiraq ümtiikiimin, ‘Abram ka ngi raq tiina chiithe ma tiijakang’ nguta ngulot maü mirhaü.

RAPHA HIQWA LAK 3:6

Kiimaq jechak nyung raq pechong ka kai tsomhea chhito kiimaq atsi ka asea ma kai aheawiq miraq nguta liito. Kiimaq apaiq raq phaqchi maiqse ma jawan ka kai pinthum ahea miraq ngutaq atsan mong na shiweato. Krai mren apaiq raq petsi wiijam ka pan raüta siqto. Raüta petsi wiijam ka tsangwe miishe kuqto. Kiimaq apaiq riimin she siqto.

RAPHA HIQWA LAK 34:23

Riita ikhiijiika tsangshiq raq nyamse kong ümchuwa rümtlaq kiimaq tsangshiq tachong hupsam ümchuwa rümtlaq kriimin nashiq riishe miraq mak shea? Arningkhan nashiqnok min tsangshiqnok rai adam na hiqshi na shong nga wan miituli kiq ka ri rong i.”

YOBA 31:1

Ngi raq jetu nyung sham na tiima ashe maq liimang she nguta sinkham kang.

YOBA 31:9

Kiimaq ngi ka ijamtho chiiti maiq chak ma, rangran kang jiila, lata tsangjam kilam tho na tiipaü lata khekang jiila,

Tvtsvmc 10:3

Abi maiqse ka apaiq raq ashut ramho rümtlaq kra miitu shiikongkhiq sitlo; Shakaqwe riika manson kiqsü riitlo raüta Tatiwe ka shipoq baiqtlo.

Tvtsvmc 119:36

Ngi ma chiithe ma jawan tsantsii la na ümtri raütu thun lang wanro tsantsii kuqlaq.

TAKSU LAK 4:23

Üm tsan na jamlai wa tiima tlaü, kra miitu honkamshat riilaq, Ümtsan na jamkho tiima tlaü, kriiphan phan ümrilung ka mitiiq.

TAKSU LAK 6:29

Ikiikhiisii maiqchak rai srakaiti kiimin miraq. Jurwa kra ashut klo tlaq, kriiti raq maiqmo miho phaq.

THARC TVLUINGC 4:8

Maiqse weshi ka apaiq laqlaq seli, Ase maiqwese min ahü. Anung ano min ahü. Kra taü maq dongdii min, apaiq ka naiqhü wasü mintsa shea mintsa, minshiiq wali arilung ka tiisungtlo. Ajaq na tsiiq ümchuli siraü min, hongto she ngumak phan. Kiitinkhan langlang ka ju miitu wa hunnii raitla? Arka atuli. Arka jamlai achu min ahü rilung.

ISAIA 33:15

Namshiq raq tingting bomhan jiika kiimaq riikhaqli jaqsham han jiika milun wan lot han na. Namshiq jaq na arang hotlan kriimaq miitsan maiqse ka naqlao rongkiq. Kiimaq tsiiqlap naqsiq rongkiq. Maiqtseati matwetiim rai naq pong dam rongkiq. Kiimaq maiq ma abi kloti rai naq pongdam rongkiq.

ISAIA 57:17

Ngi ka tsangshiq ma itsankhiq riikang. Tsangshiq ngarai tangwan kha na kiimaq tsangshiq sükhatsii thü wan kha na khiq kang. Kra ningkhan Ngi raq tsangshiq ma mo tiihokang lata tiishaübaiq kang. Shatmaq tsangshiq ka nilannok. Krai mren tsangshiq raq lungwiitlaq kriili klo wanruq riito.

JEREMIA 22:17

Shatmaq ümniiriika ümwokpo tiima kli saptlaü; ümniiraq maiq sepii pahea tsatbaiqlaü; kiimaq ümsengi mungmaiqse ka chongwai maq hot hot buk laü. Arka Tatiwe raq ngutlo.

JEREMIA 5:8

Tsangshiq ka kumrang pongwetiim aheawiq phetaktak adung rat ikha, Sethoq ja tsantsii riili khutaüphei ikha tiiphelato. Tsangshiq loweatek raq maiqmii jamthoti maiqchak rai sra wan kli lungwiitlo.

EJEKIEL 33:31

Krai mren, isenginok ka ümbom chong kra taiwa kongta hushhu ümphana watlo. Shatmaq ümniiraq tsangshiq ma jamlai bom wa chongkuq tlaü kriika tsangshiq raq lang mak. Tsangnübok miika lungwii bomtsi bomtlo. Shatmaq tsangshiq ka sükha rilung lam kra phan raütli sitlo.

Mikha 2:2

Tsangshiq raq aroro maiq wak nyeatlo Tsangshiq raq aroro maiqjam nyeahoto. Maiqta maiqwii tachong nyeahotlo, maiqta kiimaq tsanghup tsang sam, tiiwongchang ahü.

HABAKUK 2:9

“Phiiptsi chang jo ümniima! ümniiraq ümjamkun ka, mattsiiq tsa tsiiq maq, chiithe ma tiija wan laü. Ümniiraq ümjam ka liihawe chü ikha, raqkha khu na hai wan laü. Chiqse rewe raq thin wa mak, mirlaq nguta!”

Matthew 20:15

Ngi raq i kampho arka, ngi raq aroro na shaphaq lot mang sha? Shea ngi raq nanok ma jaq chii jichii maq phong tsoktsok kewan kra chhi laüta, ümkhun nü sha tsi rai tla?’ ”

Matthew 5:28

Shatmaq, ümchaü ngi raq namshiq ma chongpha: jurwa maiqnyung ashi sham na lii raüta, süram wan tlaq, kriiti raq sipeja ngarai ka atsan mong na atang wishe.

Luke 12:15

Kra ngu raütiishe, Jesuq raq tsangshiq tarü ma akha chongkuqto, “Sükha ramho kharü mong na dea man chang miitu, honkamshat maq si rong laq. Ara jamkhano chongtiikang ngukla, riikhaqli maiqse rilung ngutlaq kriika, ajaq na tsiiq anyam rüm tlaq, kra lamlam li ka riimak. Apaiq ka ümtinkhan chiithe we li jiimin ümriilaq.”

Luke 16:14

Phorisinok raq ara traho bomchong ara taiwi raüta, tsangshiq ka khüphit nüphit wa li she, Jesuq ka shummiito. Jamkhano ngukla, tsangshiq ka kampho ma süram heanok.

Acts 20:33

Ngi raq ju jaq wiimin tsiiq nai nyam ka jaü wan mang. Kiimaq ju jaq wiimin, khuchü kheani min jaü sam wan mang.

Acts 5:4

Hupsam ka misha haü shaq niimin ümhupsam riimak sha? Kiimaq ashalot jai min kra sha kampho ka ümtsiiq li shatshat riimak sha? Riita, ümniiraq atinkhan ashut ka jamlai nguto klo laü? Arka ümniiraq maiqse ma rot riimak, shatmaq Shiikeawe ma rot laü!”

Romans 13:9

Thungtri aming thun na akha chongtlo, “Maiqchak rai naq sra rongkiq; matwe ma naqja rongkiq; ahuk naqja rongkiq; maiqhup maiqsam chhi lanta, naq sü ram wan rongkiq.” Riita, ara chongtlaq aming thun nai aming ahin sitlaq kra thun kriika, aming ashi na siisaq li sup wan tlo. Ara chongtiikai tarü aming thun bomtsi kra tiiku wan chang aming sitlaq kriika, “Ümniiraq ümkhum ka jamkho lungwii tlaü, kiikhiisii hali ümjam thoti chiiti kiimin lungwii laq,” nguta chongtlo.

Romans 7:7

Riita, ikhiijiika ümchaü sanha, Thungtri kriika ngarai tu kaü dea ngutiishe sha mingu rong i? Riimak, kiikha kla riimak! Shatmaq, ngi ma ngarai ka jamlai nang wa ngutla, kra bomtsi kra tru chongketi ka Thungtri raq chongkuqto. Thungtri raq, “Maiqhuk maiqsam ma naq sü ramkiq,” nguta, ngi ma aming kuq mak ngu raü jiika, ngi raq sükha tsii ka jamlai ngo nang wa kra, sap mang mirha wa.

1 Corinthians 6:10

jurwa ahuk arot ma ja tlaq lo, juwa shakaq ma ja tlaq lo, juwa cherop ma jatlaq lo, jurwa maiq chongsiq tlaq lo, jurwa alao riitlaq ara chongtiikai akhnok maiqse ka Shiikeawe sengi ma jalot mak.

Ephesians 5:3

Riita, ümchaü sanha, namshiq ri Shiikeawe sengi she. Krai mren, ümchaü sanha, namshiq liipan na, sethoq sepii jashati, hi awaq ikha singati, kiimaq lapphaq lusiq hon atsii rümti ka, naqsi rongkiq she. Akhnok ashe ashi hon atsii bom ka maiq ma atiitai min naq tiitai rongkiq.

Ephesians 5:5

Namshiq raq ara bomtsi arka asap han ahiq, jurwa sethoq sepii ja tlaq, ashe ashi klo raüta sitlaq, lo, asii aram wali sitlaqti (sükha tsii ka sumla noq ngarai) riika, Khristo nai Shiikeawe Mungtan wa achu shiiman ka lap wan lot mak.

TRI CHONGKE 5:21

“‘Maiqchak ma naq süramkiq, Apaiq jam kriima, apaiq wak kriima, adi sekong kriima, apaiq minsaü kong kriima, apaiq kumtoq kong kriima, kiimaq apaiq raq jamlai phan ta awii wa rümtlaq kriima naq süramkiq.’

TRI CHONGKE 7:25

Lanta tsangshiq sumla phra thun ka wa maq chaq baiq ronglaq. Kra sumla thun na kampho lo riimakla chaq sitlaq kra miitu namshiq naq rang ran rongkiq. Kiimaq kriithun ka namshiq maiqmii miitu naq lam thü rongkiq. Kra riihanla, namshiq ka laimiq wachang misaüki. Jamkhano ngukla Tatiwe raq sumla phra shomnoq ka kai saisitlo.

Philippians 3:19

Tsangshiq ka wamungtan na mide wan. Ara jamkhano chongtiikang ngukla, tsangshiq shiikeawe ka tsangshiq han-ngam ramho. Tsangshiq ma shiikeawe ka, han-ngam ramho dunghiqtlaq kriili. Tsangshiq raq jamlai wa kiimung tlaq kra miitu, tsangshiq ka jeasi raq tsai chang riiwe khoti, tsangshiq ka kra ajiq jaqsham wantlaq kra miitu, tiishom mra lishe, srarai hotaq ahata. Kiimaq tsangshiq riika, phiija wa raq jamlai phan wa rotlaq, kriili shamtlo.

Colossians 3:5

Namshiq raq namkhum na ara mangjong han-ngam ramho raq jamlai jaq wa shamtlaq thun kriika atsea baiq raa dongdii she. Kriika arthun ara: sethoq sepiija, ashe ashi riinyatshat, sükha, abi ati kiimung, kiimaq shakaq tsii, (arka sumlanoq ngarai tang) thun ara riito.

Hebrews 13:5

Kampho ma naq sü ramrai rongkiq. Kra rii na, namjaq na jamlai wa asi, kra sham lantli, chochikhiq maq si ronglaq. Jamkhano ngukla, Shiikeawe raq, “Ngi raq namshiq ka ümtiikii jiimin, amang ale maq tiichamchao mang. Ngi raq namshiq ka ümtiikii jiimin, tiishaü baiq mang,” nguta ngutlo.

JOSHUA 7:21

Sepat lopi hupsam lapkai phong kiijaq, ngi raq Bebilon mung wa khea samtongjong kaü ashi, toknai tin kampho ngam, kiimaq chaq ngam pan ka tokthiq kra chhikang. Isiikha tsi ninlot mang kha maq, arthun ara lam wan kang. Namshiq raq kriithun ka Ijam tombutiip na, kampho ka atakiq na lapthü kang kra mihum han.”

1 SAMUEL 12:3

Riita, ümchaü minla, ngi raq phanshi ra ashut klowan kang jiila, ümchaü Tatiwe man na kiimaq apaiq raq ashong hokhamwe man na, kha ka nyan ronglaq. Ngi raq weshi ra minsaü kaü lo, kiimaq kumtoq kaü lo lamhokang shea? Kiimaq ngi raq maiq ashi ra laolii kang shea? Riimakla weshi ra nanshan wan kang shea? Kiimaq ngi raq weshi ra jaq wa tsiiqlap jaüphaq wan kang shea? Arthun arwa ashi ra ngi raq klo wan kang jiila, ngi raq jamlai wa lam kang kra atham mirkuqha.”

1 SAMUEL 15:19

Riita, ümniiraq apaiq aming ka jam nguto lang maü riilaü? Jam nguto ümniika sepat lopi kra tsoqsea phiimshiimshiim pheho laü? Kra laüta apaiq raq romak, atsan tibi chang ka jaram wa klo laü?”