DUNGWVNC 20:16 - Hawa Naga Bible 2001

¹⁶ “Miq vshiz shiz muex tvyaq vtueq, hakhix khvmc mvy muq.

ASII LAKDAP Bible (BSI)

¹⁶ “Maiq ma arot kha naq nyankiq.

DUNGWVNC 20:16 Referencias Cruzadas

Tvtsvmc 15:3

vganc jix miq htenc kuex jungx saq muq. Piq rueq vkungjix muex vyaq yauk shuimc yvmx muinz shuimx muq, yuimx phic yuimx phaungx jix lvmz kuex jungx saq muq.

DUNGWVNC 23:1

“Nuimshiq rueq vyaq thuix thaungx kuex nauk jungx wuez kaz, mvrax vyaq waz rulc kvnvp vtueq hakhix nauk khvmc kaz.

TAKSU LAK 10:18

Miqmac vshuiuc vpac thuinz puingc pvy jix waz kuex vrot vkaq miq rvtueq. Miq jungc svy kvjaz kvjak jix ukhaq yuq muinz miqyaq vngaz rvtueq.

TAKSU LAK 11:13

Miq jungc svy kvjaz kvjak jix ukhaq muex muinz vpuingc pvy mvy yaq lvmx nuex tvluimc lot miq, yuq muinz tvmtuing thuinz httax yaq waz muex mnoz rueq tvluimc lot shuiux.

TAKSU LAK 19:5

Tvrac rungx maq mnoz rueq vrot vkaq hakhix kvjaz kvjak ruiux yuq, mnoz muex murx tvgurc rvhumc tuiux; kvruex wawc mnoz dung lvp tuiux rvmuq.

TAKSU LAK 25:18

Vyaq mvrax nyvnc lvmx kuex tvthueyc lot yaq yaung, janhtaq nuiyc httez hvlc laqsvnz ikhoc rvtueq.

LEWI 19:11

“Nauk guiuq, nauk laulawc, nauk rot kaq kaz.

LEWI 19:16

Miq vshiz shiz muingc bac juing kvjaz kuex nauk jungx kaz, vthueyc mvrax yaq jix muex khac phox kuq shuex kvkaq, piq kuex mnoz rueq palc wvnc lot juing hakhix httax ruiux kuex tvdung jungx shuiuz. Ngaz kuex Yehowa rvtauk.

LEWI 19:18

Miq muex murx nauk tvyez kaz, nauk rvshuiuc pac kaz, yuimx phic yuimx phaungx jix kuex mshauk pumz lungwawx shuiux kvkhoc lungwawx shuiux. Ngaz kuex Yehowa rvtauk.

Matthew 19:18

Kvruex waz rueq, “Yvmx khoc bomkhvrc tvrac lac rvtvnx?” ngoz tueq wiz tueq. Yesu rueq, “Miq nauk thvt kaz, miqjuik rulc nauk yaq kaz, miq hup svmx nauk guiuq kaz, vrot vkaq hakhix nauk khvmc kaz,

Luke 3:14

Nolaungx bix rueq muinz, “Nuiyhez kuex yvmx lac rvtiq nguinx? Nuiyhez rueq yvmx khoc shuimc juing lac?” ngoz tueq wiz tueq. Piq rueq, “Ukhaq kox wawc muinz tuinghtuing vtueq kuimphox nauk nyvlc kaz, tvrac muq mvrax nauk nyvnc kaz, nuimshiq rueq lvp vshuinx yauk mauk kvmac thuinz suing wuez kuinz,” ngoz tueq tsuinghez muex jungx kuq tueq.

Acts 6:13

Kvruex yimaq tsuingshiq rueq vrot vkaq hakhix khvmc jix htenc kuex shvlx kuq laq tueq. Tsuinghez rueq, “Vruex waz vraq vsawc Shomc Yuimx nuiyc Moshe Tvrac kuex shummarc kvjaz kvjak tueq.

Ephesians 4:31

Kvkhoc rvtueq tvthuiuz sac lvmx, thuinz phec lvmx, thuinkhvy lvmx, vsvlc vkuiuz lvmx, wvlc guez waqguez ruec lvmx, vshuiuc vpac thuinz phvnx ruip saz kuex gay wuez shuinz.

TRI CHONGKE 5:20

“‘Naungnuk waz rulc vyaq hakhix khvmc mvy muq.

1 Timothy 1:10

honc vlayx vbac jix htenc, miqwaz vdvmz yalxjuik vdvmz dvmz rvhtok pawx lvmx, miq lvp khvrc vtueq tvdaungc jix htenc, vrot vkaq jungc jix htenc, vyaq hakhix khvmc jix htenc, tsuingrux vlvmx rvkhauk laz tvluing yaq tvrac kuex khawc lvlc jix htenc tvkoc vtvhungx shec tvrac rvtueq.

2 Timothy 3:3

menjenc kuy tuiuz muq jix, vguirc vguenc jix, miq shummarc jix, yauk laungc yalawx maq nyvlc jix, miq muingjungc tvbac jix, batac hvlc jix htenc rvtueq; kvdvyx rvmuq vhvlx kuex shuiuc pac jix;

James 4:11

Phunox bix lex, nuimshiq vdvmz dvmz mvrax nauk rvhtusiz kaz. Miqmac Christan phunox waz vshiz muex mvrax htusiz lvmz, rvmuq ngoz ruiux vphoc jix waz ukhaq yuq muinz Tvrac muex mvrax htusiz dvyx muinz rvmuq, kvruex phoc jix waz rvtueq. Nuimshiq rueq Tvrac muex phox kuq ruiux yuq, nuimshiq kuex kvruex Tvrac phvnc jix rvmuq, vphoc kuy jix dvyx yaungx tuinx.