DUNGWVNC 14:29 - ASII LAKDAP Bible (BSI)

Shatmaq Israilnok ka khamjong jükhü shinriiqriiq lam maq wawanto. Kiimaq tsangshiq walam siimhap ri niika khamtso khechong maq atuk baiq ikha riito.

Hawa Naga Bible 2001

Yuq muinz Israel miqsaz kuex yuix daungx nueyc hvlwvl nuex ghaq wulthawk htauk maq khuemx wvnc vtueq svmuktvrax kuex yanz wvnc tueq.

DUNGWVNC 14:29 Referencias Cruzadas

2 HOKHVMX 2:8

Kiijiishe Elija raq apaiq raq samtlaq samtong jong kra adü wa chhutto. Raüta atei akom riito. Raüta jurai wa khan thaq kiijaq riihot bukto. Krai mren kham rai ka mannai na tiikho kito. Kiimaq apaiq nai Elisha raq phiisü thung maq jin wan raüta konü tareko niishe wawanto.

NEHEMIA 9:11

Khamjong chum mong maq, ümsengi ma lam tankuq wan laü. Laüta lam shinriiqriiq hea maq, ümsengi nok ka tlea wan laü. Shatmaq tsangshiq jowantinok rewe ka, longpo khamjong chum na atiidea baiq ikha, wiita jü mong na tiithap baiq laü.

Tvtsvmc 106:9

Apaiq raq Khamshii Khamjong chum ma aming kuqto, krai mren khamkok rükito; apaiq raq asenginok phiisü jükok mong maq shea raüta tareko na wawanto.

Tvtsvmc 136:13

Apaiq raq Khamjong Khamshii rai panthit tiikhobaiqto; apaiq lungwii ka pattup pat-sa;

Tvtsvmc 78:13

Apaiq raq khamjong rai kok ka mannai na triiphea baiqto; apaiq raq khamkok ka khetuk wiinai ikha tiichapbaiqto.

DUNGWVNC 14:22

Kiimaq Israilnok ka khamjong chum khü shinriiqriiq hea kriimaq laü wanto. Kiimaq siimhap ri niika kham ka khetuk kaü wiinai ikha chap kito.

DUNGWVNC 15:19

Israilnok ka khamjong chum mong phii shinriiqriiq lam maq wawanto. Shatmaq Ejip mungti kumrang leng thun kumrang kong nong maq nai leng na chaoti thun ka khamjong chum lam maq wato, shatmaq Tatiwe raq khamjong chum kham tso ka atiijang riibaiqto. Raüta tsangshiq ka tiithap baiqto.

DUNGWVNC 15:8

Ümniiraq khamjong chum ka melaüta kham ka ra na dii luwiq atso blun wanto; raüta khetuk ikha chapkito; khamjong tsaühea ba ka hiqsii thung ma jakito.

ISAIA 11:15

Tati raq Suej khamjong chum anong wa kra atrü mirbaiq. Kiimaq apaiq raq rahai keihea tiihai raüta Euphretis rai ka tiishinriiq mitriibaiq. Raüta juse raisetiim aransetiim raimiishe kli mitiichong. Krai mren maiq wiita raq jeriiqriiqhea reko maq riita reko na mijin wan.

ISAIA 43:2

Ümniiraq kham tsaühea raptlaü na, Ngi ümniirai adam mirha; Ümtinkhan chamchaoli riihum haü min; ümniika tiingathu tiinga mak miraq. Ümniika wa mong maq khumtlaü na, ümniika wa raq khiimak miraq. Maitai henghea saütlaq kriiraq, ümniika tiimitsi mak miraq.

ISAIA 51:10

Khamjong chum trübaiqti irmin ümnaq ihata, laüta kham mong maq lam ashi tanlaü ihata, kriikha maq ümniiraq tiichhii wan laüti thun raq jü ka jin wanto.

ISAIA 51:13

Ümnaq phansangti Tatiwe ka alaq rea shea riilaü, ramungtan thun kra chantiwe ka, kiimaq hiq tiichap wan chang jamkhü kra phong wantiwe ka? Ümniika jam nguto hairuqruq haisiqtlaü, ümniika shiikeng raüta tiikiinyiitlaqti ma, ümniika tsatbaiq haijaq nguta tankhantlaqti ma? Tsangshiq tsankhiq moktlaq kra riika ümdü na thanlot mak.

1 Corinthians 10:1

Phunainotiim lei Mosheq jaiphan wanti nanyung nawe thun ma jamlai mra wa pintaq, kra manphan ka namshiq tsan na samhea tiitsang thü rong laq. Tsangshiq tarü ka phumda takiq na, phumda raq tiiwong kuq shat maq laü wanto. Raüta tsangshiq tarü Khamshii Khamjong rai ka khu asang maq jin wanto.

JOSHUA 3:16

Jordan rai kham kai ka atsaq she riikito. Kra khamkok tiihap kitaq hiq ba ka raikhu nünü na alu wi maq tiihap kito. Kriiba ka Adam chela tho na riito. Adam chela ka Jarethan hiqshong tho na riito. Jordan rai kok ka Amaa Khamjong Chum kiina kiho tlo. Kra jükok kra trütha phiisü ma tiija tlii jükhü maq hapbaiqto. Krai mren, Israilnok raq Jordan rai ka Jeriko chela re tho maq jin wanto.