DUNGWVNC 14:30 - ASII LAKDAP Bible (BSI)

³⁰ Kra ranaiq Tatiwe raq Israilnok mungmaiqse ka Ejip mungti jaq khon mongwa tiichhii kuqto. Kiimaq Israilnok raq Ejip mungti maa phong ka khamjong chum kii na küram liira riiphongtlaq kra chhito.

Hawa Naga Bible 2001

³⁰ Kvruex raungnuiyq Yehowa rueq Israel miqsaz kuex Ejip miqsaz yauk wawc palc wvnc tueq, Israel miqsaz rueq Ejip miqsaz maungx htenc kuex svmuktvrax kawx nuex rv-phungc rvrungc khiz wuez tueq.

DUNGWVNC 14:30 Referencias Cruzadas

2 KAÜWA WERAÜ 32:22

Ara chongtlaq akha Tatiwe raq Hokhamwe Hejekia nai Jerusalemti ka Asiria mung pengti ajong hokhamwe Sennacherib jaq khon mong wa tiichhii kuqto. Kiimaq tsangshiq jaqtinok mung ahinti jaq wa tiichhii kuqto. Apaiq raq Israilnok ka tsang mung tro na maiq mung thun rai mungtsing maq miishe tiisi wanto.

Tvtsvmc 106:10

Apaiq raq tsangshiq chhiito tsangshiq ngengti jaqkhon mongwa; apaiq raq tsangshiq ka tsangjaqtinok jaqkhon mong wa dokda wanto;

Tvtsvmc 106:8

Shatmaq apaiq raq tsangshiq tiichhiikuqto akiqkham athü kriiphanphan, kriika apaiq ningkun jong tiichhi miitu.

Tvtsvmc 58:10

Kechu maiqse ka pinthum michochi, tsangshiq raq ngarai maiqse thun shiithenbaiq kra chhiraüta; tsangshiq ka abi maiqse kong tsaitaq maiq tiijai chum kra rap wan raüta mikhum.

Tvtsvmc 59:10

I Shiikeawe raq ngi lungwiitlo kiimaq apaiq ka ngi phana miki; apaiq raq ngi ma ijaqtinok tiitang wan kra mitiichhikuq.

Tvtsvmc 91:8

Ümniiraq miliihaü kiimaq michhihaü abi maiqse thun ma jamkho mo tiihotaq kra michhihaü.

DUNGWVNC 14:13

Kiijiishe Mosheq raq treto, “Naqhai rongkiq! Namhok ni kli tiipha ronglaq. Kiimaq ümchaü ranaiq namshiq tiichhiike miitu Tatiwe raq jamlai wa klotlaq kriili liironglaq. Namshiq ara Ejip mungti ara jai na ümtiikiimin chhinong man she mirhan.

ISAIA 63:11

Shatmaq tsangshiq raq richüpat wa manphan kra tsan na tiitsangto, Tatiwe jaqshise, Mosheq pat wa akhing ka tsan na tiitsangto. Raüta tsangshiq raq akha waito, “Ümchaü Tatiwe ka ümbano asenginok welabi khamjong chum mong wa tiichhii kuqtaq ira? Tatiwe, Mosheq ma apaiq asii wenyi ketiwe ira ümbano?

ISAIA 63:8

Tatiwe raq nguto, “Tsangshiq ka isenginok. Tsangshiq raq Ngi laomak she miraq.” Kiimaq apaiq raq tsangshiq ka chhiikuqto.

ISAIA 63:9

Tsangshiq chamchao tlotli wa tiichhiito. Kriika rase raq riimak. Shatmaq Tatiwe apaiq raq tsangshiq ka tiichhiikuqto. Apaiq lungwii tsii maq kiimaq mangchan tsihea maq tsangshiq ka dokda wanto. Apaiq raq tsangshiq ka man na pat niiphü wranaiqshe khebom shat maq dunghiq wanto.

Hosea 1:7

Shatmaq ngi raq Juda mungti miika lungwiitsii mitiichhikuqha. Ngi tsangshiq Tati Shiikeawe raq tsangshiq ka mitiichhiikuq wanha. Shatmaq kra tiichhii wan jaqsham ka re tiidong lata jasam piqsii lata tiichhiike wan ka riimak. Ko aliq miika riimak. Kiimaq kumrang thaq chaoti sreabi kong lümiika riimak,” nguta Shiikeawe raq ngutlo.

TRI CHONGKE 4:34

Tatiwe namshiq Shiikeawe raq apaiq ka Ejip mung na kiraüta namshiq ka asengi ma tiija wan miitu shea wantaq kiikha, phra ashi ra raq maiq mung mungshi ra na kiraüta, maiq phan phanshi ra ka asengi ma tiija wan miitu tsuq wan ka kham tiisha? Namshiq makki na apaiq raq apaiq ningkun jonghea kiimaq apaiq hong ala jonghea kra lang wanto. Apaiq raq thabi pahea tiisaüto. Kiimaq re tiidongto. Kiimaq awang chang jaqsham pahea shamto. Kiimaq amao chang jaqsham pahea kloto. Raüta phiiptsi chang jaqsham pahea shamto.

Jude 1:5

Riita, ija, namshiq riimin la arthun arka asap han dongdii ngutiika, ngi riimin asap ha. Li jiimin, ngi raq namshiq ma thongshi ri hali bliiq chongke nong ro tiikang. Namshiq raq asap han, Tatiwe raq Israilnok ka Ejip mung wa tiichhii kuq wanto. Shatmaq, kra jai miishe, tsangshiq phong wa, maiq ümchu riiwa Shiikeawe ma kamwan mak riitaq, kriiti thun ka Shiikeawe raq wiita tsatbaiq wanto.

PHOWEBI 10:11

Kiijiishe Tatiwe raq tsangshiq bom ka akha treto, “Ejipnok raq, Amoraiqnok raq, Ammonaiqnok raq, Philistainnok raq,

1 SAMUEL 11:13

Shatmaq Saul raq nguto, “Ümchaü ranaiq ka jumin tseabaiq maimak. Jamkhano ngukla ümchaü ranaiq Tatiwe raq Israilnok tiichhiikuqto.”

1 SAMUEL 14:23

Raüta Bethawen chela binjü kra tleaphok khat wanto. Tatiwe raq Israilnok ka kra ranaiq rewe jaq wa tiikhup wongkuqto.