DUNGWVNC 14:30 - Hawa Naga Bible 2001

³⁰ Kvruex raungnuiyq Yehowa rueq Israel miqsaz kuex Ejip miqsaz yauk wawc palc wvnc tueq, Israel miqsaz rueq Ejip miqsaz maungx htenc kuex svmuktvrax kawx nuex rv-phungc rvrungc khiz wuez tueq.

ASII LAKDAP Bible (BSI)

³⁰ Kra ranaiq Tatiwe raq Israilnok mungmaiqse ka Ejip mungti jaq khon mongwa tiichhii kuqto. Kiimaq Israilnok raq Ejip mungti maa phong ka khamjong chum kii na küram liira riiphongtlaq kra chhito.

DUNGWVNC 14:30 Referencias Cruzadas

2 KAÜWA WERAÜ 32:22

Kvkhoc maq Yehowa rueq Hokhvmx Hezekia nuiyc Yerusalem ghaq jix htenc kuex Asiria honoc Sennacherib luimc vkawc mungx wawc nuiyc vganc ralx htenc yauk wawc muinz palc wvnc vtueq, tvroz wawc mungtan htenc rulc nomic tvyaungc tueq.

Tvtsvmc 106:10

Vpiq rueq vshuiuc vpac jix yauk wawc tsuingshiq kuex palc wvnc tueq; tsuingshiq ralx htenc yauk wawc vpiq rueq tsuingshiq kuex palc wvnc tueq.

Tvtsvmc 106:8

Yuq muinz vpiq rueq yunghvlc luimc vkawc kuex tvkhic kuy tvkoc bomkhvmc taq tueq rulc rv-ngvlc tsuingshiq kuex palc wvnc tueq.

Tvtsvmc 58:10

Tsuingrux jix htenc rueq mvrax kop yaq jix htenc muex murx tvgurc yaq kuex khiz shuex yuq vkokez rvwuez tuex; tsuingshiq rueq layx bac jix htenc tvguiy kuex nuiuz vtueq lvy wvnc tuex.

Tvtsvmc 59:10

Ngvy Tishox rueq ngaz lungwawc vtueq ngvy kox nuex kaz ruex; ngvy ralx htenc sumx wvnc tuex lvmz vpiq rueq ngaz muex tvkhic kuq phuex.

Tvtsvmc 91:8

Layx bac jix htenc rueq mkhoc phvnx murx lac gurc yaq nguinx kuex mnoz rueq khiz lawc wvnc shuiux.

DUNGWVNC 14:13

Moshe rueq, “Nauk hiyaz kaz! Phaungx duing rvwuez kuinz, majuiuc raungnuiyq Yehowa rueq nuimshiq yvmx khoc lac palc wvnc kv-phuinx kuex khiz wuez shuinx; nuimshiq rueq vruex Ejip nuk htenc kuex yix maq mkaq muinz khiz yek shuinx rvmuq shex.

ISAIA 63:11

Yuq muinz tsuingshiq rueq lvy wvnc tueq, Yehowa nvrc waz Moshe pat wawc raungnuiyq htenc kuex rvwvl wuez yek vtueq, “Svmuktvrax wawc vpiq miqsaz muex walaungx bix kuex palc wvnc jix Yehowa kuex majuiuc m-yuq lac? Moshe muex vpiq siyac kuy jix Yehowa kuex m-yuq lac?

ISAIA 63:8

Yehowa rueq, “Tsuingshiq kuex ngvy miqsaz htenc rvtueq; tsuingshiq rueq ngaz muex laulawc phuex rvmuq,” ngoz tueq. Kvkhoc rvtueq vpiq rueq tsuingshiq kuex

ISAIA 63:9

tsuingshiq rvhumc yaq kuilc daz lotlaz wawc palc wvnc tueq. Kvruex kuex raungkamx waz rueq rvmuq, yuq muinz Yehowa vpiq pumz maq tsuingshiq kuex palc wvnc tueq. Vpiq lungwawc nuiyc menjenc thuinz ningkhvnc nuex vpiq rueq tsuingshiq kuex daungc wvnc tueq. Vpiq rueq lvy wvnc tueq nuex muinz tsuingshiq kuex mkaq muinz tvwungx wvnc tueq,

Hosea 1:7

Yuq muinz Yuda miqsaz muex kuex lungwawc thuinz tvkhic shaungx. Ngaz, Yehowa tsuingshiq Tishox rueq tsuingshiq kuex palc wvnc shaungx, yuq muinz ngaz rueq ralx lungc nuex yaung, laq, laqsvnz, mvre nuiyc mvre nuex ngaungc jix miq htenc kuex shuimc vtueq tsuingshiq kuex palc wvnc shaungx rvmuq.”

TRI CHONGKE 4:34

Yehowa nuimshiq Tishox rueq nuimshiq tvkoc Ejip mungx maq shuimx wvnc tueq ikhoc, vganc phvnx wawc miqsaz kuex shvlx wvnc vtueq piq miqsaz muex tvyaungc khvmc jix tishox httax tueq haz? Vpiq rueq nuimshiq muik lawc nuex luimc vkawc yunghvlc nuiyc hungc vlaungc kuex shuimx vtueq, vmac vtsac nuiyc ralx rvkhvt, vwangc juing nuiyc romzyac htenc nuiyc kvhiz juing phvnx htenc tvdung tueq.

Jude 1:5

Tishox rueq Israel miqsaz htenc kuex Ejip mungx wawc palc tvdungc wvnc yix maq, vpiq muex kvmluimx nawk palx muq jix htenc tvbac gay tueq lvmx kuex nuimshiq rueq vtuiuz wuez shex, yuq muinz ngaz rueq nuimshiq muex tvtuiuz kuy roc yek vphaungx.

PHOWEBI 10:11

Yehowa rueq tsuingshiq muex vkhoc tvralc kuq tueq, “Lvy wvnc tueq nuex Ejip miqsaz, Amori miqsaz, Ammon miqsaz, Philistin miqsaz,

1 SAMUEL 11:13

Yuq muinz Sholu rueq, “Majuiuc raungnuiyq kuex Yehowa rueq Israel palc wvnc tueq raungnuiyq ningkhvnc nuex vshiz muinz vthvy gay rvhumc tuex rvmuq,” ngoz tueq jungx tueq.

1 SAMUEL 14:23

Bethawen ghaq tvlvy laz yurc khvt kaz tueq. Kvruex raungnuiyq Yehowa rueq Israel miqsaz kuex palc wvnc tueq.