DUNGWVNC 14:31 - Hawa Naga Bible 2001

³¹ Israel miqsaz kuex Yehowa rueq luimc vkawc yunghvlc maq Ejip miqsaz htenc khvt gay tueq kuex khiz vtueq, Yehowa muex hiyaz tvtsanc nganc wvnc wuez tueq; tsuingshiq kuex Yehowa muex nuiyc vpiq nvrc waz Moshe muex kvmluimx wvnc wuez tueq.

ASII LAKDAP Bible (BSI)

³¹ Kiimaq Israilnok raq Tatiwe raq ningkun henghea maq Ejip mungti ka khat raüta tangtaq kra chhi raüta, tsangshiq ka khakii huhu maq Tatiwe ka shrengto. Kiimaq tsangshiq raq Tatiwe ma kamto kiimaq apaiq jaq shi se Mosheq ma kamto.

DUNGWVNC 14:31 Referencias Cruzadas

2 KAÜWA WERAÜ 20:20

Nvp yix raungnuiyq raungnvp saz maq mungx miqsaz htenc kuex Tekoa hep kumtsvy tvnx nuex kaz wvnc wuez tueq. Tsuinghez kvmoay phaungc wvnc koq tueq Jehoshaphat rueq vkhoc tsuinghez muex jungx tueq: “Yuda nuiyc Yerusalem wawc miq htenc lex! Yehowa nuimshiq Tishox muex tvluimc wuez shuinz, ngoz ruiux nuimshiq kuex phaungx duing jvp lot tuinx. Nuimshiq muex jungx yaq shvmmax bix kvjaz kvmac kvmx kuinz, kvkaq nuimshiq rueq lot laungc wuez shuinx,” ngoz tueq jungx tueq.

NEHEMIA 9:9

“Nuiyshiq jix vwaz tamx Ejip mungx nuex kuilc daz rvhumc yaq kuex mnoz rueq khiz toq; Svmuktvrax Yuix Shawx Jumx maq tsuingshiq muex romc kuy tvkoc guyc yaq kuex mnoz rueq tay toq.

Tvtsvmc 119:120

Mnoz ningkhvnc nuex ngaz hiyaz vtaungx; mnoz rueq phox vshuiux lvmx htenc ningkhvnc nuex ngaz hiyaz thuinz mvrc yaq.

DUNGWVNC 19:9

Yehowa rueq Moshe muex ngoc, “Ngaz kuex htvy hvlc phuemx daungx maq mnoz kox nuex kaz raungx, mnoz rulc ngaz kvjak taungx kvjaz kuex miq htenc rueq tay ruiux yuq, majuiuc vmaq phaungc vtueq mnoz muex kvmluimx wvnc tuex,” ngoz tueq jungx tueq. Miq htenc rueq tvralc tueq kvjaz kuex Moshe rueq Yehowa muex tvtay jungx koq tueq,

DUNGWVNC 4:31

Tsuingshiq kvmx wuez tueq, Yehowa kuex tsuingshiq kox nuex svt kaz vtueq, tsuingshiq pinhtumc tvkuilc daz yaq kuex khiz tueq shex lvmz tay wuez vtueq, tsuingshiq bumx vtueq nawk palx wuez tueq.

Luke 8:13

Lung ghaq htauk nuex vdvy vlix htenc kuex bomjungc kuex tay vtueq vkoz vkez thuinz lvp wvnc jix ngoc rvtueq. Yuq muinz tsuingshiq nuex vruingx waungc muq ningkhvnc nuex hvlwvl shiz saz dvyx kvmluimx ruiux, taruiyx rvhumc vkhing nuex tsuingshiq kuex thuinz kvlayc wvnc yek jix ngoc rvtueq.

John 11:45

Kvruex kaq Mary kox nuex kay jix miq htenc rueq Yesu rueq shuimx wvnc tueq yauk shuimc kuex khiz vtueq vpiq muex kvmluimx wvnc wuez tueq.

John 2:11

Yesu rueq Galile mungx Kana ghaq maq vphaungc shauk shauk vwangc juing kuex tvkhic wvnc vtueq, kvyuq vpiq ngauz vngax kuex dung tueq nuiyc vpiq sangac bix muinz vpiq muex kvmluimx wvnc wuez tueq.

Acts 8:13

Simon piq muinz kvmluimx wvnc vtueq yuix luip lvmz ruiux; Philip yix nuex phvnx naungx tueq, romzyac htenc nuiyc vwangc juing yunghvlc htenc shuimx yaq kuex khiz vtueq vkawc yawc tueq.

Hebrews 3:5

Moshe kuex Tishox yuimx nuex nvrc waz ikhoc tvmtuing maq httax vtueq, yix maq Tishox rueq jungx shuex lvmz htenc kuex jungc jix waz rvtueq.

JOSHUA 24:7

romc kuy tvkoc ngvy kox wawc guyc sez thoz wuez tueq, kvkaq ngaz rueq tsuingshiq nuiyc Ejip miqsaz hvlwvl nuex raungx tv-nyauk gay tauk. Ngaz rueq Ejip miqsaz htauk nuex svmuktvrax yuix daungx tvkaz vtueq tvluimz gay tauk. Ejip miqsaz kuex yvmx khoc lac rvgay tauk nguinx nuimshiq rueq tuiuz yaq. “‘Nuimshiq kuex kumtsvy tvnx nuex loayc hvlc httax wvnc tuit.

JOSHUA 4:14

Kvruex raungnuiyq Yehowa rueq shuimx tueq kuex Israel miqsaz htumc nuex Yoshua kuex wv-ngauz wv-ngax miq vshiz ikhoc tvmaung dvyx tvrvhumc ningkhvnc nuex, Moshe muex tsuingshiq rueq tvtsanc nganc kuq tueq ikhoc Yoshua muex muinz piq rullungx wvlex tvtsanc nganc wuez tueq.

JOSHUA 4:24

Yvmx khoc lac ngoz ruiux lec mungkawx miqsaz ruip rawx rueq Yehowa luimc vkawc mtanc khvnc lac yungx yaq nguinx lvmz kuex tuiuz wvnc vtueq, Yehowa nuimshiq Tishox muex mkaq muinz hiyaz tvtsanc nganc wvnc wuez shuex,” ngoz tueq jungx tueq.

1 SAMUEL 12:16

Kvkhoc rvtueq nuimshiq httax vtuinx baung kvyuq jvp wuez kuinz, Yehowa rueq shuimx shuex yauk shuimc yunghvlc kuex nuimshiq rueq khiz wuez shuinx.

1 SAMUEL 12:18

Kvkhoc rvtueq Samuel rueq vjux thoz tueq rulc rv-ngvlc kvruex raungnuiyq kvkaq dvyx Yehowa rueq raungx tvmuk vtueq raungx tvyunc tueq. Kvkaq miq lotlaz kuex Yehowa muex nuiyc Samuel muex hiyaz kawc yawc wuez vtueq,