JOSHUA 3:16 - ASII LAKDAP Bible (BSI)

¹⁶ Jordan rai kham kai ka atsaq she riikito. Kra khamkok tiihap kitaq hiq ba ka raikhu nünü na alu wi maq tiihap kito. Kriiba ka Adam chela tho na riito. Adam chela ka Jarethan hiqshong tho na riito. Jordan rai kok ka Amaa Khamjong Chum kiina kiho tlo. Kra jükok kra trütha phiisü ma tiija tlii jükhü maq hapbaiqto. Krai mren, Israilnok raq Jordan rai ka Jeriko chela re tho maq jin wanto.

Hawa Naga Bible 2001

¹⁶ yuix kay thauk kaz vtueq yuix khux kox wawc loayc hvlc nuex httax yaq Zarethan ghaqyungx hep wawc Adam ghaq nuex httuiuc laz yuix kuex kvjumx kaz tueq. Yuix Maungx Jumx nuex kaz yaq yuix kuex sawc ric ruic kaz ruiux, miq htenc rueq Yerikho ghaq kvhtaz kox nuex yanz wvnc wuez lot tueq.

JOSHUA 3:16 Referencias Cruzadas

RAPHA HIQWA LAK 14:3

Ara hokham webiingi arka adam na pongto. Raüta tsangshiq phenlabi thun ka kongshi maq Siddim Tan na riichomto. Arka ümchaü Amaa Khamjong Chum miishe jakito.

1 HOKHVMX 4:12

Ahilud se Baana: Apaiq ka Taanakh chela, Megiddo chela, kiimaq Beth Shan hong tlotli, Jarethan chela tho thun kra, Jejreel chela maq sheqmai nü binjü thun, raüta Abel Mehola chela na saüli, kiimaq Jokmen chela na saüli kra pengto.

1 HOKHVMX 7:46

Hokhamwe raq arthun hupsam arka jintiiqchang phektri Sukkoth hiq nai Jarethan hiq liipan na Jordan rai tan kiijaq kloto.

Tvtsvmc 114:3

Khamshii Khamjong Chum raq liiraüta juto; Jordan rai kham kimak tsaqkito.

Tvtsvmc 114:5

Khamjong chum lei, ümniika jamlai chhi laüto jutlaü? Kiimaq Jordan rai ümniika ümkhamkai ka jam nguto tsaqkilaü?

Tvtsvmc 29:10

Tatiwe raq chum tsaühea kra pengtlo; apaiq ka pattup hokham ma ja raüta pengtlo.

Tvtsvmc 33:7

Apaiq raq khamjong chum thun ka bashi na riichomto; apaiq raq sammoktra chummak thun ka khamtum mong na shaqbaiqto.

Tvtsvmc 66:6

Apaiq raq khamjong rai ka phiisü thung ma tiijabaiqto; natitiim raq khamjong rai ka hok maq jin wanto. Kiijaq nashiq chochi wankai apaiq jaqsham kra chhilaita,

Tvtsvmc 74:15

Ümniiraq rum na hiq mong maq khamraisetiim nai khamdü raisetiim tiidong laü ihata; ümniiraq jürai jongheahea thun wiita trübaiqlaü ihata.

Tvtsvmc 77:19

Ümniika sammoktra chum blun tlaq kiijaq khumlaü; ümniiraq khamjong chum tsaühea kra jinwan laü, shatmaq kham thaq na ümhokme ka ahü riito.

Tvtsvmc 78:13

Apaiq raq khamjong rai kok ka mannai na triiphea baiqto; apaiq raq khamkok ka khetuk wiinai ikha tiichapbaiqto.

DUNGWVNC 14:21

Mosheq raq ajaq ka khamjong chum khuthaq tiithi kiijaq tiinyi raüta shamshat riito. Kiimaq Tatiwe raq khamjong chum wa kham ka rahai shedong nü wa henghea tiisaü raüta tsuq baiqto. Rahai ka rawa minru tingkhit haito. Raüta khamjong chum wa kham ka siimko nai ri na tsuqbaiqto. Raüta ahea wea na lam ikha shinriiqriiq lam ka tan kuqto. Kham ka atiikho riibaiqto.

DUNGWVNC 14:22

Kiimaq Israilnok ka khamjong chum khü shinriiqriiq hea kriimaq laü wanto. Kiimaq siimhap ri niika kham ka khetuk kaü wiinai ikha chap kito.

DUNGWVNC 14:29

Shatmaq Israilnok ka khamjong jükhü shinriiqriiq lam maq wawanto. Kiimaq tsangshiq walam siimhap ri niika khamtso khechong maq atuk baiq ikha riito.

DUNGWVNC 15:8

Ümniiraq khamjong chum ka melaüta kham ka ra na dii luwiq atso blun wanto; raüta khetuk ikha chapkito; khamjong tsaühea ba ka hiqsii thung ma jakito.

ISAIA 50:2

“Isenginok raq ibom jam nguto tremak, Ngi ka tsangshiq phana tsangshiq tiichhiikekai kikang ta? Ngi raq tsangshiq hea kang ta, tsangshiq raq ibom jamto tremak? Ngi ka ningkun jomhea tsangshiq tiichhiikuqlot mang shea? Ngi raq khamjong chum ka bom tsishi miili trübaiqlot tiikang, kiimaq khamrai thun ka kumtsaiphii wang ma mitiijabaiqlot ha, krai mren kiijaq siti ngiq ka kham ahü kha maq wiita mijiim.

EJEKIEL 47:8

Apaiq raq ngi ma nguto, “Ara jürai arka armung maq kiho raüta shedong nü nü kiina kihotlo. Raüta Jordan rai tan kiimaq kiho raüta khamjong Amaa chum kiiniishe kihotlo. Riita ara kham rai arka khamjong Amaa chum kiijiishe la saüho raüla, kra khamjong chum kham shumtai kriika, khamhea khangriri hea chum miishe tiijabaiqtlo.

NAHUM 1:4

Apaiq raq khamjong chum ma aming kuqtlo. Apaiq raq jürai thun trü baiqtlo! Hiqpo hiqwin Bashan tan kiimin, ashin riikitlo, Karmel pum kiimin, ajung she riikito, kiimaq Lebanon pepü kiimin, jukkito.

HABAKUK 3:8

O, Tatiwe lei, jürai thun riisha, ümtsan ka tiikhiq tla? Sammoktra chum riishea ümtsan, walü wa ikha amok dungdung, tiikhiq tla? Ümniika phumda thaq na chaü laüta, walaü. Rathaiq ranyaq wantlaq phum ka, ümchao wan chang kumrang leng. Akha ümniiraq ümsenginok ma, rekhat tangkuq wan laü.

WEAWEA 34:3

Shemai nü hiq rai ka Jin bintang jüngi wang maq pha wan raüta, Edom mung hiq rai kra phan phan miraq. Kriika shedong nü mung na, Amaa Khamjong Chum shemai nü siim kriimaq mipha wan.

TRI CHONGKE 1:1

Ara Lakdap na waiqtaq arka Mosheq raq Israilnok ma Jordan Rai ma shedong nü kumtsaiphii wang maq bom achong kuq bomtsi thun kra waiq thüto. Kiitiikaq tsangshiq ka Jordan Rai hiq thungtan Suph wang tho na riito. Kra tan ka siimko na paran chela kiimaq siimko niika Tophel chela, Laban chela, Hajeroth chela, kiimaq Dijahab chela thun riito.

TRI CHONGKE 3:17

Kiimaq shenyap nü wang niika tsangshiq hiq rai ka Jordan Rai khü na saüli riito. Kriika shekhu nü wang na Gelili Thamchum maq phaho raüta shemai nü wang na Amaa Khamjong Chum na saüli riito. Kriimaq kiho raüta shedong nü wang na Pisga Pum kiina saüli riito.

JOSHUA 12:3

Kiimaq riita, Jordan rai tan wa Gelili Thamchum maq phaho raüta, shemai nü na Beth Jeshimoth hiq (Amaa Khamjong Chum maq shemai nü) na saüli riito. Kiimaq riita, Pisga Pumji na saüli riito.

JOSHUA 15:2

Ara shemai nü hiqtrai ka Amaa Jüjong Chum chummai nü wang binjü kiimaq rai wan raüta,

JOSHUA 16:7

Raüta Janoa chela maq ahong nü nü na raiho raüta Ataroth nai Naara chela kiimaq riita, Jeriko chela na raihoto. Kiimaq riita Jordan rai na tiisupto.

JOSHUA 3:13

Riita ara mangjong hiq tlotli rümti Tatiwe Tongshong Tek kra piti ramwebi raq Jordan rai kham kiijaq ji maq rappha wan raüla, Jordan rai kham kai ka atsaq she mirki. Kham ka raikhu nü na hiq bashi na atiihap she mirki. Raüta khamkai ka atsaq she mirki.”

JOSHUA 4:22

namshiq raq tsangshiq ma, Israilnok raq Jordan rai ka phiisü süroqroq jin wantaq manphan kra miphan kuqhan.

JOSHUA 5:1

Jordan rai maq shenyap mung nü na siti kunli Amoraiqnok hokhambi raq kiimaq Mediterenian Khamjongkii binjü mung thun na siti Kanannok hokhambi thun kunli raq, Israilnok kunli raq Jordan rai ka mijin wan lot shaq wiiwii, Tatiwe raq, Jordan rai kham ka tiisiirai tiisüroq trübaiqto; raüta jükok ka phiisü shinriiqriiq ma tiija baiqto nguta tsütsa ka taito. Tsangshiq ka Israilnok ma pinthum haito kiimaq tsaihü jihü she riito.

PHOWEBI 7:22

Gideon nai asengi raq lerong kra tsütrang wanto, kiimaq Tatiwe raq rethun ka, maiqmii nepjasai chat raütiishe, maiqmii liipan na triijiip wanto. Tsangshiq ka Jarethan chela lam kriimaq riita Beth Shitta chela kiina, kiimaq riita Tabbath chela tho na Abel Mehola chela kiina jutrangto.