DUNGWVNC 12:2 - ASII LAKDAP Bible (BSI) “Ümchaü jipi arka namshiq ma rawii phawan jipi lü miraq. Hawa Naga Bible 2001 “Vruex yapix kuex nuimshiq tvkoc wawc shiz mungx wawc vphaungc yapix rvtueq. |
Ahasueras raq hokham jawanli maq, wiiroqshi ri wiinai she angu rawii, rawii pha wan jipi, Nisan jipi na Haman raq, lang tiiphok raüta, aranaiq kriishe tiihongto. Ara langphok arka Purim nguta ngutlo. Krai mren, jipi lüroqshi ri lünai Adar jipi na raroqshi ri ranaiq tsam angu ranaiq na, aranaiq ka thapthito.
Rawii phawan jipi lüwa raroqshi ri rablai raji maq pha wan lanta, raroqnai ri ranaiq shi raji na saüli, namshiq raq pi ma shoje winsii ka akhiismin nü na thü maimak.
Israilnok mungmaiqse kunli ma tsii ka akha chongkuq ronglaq: Ümchaü jipi lüwa jiha raroqshi ranaiq na maiqwere takitek raq skuse are se riimakla chhechhi are se ka apaiq jamkun miitu tsea raüta thü chang.
Mosheq raq mungmaiqse ma nguto, “Ümchaü ranaiq ara tsan na tiitsang ronglaq. Namshiq ka Ejip mung wa laü wan lan ranaiq kra. Namshiq ka maiq dikong ma jalanta silan mung kra. Ara ümchaü ranaiq akhing na Tatiwe raq apaiq ningkun jonghea wokhong maq namshiq ka tsuq wanto. Ümchaü ranaiq akhing na Pi maq shoje winsii phaq maimak.
Namshiq raq Ejip mung ka ümchaü ranaiq Abib jipi lüwa jiha ranaiq shi angu na laü wantlan.
Abib jipi lü na, ümniiraq Ejip mung wa laü wan laü jipi lü na, Pi Maq shohü winsii phaq poi kra langlaq. Kriika Ngi raq aming kuqkang kra phan phan langlaq. Ara poi klotlan ramiishi liipan na pi maq asho winsii ka nü na thii maimak. Kiimaq Ngi shomnoq wa watlan na honglu kechang ahü jaqmii maq wa maimak.
“Pi Maq Shohü Winsii Phaq Poi kra lang ronglaq. Ngi raq jamkho aming kuq kang, kra phan phan Abib jipi lü na ramiishi na saüli Pi Maq Shohü Winsii kra phaq ronglaq. Jamkhano ngukla kra jipi lü na namshiq ka Ejip mung wa laüwan lan.
Krai mren tsangshiq raq Ejip mung ka baiqthü li maq rawii wiinai she angu na kra rawii wa apha wan jipi lüwa jiha ranaiqshi na Tatiwe asi Tombutiip ka shongto.
Tati Rakaü Hiqwe raq nguto, “Rawii phawan jipi lü kiiwa jiha ranaiq shi angu ranaiq na, Shomjam kra tiisii wan miitu minsaü pongwe ashi nyeajokjok jamlai ami atsi ahü kra ümniiraq honglu na ta chang.
“Rawii phawan jipi lüwa jikham raroqshi ri rablai angu ranaiq, namshiq raq Tiichhiiwan Poi kra milang phaho han. Ramiishi na saüli maiq loweatek raq winsii ka pi maq shohü maq lum lanta miphaq han.
Tiichhiiwan Poi ka Tatiwe shreng miitu langtlo. Arka apha wan jipi lü wa raroqshi ri rablai ranaiq na rashe nyap wan na klo phahotlo.
Tatiwe shreng Tiichhiiwan Poi ka rawii phawan jipi lü na raroqshi ri rablai angu ranaiq na klo chang.
Mosheq raq Israilnok ma nguto, “Tatiwe üm Shiikeawe ka Tiichhiiwan Poi ka Abib jipi lü na lang laüta shrenglaq. Kra jipi lü na rawa shi akhing na apaiq raq nashiq ka Ejip mungwa tiichhii kuq wanto.