DUNGWVNC 10:1 - ASII LAKDAP Bible (BSI) Kiijiishe Tatiwe raq Mosheq ma chongto, “Walaq. Laüta hokhamwe rai riihum wakiq. Ngi raq apaiq nai asengi ajong alabi thun ka wanshak shak tiijabaiq kang. Arka Ngi raq ara awang chang thun ara tsangshiq phong na klo miitu. Hawa Naga Bible 2001 Kvruex yimaq Yehowa rueq Moshe muex ngoc, “Hokhvmx waz kox nuex rvhumc kaz kuiuz. Ngaz rueq piq nuiyc piq miq vyungx vlaungx bix khux tvtsanz kuq vtueq, ngaz rueq vwangc juing phvnx kuex tsuingshiq muex tvkhic shaungx, |
Shatmaq Tatiwe raq hokhamwe tsan ka wanshak shak li tiitsin baiqto. Kiimaq apaiq raq Israilnok ka tiiwa mak dea ningtang baiqto.
Shatmaq Ngi raq iningkun maq Ejip mung na phiiptsi chang thun jaqsham lata imo mitiihoha. Kra jai miitiq apaiq raq namshiq ka mitiiwa.
Kiimaq Tatiwe raq Mosheq mahali nguto, “Riita ümchaü min, ümniika Ejip mung niishe jangho nongtlaü. Kiimaq Ngi raq ümniima awang chang jaqsham thun klo miitu ningkun kuq kang kra hokhamwe makki na klo miitu khekham riilaq. Shatmaq Ngi raq hokhamwe tsan tsü ka lanlaqlaq mitiija baiqha. Kiimaq apaiq raq Israilnok ka tiiwa mak miningtang.
Shatmaq Tatiwe raq hokhamwe tsantsii ka wanshak shak li tiija baiqto. Tatiwe raq chongtaq kra phan phan dea hokhamwe raq Mosheq nai Aron bom ka taimak tleato.
Shatmaq ümniima iningkun tiichhike miitu, Ngi raq ümniika atra tiisitiikang. Arka imang chong tsaki kra mangjong tlotli na tiinyam wa miitu atra tiisitiikang.
Kiijiishe hokhamwe raq Mosheq nai Aron ka tiiheakito. Raüta nguto, “Ümchaü lak na ngi raq ngarai tangkang; Tatiwe ka riikhaqli dea. Isenginok nai ngi dea ashut.
“Shiikeawe raq tsangshiq mak ka atiichuk baiq wishe. Kiimaq tsangshiq tsii ka atiimo baiq wishe. Krai mren, tsangshiq riika chhi mak she. Kiimaq tsangshiq tsii ka tsang mak she. Kiimaq ngi raq tsangshiq tsii ka tiitsang kuq wan jiiq nguta, tsangshiq ka ngi phana wamak she, nguta Shiikeawe raq chongtlo.”
Riita, arkha miitiina, Shiikeawe raq Asii bomtsi na, Ejip mung hokham we ma, “Ngi raq ümniika hokham ma shong wan kang arka, ümniiliimaq, i ningkun jong nai i khushü jong ara, mangjong hiq tlotli na tiiphoi wan miitu tiina, shong wan kang,” nguta chongkuq wanto chhi tiikai.
Ara chong tiikai arkha miitiina, Shiikeawe raq maiqse ka, ümriitiwa apaiq raq atiihangke wan lungwii tlaq, kriiti ka atiihang riikuq wantlo. Kiimaq, ümriitiwa, apaiq raq lanlaqlaq tsantsii maq misi laq nguta thikuq wantlaq, kriiti ka lanlaqlaq tsantsii rümti ma, tiija baiq wan tlo.
Tatiwe raq kra mungti thun ka chongthum tiijabaiq miitu, tsangshiq tsantsii ka longkaü ikha tiitsin baiqto. Kriikha maq, tsangshiq ka Israilnok rai riikhat wanto. Kiimaq Israilnok raq tsangshiq ka tiihang mak maq, tiimiqchup jiipbaiqto. Arka Tatiwe raq Mosheq ma aming kuq thütaq kra phanphan kloto.
Kra ningkun ajong hoti phra kong jaqkhon wa nashiq ka jurshe wa mitiichhiikuq? Tsangshiq ka kumtsainphii mung maq Ejip jiipbaiqti phra kong kata!