1 Peter 1:1 - ASII LAKDAP Bible (BSI) Ngi, Petar, Jesuq Khristo kiimwe raq-- Shiikeawe raq raq atsea wan maiqsetiim, munglu wanshanok ma ja raüta, Pontas wang, Galatia wang, Kapadosia wang, Asia wang, kiimaq Bithinia wang na riinyin riishin sitibi ma tiiho wan tiikang. Hawa Naga Bible 2001 Yesu Christu kamx waz ngaz Peter rueq Pontu mungx, Galatia mungx, Kappadokia, Asia nuiyc Bithynia mungx htenc nuex muingluiuz jix wuinz waz ikhoc rv-phvlc nyanc httaz jix Tishox rueq vthvl taq miqsaz htenc kox nuex luik wuiyq tvgurc vphaungx. Muklom Iri likwit raa Jesu Khristo apostle Peter ching kowang. Pontus, Galatia, Cappadocia, Asia, etho Bithynia mung na pholchal eq, adak mung wang miq mal tongtey Shkewa talchol miqtang ma iri likka raa wit ang. |
Kiijiishe, Haman raq, Hokham Ahasueras ma, “Ümmungtan mong na maiq phan ümchuwa sitlaq kra mong na, phanshi ka junok thunglai rai min pongmak, pongtrai sitlo. Tsangshiq thunglai ka junok rai min mren mak. Kiimaq tsangshiq raq hokhamwe thungtri ka lang mak riitlo. Kra ningkhan, tsangshiq ka akhli thü raüla hokhamwe ma jam achu min ahü miraq.
Ümniiraq naishiq ka sku kong ikha re ma tiijiipbaiq laü; ümniiraq naishiq ka pongmung thun na wanbaiq laü.
“Ngi raq maiq wiijam ka rejaq song chiim mong kiiwa mitiichhiiha. Lata tsangshiq ka pongmung thun na minyinbaiqha.
Ngi raq namshiq khuthaq na chiq are pahea mitiidong wanha. Lata namshiq ka pongmung pahea na wiita anyin mirbaiqha. Nam mung ka shaq miishe miraq. Kiimaq nam chela thun ka wiita botkhulai rai mishot baiq.
Kiimwebi roqshi ri wenai shong wantaq mang thun ka ara riito: Apha shaqshaq we mang ka Simon, (Apaiq ka Petar ngutiimin ngutlo). Kiimaq apaiq ma anowe ka Andru. Kiimaq Jebedi we senai Jakob nai anowe Johan.
Shatmaq Shiikeawe raq kra chamchao thawa ranaiq akhing ka atiitoq baiq wishe. Apaiq raq kra tiitoq baiq mak ngu raü jiika maiqse angu jumin lun lot mak miraq. Shatmaq Shiikeawe raq apaiq raq atsea wan asengi thun kra miitu chamchao rahiq akhing ka atiitoq mirbaiq.
Jesuq ka Gelili Thamchum kii na awarai riito. Apaiq raq ngiq khupti siphu wenai Simon, (apaiq ka Petar ngutiimin ngutlo) kiimaq ano Andru ka Gelili thamchum na chiiq maq ngiq khup rea chhi wanto.
Ikhiijiika, Shiikeawe riika, asengi raq ranaiq rawa hoq raüta, achu jaü tlaq, kriiti ka tiiwongke miitu tsangshiq kha ka phokuq mak sha miraq? Apaiq raq tsangshiq ka jaqlolo maq khrum kuq mak sha miraq?
Apaiq tsai tlaq arka, Jehudinok mung miitu lamlam li ka riimak. Shatmaq, Shiikeawe sengi ümchuwa pongmung mung na riinyin shin raüta sitlaq, kriithun ka wiita pumshi ma tiija wan miitu mitsai.
Kra tai raütiishe, Jehudinok welabi raq tsangshiq liipan na bom ka akha riichongto, “Riita, apaiq ka nashiq raq chhiwa lotmai chang ka, jamkhiiba hiq na wawan wa chongtliinya? Grik mung chela thun kiijaq nashiq nok min asi kiina wawan raüta, Grik mung ma trahoke wa sha dan tla?
Apaiq raq kiijaq Jehudi we weshi, amang min Akoila ngutlaq kriiwe rai she riihumto. Akoila rawüchhi chang hiqshong ka Pontas wang na. Apaiq ka Roman Hokham we klaudias raq Rom chela na siti Jehudinok thun ka wiita tiijin ra tlo nguta amingke kha maq, tsang-nyung Prisila tsangnai ka Rom maq laükai nye li riito. Paul ka tsangnai rai riihumkai kito.
Kiijaq rahiq ka ashaqpuq sithü nong raütiishe hali, apaiq ka Galatia wang binjü nai Phrigia wang binjü lam maq wawan nongto. Apaiq raq kra wang nai na siti phunainotiim ma kamasham tiijong miitu tsaido jido bomtsi ningkun shoqke wan bomtsi kra chongkuq wanwan she hali wawan nongto.
Paul raq mungmaiqse ma akha trahoke wan arka, wiinai na saüli chongkuqto. Apaiq raq atinkhan chongke wan kha maq, Asia wang na siti mungmaiqse Jehudinok phan nai Pongnok phan maiqse tarü raq, Tatiwe tsütsa ka tai wanto.
Shatmaq, apaiq ka sinagok ashi na siti, maiq wiijamti, maiqdi wa ada wan (akha mangtlaq) kong kriiraq ngengto. Kra sinagok phung niika, Sairini chela nai Alekjendria chela wa awa, Jehudinok min asi riito. Tsangshiq rai Jehudinok ahinti Silisia mung nai Asea mung wa awati ka chap rang raüta Stephen rai she riikhiihoto.
Shatmaq, Phungmaiqsetiim ümchuwa pin wantaq kra raq, barap binrii na khum wan wan raüta, Tsütsa Ahea kriishe chongkuq wanto.
Asia wang na siti Phungtuti thun tarü raq namshiq ma salam bomtsi tiitai wan tlo. Akoila nai Prisila kiimaq tsangshiq jam na riitam nga tlaq phungtuti riimin, namshiq ma Jesuq Khristo mang na lungwii salam bomtsi tiitai tlo.
Phunainotiim lei, naishiq raq Asia wang maq chamchao rathaiq jonghea riihum wankai kra tsütsa ka namshiq ma thongshi hali bliiq chongke nong ro tiikai. Kra chamchao holai ma ka pinthum laibiti riito. Kra ningkhan, kra chamchao walü mong wiikla lun wan lot mai she sham nguta tiimakai.
Ajaq ngi rai adam na sitibi phunainotiim tlotli raq ngi rai Galatia wang na siti phungtuti wiita ma salam bomtsi tiitaitlo:
Kra akhing na, namshiq ka Khristo rai mang riisap man maq silan. Namshiq ka Shiikeawe sengi phung na, pong man shaq li riilan. Krai mren, namshiq ka Pongnok phan maiqse, mangtang ralii phan nguta, silan. Krai mren, namshiq ka Shiikeawe sengi ma tongshong kiqkham raüpot khakuqtaq kra, ramram maq mitiiham wan shaqli riito. Kra ramram ka, Shiikeawe raq kiqkham kuqtaq kra thaq na seng raüta, asengi ma mikuq ha nguta, raüpot akhakuq wan kongphiq ka asi riito. Kiitincho ji na, namshiq ka, apaiq tongshong maq mitiiham wan shaq li kha maq, namshiq rilung na ara mangjong hiq maq, aranphan chang, namshiq jaq riiwiiq wan chang jaqpaq raü kiimin ahü miili siwan lan. Krai mren, namshiq ka Shiikeawe rai min, mang riisap man maq silan.
Riita, ümchaü sanha, ara chongtiikai arai mren she, namshiq Pongnok phan maiqse kiimin, pongnok pongta nai wanwe nguta tiingo chang ka ahü she. Ümchaü sanha, namshiq min Shiikeawe sengi phan rai, nokshi hiqshi she kiimaq tashiti miishe tiijato.
“Tatiwe raq ümniika mangjong hiq raikhü na, maiq mung thun kiijaq wiita na miwan baiq wan. Mangjong hiq raikhü na siimko maq riita siimko na saüli miwan baiq wan. Kiimaq kiijaq ümniiraq pe maq ahai nai long maq ahai sumla phra thun kra, ümniiraq maiqmii riimin sap maü kiimaq ümtitiim riimin sap mak sumla phra kong kriishe mishomnoq wan haü.
Ngi raq tsangshiq ka miqchup tiithenbaiqha chang wa, jurmin tsangshiq ka tsan na tiitsang mak she mirwa.
Tatiwe raq namshiq ka pong mung thun na wiita miwan baiq. Kra mung thun na namshiq ka maiq atsapko li she mitiichong han.
Ümniiraq asap haü. Man na, Asia wangti wiitarü raq, ngi ka tiishaü baiqto. Phaigelas nai Harmojenes raq dongdii min, ngi ka atiishaü riibaiqto.
Ara chongtiikai richü wetiim raq, Shiikeawe ma kamshat maq tsai wanto. Shiikeawe raq tsangshiq ma mikuqha nguta kiqkham kuqtaq kriika, lap wan mak dea miili tsai wanto. Shatmaq, Shiikeawe raq khamkuq taq rawiichii pat na saüho tlaq kriika, tsangshiq riimin kamtsantsii maq, alu na asaüho chhithüto. Raüta khoqriiq shishiiq maq tao wanto. Krai mren, tsangshiq raq nanok ma tantan maq, tsangshiq ka ara mangjong hiq na wanshawetiim ikha sitiikai nguta chongkuq thüto.
Ngi, Jakob, Shiikeawe kiimaq Tati Jesuq Khristo jaqshise raq: Shiikeawe sengi mangjong tlotli na riinyinshin siti tarü ma salam tiitai tiikang.
Phunainotiim lei, ngi raq namshiq ma tiipaiq tiinea lata chongkuq tiikang ara tairong laq. Nashiq ka ara mangjong hiq na wansha we kiimaq wanwe ikhli sitiikai. Namkhum na ngarai han-ngam sükha tsi, namshiq tsaiji rai wranaiqshe riilong liiq rai tlaq kiima, namtsantsii ka naq tiitang rongkiq.
Ngi, Simon Petar, jaqshise kiimaq Jesuq Khristo kiimwe raq-- Jumiiwa nashiq Shiikeawe kiimaq Chhiiti Jesuq Khristo kechu lümaq athii tsinhea naishiq ma kuqtaq kiikha kamasham kuqwataqtibi ma:
Kra maiq bom raq chongto, “Ümniiraq jamlai wa chhi tlaü kra waiq thü laq. Laüta, kra lakdap ka ara chela miishi na, phungtuti sitlaq kiima tiiho wan laq. Ara chela miishi thun ka ara: Ephisia, Smarna, Pargamum, Thiatira, Sardis, Philadalphia kiimaq Laodesia.”