Luke 18:7 - ASII LAKDAP Bible (BSI)

⁷ Ikhiijiika, Shiikeawe riika, asengi raq ranaiq rawa hoq raüta, achu jaü tlaq, kriiti ka tiiwongke miitu tsangshiq kha ka phokuq mak sha miraq? Apaiq raq tsangshiq ka jaqlolo maq khrum kuq mak sha miraq?

Hawa Naga Bible 2001

⁷ Vthvlc vruez jix htenc rueq raungnuiyq raungwvrx guyc sez thoz ruiux yuq, Tishox rueq tvrac rulc rv-ngvlc yaungc tvkoc phox kuq muq dvyx haz rvshvnx? Vpiq rueq tsuingshiq muex romc kuy tvkoc kvyix hvlc haz rvtvnx?

Muklom

⁷ Etho, Shkewa piq miqtang ma barey paltang saltang piq ma hal eq qhapngetey ma khakla phung moq angna i? Piq aa unong eq ma karel angna i?

Luke 18:7 Referencias Cruzadas

Tvtsvmc 88:1

O Tati Shiikeawe lei, ngi chhiiti, ngi ranaiq minru hoq tiikang, kiimaq rawa na ümjichong na wa tiikang.

Tvtsvmc 9:8

Apaiq raq mangjong hiq ka tingting kappe sham raüta pengtlo, apaiq raq maiq mung thun kha ka tri riikhaqli maq photlo.

DUNGWVNC 22:23

Ümniiraq haihü haüla, Ngi, Tatiwe raq tsangshiq raq khrum jaü hoqtlaq kra mitreha.

ISAIA 40:27

Israil lei, ikhiijiika ümnaq jam nguto bottlaü Tatiwe raq üm chamchao sapmak nguta, riimakla ümnaq khühü na chamchaotlaü na liikuq mak nguta jawa tsantsutlaü?

HABAKUK 2:3

Ara riisham bomchong hongwan akhing, misaü shaqli; Arka miku wan dongdii jaqlo miili. Ngi raq jamlai wa chongkang kra, mihong wan dongdii. Alo kuwan mak tiijai tlo ngochangchang miraq, Shatmaq kherong laq miku wan dongdii; Arka poimak phan; Alu ka khing mak she.

Matthew 24:22

Shatmaq Shiikeawe raq kra chamchao thawa ranaiq akhing ka atiitoq baiq wishe. Apaiq raq kra tiitoq baiq mak ngu raü jiika maiqse angu jumin lun lot mak miraq. Shatmaq Shiikeawe raq apaiq raq atsea wan asengi thun kra miitu chamchao rahiq akhing ka atiitoq mirbaiq.

Matthew 24:24

Ara jamkhano chongtiikang ngukla kra akhing na, arot Messiabi kiimaq arot shammibi maiq ka pahea mipo wan. Tsangshiq riika amao chang nai awang chang jaqsham pahea misham. Raüta, mairaü jiila tsangshiq raq Shiikeawe sengi phong kriiwa min shonron hohai jaq nguta mishchaq.

Matthew 7:11

Namshiq ka abi maiqsetiim raq santla, namsetiim ma ahea awa phan hupsam kene wan ka atsin han. Riita ikhiijiika, ramungtan na siti nam We raq, apaiq jaq wa jaü wan tlaqti miika, ümtinkhan kao raüta ahea awa phan hupsam she wa kuq wan jiiq riila!”

Luke 11:13

Namshiq ka maiqbi ngikhi kong. Kra taü maq santla, namshiq raq namsetiim ma, ahea awa phan kene chang ka asap han. Ikhiijiika, ramungtan na siti Awejong jaq wa jaü tlaqti miika, Asii Wenyi ka ümtinkhan showo she wa kuq wan jiiq riila!”

Luke 21:28

Riita, ümtiikiiwa ara chong tiikang mra thun arshe pinpha wan haü jiila, namshiq ka hokni tiipha shat miishe chap lanta khe rong laq. Kiimaq, namtok ka ra nü na dorang riilanta, namshiq ma tiichhii wan akhing rahiq ka saü wato she dea nguta, khekham maq si rong laq.”

Romans 8:33

Shiikeawe riishe, asengi ma nguta atsea wan kun she sitlaq kriika, ajiq nguta jurshe wa mishra wan lot? Shiikeawe apaiq riishe, tsangshiq dü na, kha ahü she nguta, kha aphoke wan wishe!

Colossians 3:12

Namshiq ka Shiikeawe sengi she. Apaiq raq namshiq mangchan tlo. Raüta, namshiq ka apaiq miitu tsea wanto. Krai mren, namshiq tsan nai mongjii na kongti ma mangchan tsii, lungwii tsii, aran se ma ja tsii, saksi minmi tsii, kiimaq anin wan tsii, kra thun rong arai maq tiimiikhiiq lantiishe si rong laq.

1 Thessalonians 3:10

Naishiq ka ranaiq rawa, namshiq rai sham riichhi nong miitu akhing kuqlaq nguta kiimaq namshiq kamasham na, jamlai phan wa ajom sitlaq kra, Shiikeawe raq mitiitsuq kuq laq nguta achu jaü laita sitiikai.

2 Thessalonians 1:6

Shiikeawe raq tri raü ka riikhaqli maq sham raüta kha mipho kuq. Apaiq raq ümchaü namshiq tiichamchaotibi ka mitiichamchao.

1 Timothy 5:5

Ata awiiti wa maiq apaiq liike wanti jumin ahü she, manti-nyung sitlaq kriiti riika Shiikeawe jaq lii raütli she sitlo. Apaiq ka ranaiq rawa achu jaü lam miili she sitlo.

2 Timothy 1:3

Ngi riika Shiikeawe ma kechutum wan ruq miili sitiikang. Apaiq ka man na naititiim richü pat na jamkho shomnoq wantaq, kiikha ümchaü min, ngi raq tiima tsantsii asii arai, khangriri maq shomnoq tiikang. Ngi raq ranaiq rawa achu jaütiikang akhingtek na, ümniimiitu Shiikeawe ma kechutum tiikang.

2 Timothy 2:10

Ara ningkhan tiina, ngi ka Shiikeawe raq maiqse angu phong wa, apaiq riishe nguta tsea wan tiiti thun kra miitu, phanrap phanrii litkot chamchao, haikaiq haike, shumraü kharü wiita nin lata, sitiikang. Arka, Jesuq Khristo lümaq kuq tlaq tiichhii wan rilung kra, milap wan laq nguta, raüta tsangshiq raq pattup pat-sa Shiikeawe khushü kra mitiijong laq nguta nin tiikang.

Titus 1:1

Ngi, Paul, Shiikeawe jaqshise kiimaq Jesuq Khristo kiimwe raq waiq tiikang. Ngi ka tsea wanto raüta tiiwato Shiikeawe raq atsea wan asenginok kamasham kra khrumke wa miitu. Kiimaq tsangshiq ka nashiqnok kamasham lamphan na shrinkuqtlaq tengtlaq bomtsi kra tiisapke wan lan na shunshea wan miitu.

1 Peter 1:1

Ngi, Petar, Jesuq Khristo kiimwe raq-- Shiikeawe raq raq atsea wan maiqsetiim, munglu wanshanok ma ja raüta, Pontas wang, Galatia wang, Kapadosia wang, Asia wang, kiimaq Bithinia wang na riinyin riishin sitibi ma tiiho wan tiikang.

2 Peter 3:9

Tatiwe ka apaiq raq jamlai wa mikloha nguta kiqkhamtaq, kra sham wan miitu ka tiihit mrot ka riimak. Nanok maiq wiijamti raq tiima wan ka, apaiq ka atiihit rai riitlo nguta tiima tlo. Shatmaq Tatiwe raq namshiq ka tsankhun maq khe wan tlo. Jamkhano ngukla, apaiq raq ngarai maiqse ka weshi ra dongdii min tiitsai baiq romak. Shatmaq ngarai maiqse wiitarü raq tsangshiq ngarai ka tiidii raüta tiichhii wan tlo haü jaq nguta, tsangshiq ma atsan tiitsi kha maq kherat tlo.

Revelation 18:20

Chochi ronglaq, o ramungtan lei, arnyung thentaq ara miitu! Chochi ronglaq, Shiikeawe sengi, kiimwebi kiimaq shammibi lei! Apaiq raq namshiq ma haihii wantaq, kriikha na Shiikeawe raq namshiq tiichhii wan, apaiq ka tüsaiq she tiishut baiqto!

Revelation 6:10

Tsangshiq raq tiihong raüta siitrangto, “Ajong Pinthum Tatiwe lei, ümniika asii kiimaq tingting! Naishiq tseati matwe thun ka ümniiraq ümtinchotiq wa kha mipho kuq haü. Laüta tsangshiq kha bu ho tlaq kra miitu, tsangshiq ka mitiichamchao haü?”

Revelation 7:15

Arningkhan she, ümchaü sanha, tsangshiq ka Shiikeawe wokhong niishe, apaiq shomnoq ranaiq rawa, apaiq shomjam mong na sitlaq ara. Ümchaü sanha, hokham ngacho na ngati we raq, tsangshiq ka achi arakhong maq pangshat she.