Luke 18:7 - Hawa Naga Bible 2001

⁷ Vthvlc vruez jix htenc rueq raungnuiyq raungwvrx guyc sez thoz ruiux yuq, Tishox rueq tvrac rulc rv-ngvlc yaungc tvkoc phox kuq muq dvyx haz rvshvnx? Vpiq rueq tsuingshiq muex romc kuy tvkoc kvyix hvlc haz rvtvnx?

ASII LAKDAP Bible (BSI)

⁷ Ikhiijiika, Shiikeawe riika, asengi raq ranaiq rawa hoq raüta, achu jaü tlaq, kriiti ka tiiwongke miitu tsangshiq kha ka phokuq mak sha miraq? Apaiq raq tsangshiq ka jaqlolo maq khrum kuq mak sha miraq?

Muklom

⁷ Etho, Shkewa piq miqtang ma barey paltang saltang piq ma hal eq qhapngetey ma khakla phung moq angna i? Piq aa unong eq ma karel angna i?

Luke 18:7 Referencias Cruzadas

Tvtsvmc 88:1

Ngvy palc wvnc jix Yehowa Tishox lex, nuiyqtuimc ngaz rueq mnoz kox wawc ramc thoz phaungx, raungwvrx nuex kuex mkhaungkac nuex httuiuc kaz raungx.

Tvtsvmc 9:8

Vpiq rueq mungkawx kuex tsuingrux maq guimz lawc ruiux; miqphvnx htenc muex tvrac vlvmz maq phox kuq tueq.

DUNGWVNC 22:23

Nuimshiq rueq tsuingshiq muex guirguenc kuy ningkhvnc nuex, tsuingshiq muex romc kuy tvkoc ngaz kox wawc thoz ruiux yuq, Ngaz, Yehowa rueq tay kuq shaungx;

ISAIA 40:27

Israel lex, Yehowa rueq mnoz kuilc daz kuex tuiuz muq ngoz tueq, mnoz kuex tvrac vlvmz rvmuq rueq kuilc daz rvhumc vtuiux nuex vpiq rueq lawc muq ngoz tueq yvmx khoc lac jungx vshuiux?

HABAKUK 2:3

Kvruex wuiyq taq shuiuz, yvmx khoc lac ngoz ruiux lec kvruex kuex vsuingc suing yaungx wvnc vkhing max httuiuc doc rvtueq. Yuq muinz vkhing kuex vlox dvyx httuiuc wvnc yaq, ngaz rueq mnoz muex tvkhic phaungx lvmz kuex vsuing httuiuc wvnc tuex. Kvruex httuiuc wvnc yaq vkhing kuex kvhet rut hvlc ikhoc yaungx yaq, yuq muinz kvruex bvmc shuiuz; kvruex kuex vsuingc suing yaungx wvnc tuex, kvruex httvmx tuex rvmuq.

Matthew 24:22

Tishox rueq kvruex raungnuiyq htenc kuex tvtut gay muq ngoz ruiux yuq, ukhaq muinz rullungx tvraungx wvnc lvp tix rvmuq. Yuq muinz vpiq rueq vthvl taq miqsaz htenc tvkoc kuex Tishox rueq raungnuiyq htenc kuex tvtut rvgay shuex.

Matthew 24:24

Yvmx khoc lac ngoz ruiux lec vrot vkaq Mesia nuiyc vrot vkaq shvmmax bix dung wvnc tuex; Tishox rueq thvlc tvy yoalx jix doc muinz laulawc lot ruiux laulawc gay tvkoc vwangc juing romzyac htenc nuiyc vkawc yawc juing htenc kuex tvkhic kuq wuez shuex.

Matthew 7:11

Nuimshiq kvkhoc vbac miqsaz rueq doc muinz miqmac sahez muex vhvlx phvnx kuy tuiuz vshuinx. Kvruex htauk nuex jvnc vtueq raungmungx wawc nuimshiq Waz rueq vpiq kox wawc thoz jix muex vhvlx phvnx htenc kuex kuq shuex rvtueq!

Luke 11:13

Nuimshiq layx vbac jix rueq doc muinz miqmac saz muex vhvlx phvnx htenc kuq thenc ruiux yuq kuex, raungmungx wawc Vwaz rueq vpiq kox wawc thoz jix htenc muex Vsawc Siyac kuq shuex rvtueq!” ngoz tueq jungx tueq.

Luke 2:37

kvruex nyuiuz kuex Shomc Yuimx mungx wawc dung kaz muq maq phuiuz svy mamc ruiux vjux thoz vtueq Tishox muex nawk palx kuq tueq.

Luke 21:28

Kvruex htenc kuex yaungx phaungc wvnc ruiux yuq, kvtenc vtueq tuk tenz lawc wuez shuinz, yvmx khoc lac ngoz ruiux lec nuimshiq palc daungc wvnc vkhing kuex nyek wvnc yaq shex rvtueq,” ngoz tueq.

Romans 8:33

Tishox rueq vthvl taq shec htenc muex ukhaq rueq lac mvrax tvgurc lot shvnx? Tsuingshiq mvrax vguez lvmx kuex Tishox rueq tvkhic jungx kuq yaq!

Colossians 3:12

Nuimshiq kuex Tishox miqsaz rvtuit, vpiq rueq nuimshiq kuex lungwawx vtueq, vpiq miqsaz muex yaungc tvkoc vthvlc tvy wuez shex, kvkhoc rvtueq lungwawc thuinz tvkhic kuy lvmx, menjenc kuy lvmx, thuinz tvyomx lvmx, thuinz tv-nyenc lvmx, thuinz tvloayc lvmz htenc kuex svmx wuez shuinz.

1 Thessalonians 3:10

Nuiyshiq kuex nuimshiq rulc shvmx rvkhic lvp muex nuiyc nuimshiq kvmluimx lvmx nuex rax yek yaq kuex tvmvrc tvhungx tvkoc nuiyshiq thuinz vmungx lotlaz maq raungnuiyq raungwvrx thoz vshix.

2 Thessalonians 1:6

Tishox rueq vlvmz tvrac maq shuimx shuex ningkhvnc nuex nuimshiq muex vkuilc vdaz tvrvhumc jix kvmac vkuilc vdaz tvyez kuq shuex.

1 Timothy 5:5

Miqmac lauklauk dvyx raz tueq piq muex lawc kuy jix ukhaq muinz vguez mvntix nyuiuz shiz kuex Tishox muex tvluimc vtueq, raungnuiyq raungwvrx thauk muq maq vjux thoz ruiux Tishox rueq romc kuy tvkoc vjux thoz yaq.

2 Timothy 1:3

Izjix iwaz tamx rueq shuimx wvnc tueq ikhoc, vsawc thuinz maq ngaz rueq shuimx kuq vshaungx Tishox muex kejux vyungx. Ngaz rueq raungnuiyq raungwvrx vjux thoz vshaungx ruip rawx mnoz kuex mkaq muinz rvwvl vtueq Tishox muex tvtsvmc vshaungx.

2 Timothy 2:10

Kvkhoc rvtueq ngaz kuex Tishox rueq vthvl taq miqsaz htenc tvkoc yvmx phvnx kuilc daz ngoz ruiux muinz rvhumc vtaungx, kvkhoc rvhumc vtaungx kuex Yesu Christu maq palc daungc wvnc kejux nuiyc pattup pat-sac ngauz vngax lvp wvnc tvkoc rvtueq.

Titus 1:1

Tishox nvrc waz nuiyc Yesu Christu kamx waz rvtauk ngaz Polu rueq luik wuiyq tvwvnc vphaungx. Tishox rueq vthvl taq miqsaz htenc kvmluimx lvmx kuex romc lawc kuy tvkoc muinz, naungshiq nawk palx htungx vlayx rueq tvluing kuq yaq tsuingrux lvmx khiz tuiuz wvnc laz juing lvmx tvkhic kuy tvkoc muinz ngaz kuex thvl vtueq tvkaz phuex.

1 Peter 1:1

Yesu Christu kamx waz ngaz Peter rueq Pontu mungx, Galatia mungx, Kappadokia, Asia nuiyc Bithynia mungx htenc nuex muingluiuz jix wuinz waz ikhoc rv-phvlc nyanc httaz jix Tishox rueq vthvl taq miqsaz htenc kox nuex luik wuiyq tvgurc vphaungx.

2 Peter 3:9

Miq wvyvmc rueq tvmaung yaq ikhoc Taungjix rueq vpiq bomkhvmc kuex tvhungx tvyaungc wvnc tvkoc kvyix kvjungx kaz tuex rvmuq, yuq muinz lotlaz mvrax wawc kvwek wvnc vtueq ukhaq muinz tvbac gay rvhumc muq mruez kueq, vpiq rueq roc yaq khuec nuex vpiq rueq nuimshiq htauk nuex thuinz tvluz yaq rvtueq.

Revelation 18:20

Raungmungx miqsaz lex, kvruex ghaqyungx bac wvnc vtuex ningkhvnc nuex kokez wuez kuinz! Tishox miqsaz htenc, kamx waz bix htenc, shvmmax bix htenc kokez wuez kuinz! Yvmx khoc lac ngoz ruiux lec nuimshiq muex guirguenc kuy jix ghaqyungx kuex Tishox rueq phox kuq gay tueq! ngoz tueq jungc kuex ngaz rueq tay tauk.

Revelation 6:10

Siyac htenc kvraq, “Tvphaungc Tvsuip Taungjix, vsawc nuiyc tsuingrux waz lex! Nuiyshiq thvt gay phuex mvrax rawc nuex ghaq htauk wawc miqsaz htenc kuex mtanc nuex httuiuc laz lac mnoz rueq phox kuq muq, murx tvgurc muq maq dvyx httax tuiux nguinx?” ngoz tueq yunghvlc maq ramc tueq.

Revelation 7:15

Kvkhoc rvtueq tsuingshiq kuex Tishox hoc daungraungc khaungkac nuex httax lvp vtueq vpiq shomc yuimx nuex raungnuiyq raungwvrx vpiq muex nawk palx yaq. Hoc daungraungc htauk nuex ngaungc yaq waz rueq muinz tsuingshiq rulc vdvmz httax vtueq tvkhup wungx kuq shuex.