Revelation 1:11 - ASII LAKDAP Bible (BSI)

¹¹ Kra maiq bom raq chongto, “Ümniiraq jamlai wa chhi tlaü kra waiq thü laq. Laüta, kra lakdap ka ara chela miishi na, phungtuti sitlaq kiima tiiho wan laq. Ara chela miishi thun ka ara: Ephisia, Smarna, Pargamum, Thiatira, Sardis, Philadalphia kiimaq Laodesia.”

Hawa Naga Bible 2001

¹¹ Kvruex thuic tvruingc kuex, “Mnoz rueq khiz vshuiux phvnx htenc kuex luik dvp nuex wuiyq vtueq, Ephesu, Samirna, Pergamum, Thiatira, Sardi, Filadelphia, nuiyc Laodikea nuex httax yaq phungc mvshix nuex tvwvnc shuiuz,” ngoz tueq.

Muklom

¹¹ Ira batta, “Bara nang aa khi u, eshi likdap sho ka eq sanat mondoli tang relnáng takat u: Ephesus, Smyrna, Pergamum, Thyatira, Sardis, Philadelphia etho Laodicea.”

Revelation 1:11 Referencias Cruzadas

ISAIA 30:8

Shiikeawe raq ngi ma maiqse ka apaiq maklii na jamkho sitlaq kra lakdam ashi na waiqthülaq nguta chongto. Krai mren pattup miitu tsangshiq ka ümtinkhan ngaraibu hotinok wa kra lakdam na sishat miraq nguta thaüto.

JEREMIA 30:2

ngi ma chongto: “Ngi raq ümniima bom ümchuwa chongkuq kang kra lakdap na wiita waiq thülaq.

HABAKUK 2:2

Kiijaq Tatiwe raq ibom treto, “Ara riisham bom chong, waiqlaq longpen na khangriri hea, tsasoqtiwe raq phatke wan miitu.

Acts 16:14

Kiijaq naishiq traho bom chongke tai wanti phong wa, jechak nyung ashi ka Lidia riito. Apaiq ka Thajatira chela wa aki rongmin khea piikiiti nyung. Apaiq ka Shiikeawe shomnoqti nyung. Kiimaq, Tati raq apaiq tsan achhü maq, Paul raq traho bom chongkuqtaq kra mitiitsang tai wanlaq nguta atsan tsii kilü ka dikuqto. Krai mren, apaiq raq Jesuq Khristo ma kamto.

Acts 18:24

Kra bala Jehudi we weshi, amang min Apolo nguta kriiwe ka Ephisia na wato. Apaiq rawüchhi chang hiqshong ka Alekjendria chela. Apaiq ka bom chongke na tsüwe tsitwe ashi. Kiimaq apaiq raq Asii Bomtsi ka tiitho tiipha asap wiq riito.

Acts 20:17

Miletas maq Paul raq Ephisia phungtu liiti maiqlare ma tsangshiq ka apaiq rai mirhumki laq nguta bom ka tiichong wato.

1 Corinthians 15:32

Riita ngi raq ara Ephisia chela maq “Chiq jong liiha” rai wiita riikhat wankang kriika miinan han-ngam khushü jong miituli dea riikhat wan kang jiika, ngi ma jamlai liip apha dong chang wa sitliita? Shatmaq maiq ka amaa wa atra dong wanlot mak she dea nguta ngutlaq kra tengteng dea ngu raü jiika, arjaq bom tiihap wan tlaq, “Ai atra sitiikai bala, phaq asea chamtraq butja maq phaqsiq wan lili laitli polosiq rong i. Nashiq ka anap ranaiq wa tsaiki tiikai riila” ngutlaq kriidea miteng wa.

1 Corinthians 16:8

Ngi ka ümchaü arjaq Ephisia chela niili misiha. Raroqbiingi Poi na saüli misiha.

Ephesians 1:1

Ngi, Paul, Shiikeawe raq thapthi raüta Jesuq Khristo kiimwe ma ashong wan we raq-- Shiikeawe sengi Ephisia na siti ma, juwa Jesuq Khristo rai pumshi maq tsapkapkap sitibi ma waitiikang:

TRI CHONGKE 31:19

“Ümchaü min, ara ashi ara waiqlaq. Laüta ara Israilnok ma tlang kuqlaq. Krai mren, arka tsangshiq tiishut wan saqse miishe mija wan.

Colossians 2:1

Ngi chongpha. Ngi raq namshiq miitu pinthum rokngoq riingoq jaqsham wan kang. Kiimaq Laodesia na siti Phungmaiqse miitu kiimaq nanok ahinti wiitarü, juwa ngi rai mang mirsap shaqti thun miitu kai hunnii wan kang.

1 Timothy 1:3

Man na ngi Ephisia maq, Mesidonia wang na traho wa wakang akhing na, ümniika Ephisia chela niili silaq nguta thaü thü pha ihata. Kiikhiisii hali ümchaü min ümniima aming kuq nong tiikang. Ümniika Ephisia niili silaq. Laüta, kiijaq siti shrabi wiijamti raq, kamasham lamphan na tri raü ka ajiq chongkuq tlo. Kra ümniiraq, ajiq bomtsi chongke maimak nguta, atiiwin riilaq.

Revelation 1:17

Ngi raq apaiq ka chhi lata, apaiq khaki na bumtlii, ama ikha bumkikang. Apaiq raq ajaq, jaqtsi nü ka, i dü na sham raüta bomto, “Ümniika naqhaikiq! Ngi ahata Atiiphati kiimaq Atiisupti.

Revelation 1:19

Riita, ümchaü min waiq thü laq, ümchaü ümniiraq, ümmak maq jamlai phan wa chhi tlaü, kiimaq ara jai maq jamlai phan mra pin wan chang wa sitlaq thun ka wiita waiq thü laq.

Revelation 1:2

Kiimaq Johan raq amak maq ümchuwa chhitaq kra wiita chongkuqto. Arka Shiikeawe raq apaiq ma kuqtaq tsütsa kra raüpot kiimaq Jesuq Khristo raq atiichhikuq tengteng bomtsi.

Revelation 1:20

Apaü raüta athü liichum ka ahata. Ümniiraq i jaq jaqtsi nü na raiqsaiqpo miishi, kiimaq lem tochang chaq kham miishi chhi tlaü liichum ka ara: Raiqsaiq pomiishi chhi tlaü kriika phungtu miishi kheti rasetiim sitlaq kra. Kiimaq piijongteng kham miishi chhi tlaü kriika phungtu miishi sitlaq kra.

Revelation 1:4

Johan raq Asia wang na siti phungtu miishiti ma: Shiikeawe raq namshiq ka phumram kham maq batshat, kiimaq khoqramkii maq keishat maq mirümkom laq. Shiikeawe ka man niimin asi, ümchaü min asi, kiimaq apaiq ka jai maq saüho tlaq we. Kiimaq Shiikeawe shiiliti winji miishi, Shiikeawe ngacho khaki na nga tlaqti raq,

Revelation 1:8

“Ngi ahata atiipha kiimaq atiisup” nguta Tati Shiikea Ajong we raq chongtlo. Apaiq ka ümchaü min asi, man niimin asi, kiimaq apaiq ka jai maq saüho tlaq we.

Revelation 10:4

Tsangshiq raq kra chonglot ri she, ngi raq awaiq riithü la nguta dankang. Shatmaq, ngi ma ramungtan maq maiq bom ashi raq, “Ramok miishi raq jamlai bom wa chongtaq kriika kaiqshak maq apaü laüta thülaq. Kriika naq waiqthü kiq!” nguta tiiwin riimto taikang.

Revelation 14:13

Kiijiishe ngi raq ramungtan wa maiq bom ashi hali akha chongto taikang, “Ara waiqlaq! Kechu jonghea ümriiti wa ümchaü ara miiphat she, Tatiwe lamphan na tsai tlaq!” “Ngohea dea tengto!” nguta Asii Wenyi raq treto. “Tsangshiq ka Shiikeawe jaqsham pinthum hun nü wanto. Ümchaü sanha, tsangshiq ka hunhü niihü miishe mitiisi nga. Jamkhano ngukla, tsangshiq raq minshiiq wantaq kra tsi ngo ka, tsangshiq rai nong nong ramungtan niishe saiqsam wanto.”

Revelation 19:9

Kiijiishe rase raq ngi ma chongto, “Ara waiq laq! Kechu jonghea ara khungron poi lomwa miitu raüpot laptibi ma!” Kiimaq rase raq, “Ara chongtiikai bomtsi arka Shiikeawe bomtsi,” nguta abom ka tiitsuqto.

Revelation 2:1

“Ephisia na phungtu sitlaq kra liiti rase ma ara waiq laq: “Ara tsütsa arka raiqsaiqpo miishi, ajaq jaqtsi nü na sham raüta, chaq lem kham miishi mong na khumti we raq atiiwan.

Revelation 2:12

“Pargamum na phungtuti sitlaq kra liiti rase ma ara waiq laq: “Ara tsütsa arka jasai wanghap ri na aniq sihea rümti we raq atiiwan.

Revelation 2:18

“Thajatira na phungtu sitlaq kra liiti rase ma ara waiq laq: “Ara tsütsa arka Shiikeawe Se, amak chhai walü wa ikha litlaq, kiimaq ahokphi ka nairai ngam apan rea jai chhai rai tlaq ikhiiwe raq atiiwan.

Revelation 2:24

“Shatmaq, Thajatira na siti namshiq ahinti raq ara ajiq bomchong lam ka phan dam man. Maiq ahinti raq ‘tsaühea Thawe mochii’ nguta tlang kuqtaq kra, namshiq raq tlang man. Riita, ümchaü ngi raq namshiq miika laihin holai ka tiiho mang.

Revelation 2:8

“Smarna na phungtu sitlaq kra liiti rase ma ara waiq laq: “Ara tsütsa arka aphati we nai atiisupti we raq atiiwan. Apaiq ka atsai riikito. Shatmaq, ümchaü ka atra sinong tlo.

Revelation 21:5

Kiijiishe, hokham ngacho na ngati we raq nguto, “Ümchaü ngi raq phanrap ka anye she tiiq tiikang!” Apaiq raq ngi ma hali thaüto, “Ara bomtsi ara waiq thülaq. Ara bomchong ara tengteng kiimaq akamsea chang.”

Revelation 22:10

Kiimaq apaiq raq ngi ma chongto, “Ara shammi bomchong lakdap arka apaü ka naqpaükiq. Jamkhano ngukla, arthun ara hong wan ma akhing ka ümchaü khatu she.

Revelation 22:16

“Ngi, Jesuq raq i rase ka arthun tsütsa ara namshiq phungtuti ma mitiitai kuq laq nguta tiikikang. Ngi ka Dawit weraü lai. Ngi ka Ranap Saiqwüpo.”

Revelation 3:1

“Sardis na phungtu sitlaq kra liiti rase ma ara waiq laq: “Ara tsütsa arka Shiikeawe winji miishi kiimaq raiqsaiqpo miishi rümti we raq atiiwan. Ngi raq namshiq jaqsham ka asapha. Namshiq ka wenyi na amaa sitlan. Shatmaq, atra sitiikai nguta tiitsaki tlan!

Revelation 3:14

“Laodesia na phungtu sitlaq kra liiti rase ma ara waiq laq: “Ara tsütsa arka Amen, tsapkapkap kiimaq riikhaqli hakhi keti we raq atiiwan. Apaiq ka Shiikeawe raq phanrap phansang wantaq kiima arang chong.

Revelation 3:4

Shatmaq, namshiq Sardis na siti Phungmaiqsetiim liipan wa maiq wiijamti ka asii sitlan. Namshiq asii maq siwantibi ka, ngi rai adam na khealü miirii sam lanta misi wan dam han. Jamkhano ngukla, namshiq ka wenyi na awongsii maiqshaq sitlan.

Revelation 3:7

“Philadalphia na phungtu sitlaq kra liiti rase ma ara waiq laq: “Ara tsütsa arka Asii kiimaq tingting sitiwe raq atiiwan. Apaiq jaq na Dawit sapitu ka asi. Krai mren ümtiikiiwa apaiq raq kilü ashi ka ditlaq, kriika jurmin shaqlot mak she, kiimaq ümtiikiiwa apaiq raq kra ashaq riitlaq, kriika jurmin dilot mak she.