Matthew 10:2 - ASII LAKDAP Bible (BSI)

² Kiimwebi roqshi ri wenai shong wantaq mang thun ka ara riito: Apha shaqshaq we mang ka Simon, (Apaiq ka Petar ngutiimin ngutlo). Kiimaq apaiq ma anowe ka Andru. Kiimaq Jebedi we senai Jakob nai anowe Johan.

Hawa Naga Bible 2001

² Kamx waz hez rokshiz rac vnueyc muingc kuex vkhoc rvtueq. Vphaungc wawc waz muingc kuex Peter ngoz yaq Simon, Simon nox Andru, Zebede saz Yaku nuiyc vnox Yohan,

Muklom

² Asi ani Apostle tang miing ira: jakho Simon (Peter ta tho thamiing angta) nia uno Andrew; Zebedee sa wani James nia uno John;

Matthew 10:2 Referencias Cruzadas

Matthew 17:1

Ratrok jai maq Jesuq raq Petar nai ano Jakob kiimaq Johan kra shea wan raüta hiqlam ashi diiluwiq kiina wawanto. Kiijaq tsangshiq blai laqlaqse li riito.

Matthew 20:20

Kiitiikaq Jebedi tanyung ka ase maiqwe senai kra sheaho raüta, Jesuq phana wato. Raüta Jesuq khaki na bum raüta khrum jaüjaü bom apaiq ma chongto.

Matthew 26:37

Kiimaq apaiq rai Petar nai Jebedi se nai kra shea raüta wawanto. Ajü amii holai raq pat raüta, atsan among po ka bunki nam nam ikhiishe tsito.

Matthew 4:18

Jesuq ka Gelili Thamchum kii na awarai riito. Apaiq raq ngiq khupti siphu wenai Simon, (apaiq ka Petar ngutiimin ngutlo) kiimaq ano Andru ka Gelili thamchum na chiiq maq ngiq khup rea chhi wanto.

Matthew 4:21

Apaiq ka kiimaq wawan nong raüta, maiq ahinti siphu wenai hali, Jebedise nai Jakob nai Johan rai she riihumto. Tsangnai ka awe Jebedi rai lai na nga raüta, tsangshiq chiiq kra tiihea rea lowanto. Jesuq raq tsangnai kiimin ajaqshi se nai ma nguta hea wanto.

Mark 1:29

Jesuq nai ajaqshisetiim Jakob nai Johan miitaq ka tlothit hali, sinagok maq tiido wanto. Raüta Simon nai Andru jam na leaphok wawanto.

Mark 13:3

Jesuq ka Shomjam maq kha riire na, Olip Pero Hiqlam na anga riito. Kra bala kiijaq Petar, Jakob, Johan kiimaq Andru ka tsangshiq honhonse li, apaiq phana wato.

Mark 6:30

Akiimwetiim ka traho wanhiq khumrii maq jangwa raütiishe, Jesuq rai riihumto. Kiimaq tsangshiq raq trahokuq wantaq nai shrinkuq wantaq thun tsütsa kra apaiq ma tiitai chong kuqto.

Luke 11:49

Riita akha maq tiina, Shiikeawe Taksma raq chongtaq, ‘Ngi raq tsangshiq phana shammi bi nai tsasoqtibi mitiikiha. Tsangshiq raq wiijam ka atsea mirbaiq. Kiimaq wiijam ka atiichamchao mirwan.’

Luke 22:14

Nari saüto she angu na, Jesuq ka kiimwebi rai chamrii tro na, apaiq ngachang na ngato.

Luke 22:8

Jesuq raq Petar nai Johan ka sinkhu na akha bom chongkuq raüta tiikito: “Kironglaq. Lanta Tiichhii Wan Poi dung ka nashiq miitu chungho li ronglaq.”

Luke 5:10

Simon kongtibi, Jebedi se nai Jakob nai Johan min, kai wangto. Kiijiishe, Jesuq raq Simon ma, “Ümniika naqhaikiq. Ümchaü ara miiphat she, ümniiraq maiq she mikhup haü,” nguta chongkuqto.

Luke 9:10

Kiimwebi thun ka trahokai rii maq jang wan raütiishe, Jesuq ma tsangshiq raq ümtinkhan wa jaqsham wantaq, kra tsütsa ka tiitai kuqto. Apaiq raq tsangshiq ka, apaiq rai shea raüta, Bethsaida chela niishe kihoto.

John 12:22

Kiijiishe, Philip raq Andru ma kra bom ka tlü chongto. Raüta, tsangnai wiita she, Jesuq phana waraüta, Griknok bom ka Jesuq miishe tlü chongto.

John 13:23

Jaqshisetiim phong wa, Jesuq raq kai lungwii hea we jaqshi se kriika, Jesuq tiinap na nga raü riito.

John 20:2

Apaiq raq kra chhi raütiishe, Simon Petar nai Jesuq raq lungwii hea we jaqshise phana juju wa raüta, “Tsangshiq raq Tatiwe maa ka maakho wa ahin na pihoto. Kiimaq nashiq raq sapmai, tsangshiq raq apaiq maa ka ümba niishe wa saiqsam wanta!” nguta tsütsa ka tsangnai ma tiitai chongto.

John 21:2

Kra akhing na Simon Patar, Thomas (apaiq ka Achhop we ngutlo), Nathaniel (Apaiq ka Gelili wang na Kana hiq wa), Jebedi senai, kiimaq Jesuq jaqshisenai ahinti wenai, tsangtsam thun ka tarü adam na riito.

John 21:20

Petar raq ajai nü na liikiita, ajaqshi se weshi, Jesuq raq pinthum lungwii hea we kriika, apaiq jai na awa rai chhito. Apaiq ka dungsea akhing na, Jesuq rai tiinapsaq na ngati we riito. Kiimaq Jesuq ma, “Tatiwe, ümnaq tiishaü wanti we ka juwa miraq?” nguta waiti we kra riito.

John 21:24

Apaiq kata, arthun ara chongketi we ajaqshi se, amak shaq. Apaiq riisii hali dea, arthun bomtsi ara lakdap na waiqthüto. Kiimaq apaiq raq jamlai bomtsi wa chongtaq, kriika tengteng bomtsi dea chongto nguta naishiq raq asap hai.

John 6:67

Kra ningkhan she, apaiq raq ajaqshisetiim roqshi ri wenai kiima bom ka akhiishe waito, “Riita, namshiq ha? Namshiq min jai niishe sha mijang wan han?”

John 6:70

Kiijiishe, Jesuq raq treto, “Ngi raq namshiq ka roqshi ri wenai tsea wan pha riimak sha? Kra taü maq dongdii min, namtsam phong wa weshi ka tha kaü!”

John 6:71

Apaiq raq ara tiithai raüta chong tlaq arka, Simon Iskariot se Judas kra ngo nang riito. Ara jamkhano tiithai tlaq ngukla, Judas ka ajaqshisetiim roqshi ri wenai phong wa ashi. Shatmaq, apaiq raq Jesuq ka maiq jaq khon mong na mishaphaq baiq wan.

John 6:8

Ajaqshi se ashi, amang Andru, Simon Petar ma ano raq Jesuq ma chongto,

Acts 1:13

Tsangshiq ka Jerusalem na jang wanto. Raüta, tsangshiq jap chang jam na rathong khokti kiina riitam ngato.

Acts 1:26

Kra achu jaü lot raütiishe, tsangshiq raq maiq wenai mang na, lang liito. Krai mren, lang raq Matthias mang na thaüto. Krai mren, tsangshiq raq Matthias ka Jesuq kiimwe miishe tseato. Kra ranaiq miiphat she, Matthias ka Jesuq Khristo kiimwebi roqshi ri weshi krai kongshi she jawanto.

Acts 12:2

Apaiq raq Johan ma aphu Jakob ka lap raüta nepja maq tiise baiqto.

Acts 3:1

Ranaiq shi Petar nai Johan ka Shomjam na ranaiq nari tsam na achu jaü wa wato. Kra akhing ka achu jaü akhing bala.

1 Corinthians 15:7

Kra jai miishe hali, apaiq ka Jakob rai riihum kito. Kiimaq kra jai miishe, apaiq ka akiimwetiim tarü raishe riihum kito.

Ephesians 4:11

Apaiq arkata, “Maiqse angu ma kongphiq pahea pheakuqto” nguta chongtliiwe kra. Apaiq raq, maiqse wiijam ka kiimwebi ma shongto; maiq wiijam ka shammibi ma shongto; kiimaq wiijam ka Tsütsa Ahea chongke wan miitu shongto; wiijam ka shrabi ma shongto; kiimaq wiijam ka ashrinketi ma shongto.

Hebrews 3:1

Shiikeawe raq ngi rai ahea wan damti, asii lungwii Phungmaiqse phunainotiim lei! Nashiq raq Shiikeawe ma kam tiikai lamphan na, nashiq shunshea wanti we, Jesuq ka Shiikeawe raq Ramwe Ajong Pinthum ma shong raüta tiikito. Apaiq raq nashiq ma Ramwe Ajong jaqsham kuq tlaq kra atsi dada maq tiima laita si rong i.

1 Peter 1:1

Ngi, Petar, Jesuq Khristo kiimwe raq-- Shiikeawe raq raq atsea wan maiqsetiim, munglu wanshanok ma ja raüta, Pontas wang, Galatia wang, Kapadosia wang, Asia wang, kiimaq Bithinia wang na riinyin riishin sitibi ma tiiho wan tiikang.

2 Peter 1:1

Ngi, Simon Petar, jaqshise kiimaq Jesuq Khristo kiimwe raq-- Jumiiwa nashiq Shiikeawe kiimaq Chhiiti Jesuq Khristo kechu lümaq athii tsinhea naishiq ma kuqtaq kiikha kamasham kuqwataqtibi ma:

2 John 1:1

Ngi, Phukhu we raq-- Lungwii nyino nyung nai asetiim ma, apaiq ka ngi raq pinthum lungwiitiikang. Kiimaq ngi lam lam li ka riimak, shatmaq tengtlaq bomtsi lungwiiti wiita raq ümniika lungwiitlo.

3 John 1:1

Ngi, Phukhuwe raq-- Lungwii phuno Gaias ma, ngi raq apaiq ka riikhaqli lungwii tiikang.

Revelation 1:1

Ara lakdap arka Jesuq Khristo raq atiichhikuq mra thun pin wan bomtsi awaiq raüpot. Shiikeawe raq, Jesuq ma ara riisham bomchong ara tiichhikuqto. Arka asenginok ma jaqlo miili mra thun ka pin wan chang dongdii sitlaq kra michongkuq laq nguta tiichhikuqto. Khristo raq arthun ara ajaqshi se Johan phana rase ashi tiiki raüta tiichong kito.

Revelation 1:9

Ngi ka Johan, namshiq kongti phunowe. Ngi ka Jesuq wokhong na siti kha maq, namshiq ma jamkho tiichamchao tlaq, kiikha ngi miimin tiichamchao tlo. Nashiq tarü ka, Khristo mungtan la she sitiikai. Krai mren, nashiq tarü raq, chamchao litkot saü wan tlaq arka, tsan tiibum laita nin wan ruq maq sichang li she. Ngi raq maiqse ma, Shiikeawe bomtsi kra chiiriim lata chongke wan kha na nai Jesuq hakhi kewan kha na, tsangshiq raq ngi ka, ara khamjong mong hiq Patmos mung na, phaqtek na shaqto.

Revelation 18:20

Chochi ronglaq, o ramungtan lei, arnyung thentaq ara miitu! Chochi ronglaq, Shiikeawe sengi, kiimwebi kiimaq shammibi lei! Apaiq raq namshiq ma haihii wantaq, kriikha na Shiikeawe raq namshiq tiichhii wan, apaiq ka tüsaiq she tiishut baiqto!

Revelation 22:8

Ngi, Johan raq arthun ara tai kang. Kiimaq chhi kang. Kiimaq ngi raq arthun ara chhi tai wan lot jai she, ngi ka ngi ma arthun ara tiichhike wanti rase jichong na bumtlii bumki kang. Kiimaq ngi raq apaiq ka shomnoq ho she riikang.