Matthew 10:1 - ASII LAKDAP Bible (BSI)

¹ Jesuq raq ajaqshisetiim roqshi ri wenai kra adam na heato. Raüta tsangshiq ma abi shotsai winji thun kra jobaiq kai miitu kiimaq phanrap phanrii thuptsi thatsi sitlaq thun kra tiiheake wan miitu arang kuqto.

Hawa Naga Bible 2001

¹ Yesu rueq vsangac hez waz rokshiz rac vnueyc kuex gvl vtueq, htaungc bac htenc yurc gay lot tvkoc nuiyc suk-ric jvrkanx phvnx ruip saz vthuiuz vsac htenc tvhvlc lot tvkoc tsuinghez muex vrangx vpangx kuq tueq.

Muklom

¹ Jesu aa asi ani ujiphantey tang tha kashey o halta etho ning ma anaan tsija tang phan rangma etho phanrip tak asa taqhal rangma authority kota.

Matthew 10:1 Referencias Cruzadas

Matthew 19:28

Kiijiishe Jesuq raq tsangshiq ma chongto, “Namshiq raq tsan na tiitsang shat maq siwan lili rong laq. Ümra akhing niiwa Mungtan Anye kra saüho tlaq, kra akhing na Maiq Se ka apaiq Hokham ngachang ngacho na nga raüta, achhai anyii maq, mung ka milang wan. Kra akhing na, ümchaü namshiq i jaqshisetiim weroqshi ri wenai sitlan kriimin, maiqmiimii hokham ngachang na nga lanta, ngi rai Israilnok mung maiq phan phan roqshi ri phannai kra milang wan.

Matthew 26:20

Kra raji niishe Jesuq ka ajaqshisetiim roqshi ri wenai rai dungsea adam na ngato.

Matthew 26:47

Jesuq ka abom miiqshmiiq liipan niili, ajaqshisetiim roqshi ri wenai phong wa Judas ka saü wato. Apaiq rai maiq ka kongnyung kaüshi, tsangshiq ka nepja hi wiraq kiimaq klata piraq chhaq maq saü wato. Tsangshiq ka ramwe jongbi nai welabi raq atiiwa.

Matthew 4:23

Kra raütiishe, Jesuq ka Gelili wang hamli na barap se na wato. Raüta, sinagok thun maq shrinkuqto. Kiimaq Shiikeawe raq mangjong maiqse kunli asengi ma tiija wan akhing ka saüto she nguta Tsütsa Ahea kra tra hokuq wanto. Kiimaq maiq atsi asiti phanrap phanrii thuptsi thatsi raq chamchao rai tlaq thun kra wiita tiihea chhintsii kuqto.

Matthew 6:13

Naishiq ma tsinhea maitai naq tiisaükiq, shatmaq naishiq ka Abi We maklii wa tiiwongshat riilaq.’

Matthew 9:35

Jesuq ka chela rap nai hiqshong rap thun na kunkun khum wanto. Raüta, sinagok thun na kiraüta, Ramungtan Tsütsa Ahea kra chongkuq wanto. Kiimaq phanrap phanrii thuptsi thatsi raq chamchao tlaqti thun kra wiita chhintsii kuq wanto.

Matthew 9:38

Wakchongti we jaq wa achu li jaü wan lili rong laq, apaiq raq tsamjutti maiq ka apapa she tiq mitiiki laq,” nguta ajaqshisetiim ma chongkuqto.

Luke 10:19

Taironglaq! Ngi raq namshiq ma arang akekun she. Namshiq raq paüsang nyiqla thun ka hok maq nishishi mirhan. Kiimaq Thawe ningkun wiita mitang han. Namshiq ka jamlai riimin tiishophi lot mak miraq.

Luke 21:15

Ara jamkhano chongkuqtiikang ngukla, ngi raq namshiq ma phaqchi mikuq kang. Namshiq raq maiqmii khum tiikhe bomchong ka, namjaqti nok raq jurmin khü lot mak chang bom michong kuq han.

Luke 24:49

Kiimaq, i We raq namshiq ma mikuq kang nguta, kongphiq raü akha kuq Asii Wenyi kra, ngi raq namshiq khum na siwan miitu she mitiikiha. Shatmaq tiina, ra wa ningkun ajong Asii Wenyi kra namshiq khum na misaüho shaq wiiwii, namshiq riika Jerusalem miili kheshat khe chang miraq,” nguta Jesuq raq tsangshiq ma tsii ka chongkuqto.

Luke 6:13

Anap ranap niishe, apaiq raq ajaqshisetiim ka apaiq tho na triitam riichom heato. Raüta, tsangshiq phong wa roqshi ri wenai ka kiimwebi miitu shiikapto.

John 17:2

Ümniiraq apaiq ma maiqse angu wiita hupkhang wan miitu arang ka kuq laü she. Krai mren, ümniiraq apaiq ma sengi ümchuwa kuq laü, kriima apaiq raq pattup pat-sa rilung she mikuq.

John 3:27

Kiijiishe, Johan raq tsangshiq bom ka treto, “Shiikeawe raq jamlai wa, apaiq rii she nguta, maiqse ma maiqmii kharü na phankuq wantaq, kriili apaiq rii miraq. Kiiwa chan raütiika, juwe riimin lap lot mak.

John 3:35

Awe raq Ase ka pinthum lungwiitlo. Krai mren, Ase ma phanrap lang wan miitu arang ka ake kun she.

John 6:70

Kiijiishe, Jesuq raq treto, “Ngi raq namshiq ka roqshi ri wenai tsea wan pha riimak sha? Kra taü maq dongdii min, namtsam phong wa weshi ka tha kaü!”

Acts 1:8

Shatmaq, ümtiikiiwa Asii Wenyi ka namshiq khum niishe saüki tlaq, kra akhing na, namshiq ka Asii Wenyi raq kunli arom mir wan. Krai mren, namshiq raq ningkun jonghea milap han. Kiimaq, kra ningkun lü miishetiq, namshiq ka i hakhi ma mija lot han. Lanta, namshiq raq Jerusalem na, Judia wang tlotli na, kiimaq Samaria wang na, kiimaq ra takiq na mangjong hiq sitlaq kriithun tlotli na, namshiq raq ngi rai jamkho mang riisap wan lan, kra hakhi she michong kuq han.”

Acts 19:15

Shatmaq, abi winji raq tsangshiq bom ka akhiishe treto, “Ngi raq Jesuq ka juwa asap ha. Kiimaq Paul ka juwa kriimin asap ha. Shatmaq, namshiq ka ju nguto tiima tlan?” ngutiishe tsangshiq ma bom ka waito.

Revelation 12:1

Kiijiishe, pinthum awang chang jonghea rawang win na tiijikito chhikang. Kiijaq maiqnyung ashi, apaiq miirii ka rashe kaü samraü, kiimaq jipi kaü thaq na ahok ka tiida raüta nga raü chhikang. Kiimaq apaiq hokham khuphok phok tlaq kriika raiqsaiqpo roqshi ri anai maq tiimii raüta ahai riito.