Matthew 10:1 - Muklom

¹ Jesu aa asi ani ujiphantey tang tha kashey o halta etho ning ma anaan tsija tang phan rangma etho phanrip tak asa taqhal rangma authority kota.

ASII LAKDAP Bible (BSI)

¹ Jesuq raq ajaqshisetiim roqshi ri wenai kra adam na heato. Raüta tsangshiq ma abi shotsai winji thun kra jobaiq kai miitu kiimaq phanrap phanrii thuptsi thatsi sitlaq thun kra tiiheake wan miitu arang kuqto.

Hawa Naga Bible 2001

¹ Yesu rueq vsangac hez waz rokshiz rac vnueyc kuex gvl vtueq, htaungc bac htenc yurc gay lot tvkoc nuiyc suk-ric jvrkanx phvnx ruip saz vthuiuz vsac htenc tvhvlc lot tvkoc tsuinghez muex vrangx vpangx kuq tueq.

Matthew 10:1 Referencias Cruzadas

Matthew 19:28

Jesu aa batta, “Nga asing bat phang, mingkang anal rangham tho, Miqna Sa lungwang ang eq phun amun tongching na tong ajo, nim asi ani i jiphantey tang sha asi ani tongching na tong eq, Israel asi ani phan sha khaphung nin.

Matthew 26:20

Rang sey ja atho, Jesu aa wa si wani ujiphantey tang jam tho phaksat ma tong ta.

Matthew 26:47

Jesu raaq chey atho, wasi wani ujiphantey tang wang ashey Judas tha thuta, etho ujam thina ajong tingwa tang etho miqlang tang aa takat miqtang jan ni kantha som eq thuta.

Matthew 4:23

Jesu Galilee mung thaji na qhing eq, Synagogue na tatalta etho Shkewa mungtan tungtang aqhal phanchan ta etho uphan phan tak asa tang tha taqhal ta.

Matthew 6:13

Etho í shi tari náng nak tathok phu, etharin Thangwa shiwang thalun phu.’”

Matthew 9:35

Jesu urel wang samhaq ni qhim tang thináng lingqhing chey ta etho piq aa synagogue tang na tatal kota etho Rangmungtan tungtang aqhal phanchan ta, etho thaji atakasa tang tha taqhal ta.

Matthew 9:38

Ahan jaksomlot tey miqtang thok rangma cham taqhantey tangteywa ching wang chu inn.”

Luke 10:19

Tat inn! Nga nim ma tarong kotaphang, nim pu nia qhíngqhong kho otho ruk qhing ang nin etho nim ralwa tarong wang tho ujin eq nin etho chamlang eq tho nim tunglang phamin ang phanin.

Luke 21:15

Chammatakoi nga nim ma irimal tung araaq etho thunglam tallam kopha náng, ira tat eq nim ralwa tang atho nim ma jin thawel bat phamin angpha nin.

Luke 24:49

Iwa chamlang ta rangtum shingta sha nga nim ching náng takat pha náng. Etharin aluk wang tarong nim ching náng thuwey moq ling nim aa Jerusalem o hun banching angna.”

Luke 6:13

Rangwung sey ang atho ujiphantey tang tha halta etho ethi tang thiwang asi ani tal eq ning thima apostle ta miing shing ta.

John 17:2

Chammatakoi nang aa piq ma thaji atharang phan sho authority shing ma kotu, req nang aa Miqwasa ma ko tu eshitang thima piq aa pattuk rollung ko aa.

John 3:27

John aa thawel batta, “Miqna ma mungtan wang kot moq ang ajo, piq aa ashey tho jin kap moq.

John 3:35

Uwa aa Usa ma tinmat aa, etho piq aa thaji tangwang tha piq jaknáng kotchak aa.

John 6:70

Jesu aa ning ma thawel batta, “Nga nim asi ani talpha mong angta phang i? Etharin nim wang ashey miq thangwa.”

Acts 1:8

Asang Tsija sha nim khom o thupha jo, nim aa tarong kap nin, etho nim aa Jerusalem, thaji Judea mung, Samaria mung etho iri mingkang thaji haq shi náng ka eq imikkhi kot nin.”

Acts 19:15

Etharin anaan tsija eq ning thima batta, “Nga Jesu usam eq ang etho nga Paul tung aa raaq tho usam eq ang; etharin nim utang aa?”

Revelation 12:1

Etho rangkan na ashey ajong maal takhi ta. Ashey miqnu eq rangsal tha sam chey ta, etho jappi tha ujaa khung na angta, etho ukho thina asi ani taset khopok angta.