Acts 6:9 - ASII LAKDAP Bible (BSI)

⁹ Shatmaq, apaiq ka sinagok ashi na siti, maiq wiijamti, maiqdi wa ada wan (akha mangtlaq) kong kriiraq ngengto. Kra sinagok phung niika, Sairini chela nai Alekjendria chela wa awa, Jehudinok min asi riito. Tsangshiq rai Jehudinok ahinti Silisia mung nai Asea mung wa awati ka chap rang raüta Stephen rai she riikhiihoto.

Hawa Naga Bible 2001

⁹ Yuq muinz Kirene nuiyc Alesandria ghaq wawc Yuda miqsaz lomx naungx yaq, Free ngoz yaq vjux thoz yuimx nuex seng yaq jix htenc, kvmaq tsuingshiq rulc vdvmz Kilikia nuiyc Asia mungx wawc Yuda miqsaz wvyvmc kuex kvtenc vtueq Stephen rulc rvkhawc lvlc phaungc wvnc tueq.

Muklom

⁹ Etharin, “Achak tang” ta Synagogue miqtang bara Cyrene etho Alexandria etho Cilicia etho Asia miqtang angta, ning wang chamtey shat eq Stephen jamoq thamolta.

Acts 6:9 Referencias Cruzadas

Matthew 10:17

Honkamshat rong laq. Namshiq ka maiq raq shumraü kharü maq mikha. Raüta rung na mitiichap wan. Kiimaq tsangshiq raq namshiq ka sinagok thun maq sintsang maq mitsat.

Matthew 23:34

Ngi chong pha. Ngi raq namshiq phana shammibi kiimaq taksma maiqse kiimaq Shiikeawe bomtsi shrinketi shrabi thun kra mitiiki kang. Namshiq raq tsangshiq phong wa, wiijam ka atsea mirbaiq han; kiimaq wiijam ka pumsongkham na mitübaiq wan han; kiimaq wiijam ka sinagok maq chunpo-nyam chongwai maq ninta mitsat han. Kiimaq chela ashi maq riita chela ashi na tiikot mrot mijo jii baiq han!

Matthew 27:32

Tsangshiq ka chela mong maq dongho ri li, Sairini chelati maiq weshi Simon nguta kra rai she riihumto. Raüta phenlanok raq apaiq ma Jesuq tübaiq chang pumsongkham tipi kriishe ningkun miishe tiipi hoto.

Mark 13:9

“Arkha maq, namshiq ka honkamshat maq shongnga rong laq. Namshiq ka maiq raq alap miwan kiiphan. Raüta, rung na mihit wan. Namshiq ka sinagok maq atea miraq. Namshiq ka mung welabi nai hokhambi man na, i mang miitu rung na mitiichap. Tsangshiq rung phong na, namshiq raq Tsütsa Ahea kra michong kuq han.

Luke 21:12

Riita, arthun mra ara mipin wan shaq na, namshiq ka maiq raq alu aban miraq. Raüta, mitiichamchao. Namshiq ka sinagok thun na mitiichap. Raüta, namshiq kha ka mipho. Kiimaq phaqtek mong na mishaq. Namshiq ka hokhambi nai welabi man na, i mang chong ara miitu mitiichap.

Acts 11:20

Shatmaq, Saipras mung nai Sairini mung wa kamasham maiqsetiim wiijamti riika, Antiok chela na wawan raüta, Tati Jesuq manphan Tsütsa Ahea kra Pongnok phan maiqsetiim miimin chongkuqto.

Acts 13:1

Antiok phungtu na trahoke wanti shammibi nai kamasham bomtsi shrinketibi maiq ka asi riito. Tsangshiq ka Barnabas, Simon (Maiq nyaq we ngutlo), Lusia (Sairini mung wa), Manael (apaiq ka wanghupti we Herod raq atiijong lu wan), kiimaq Saul.

Acts 13:45

Paul traho bomchong kra taikaiti mungmaiqse kong ka pahea kiraitaq kra chhi raütiishe, Jehudinok ka Paul nai Barnabas ma makshu rashe she ngengsiq wanto. Kiimaq tsangshiq raq Paul raq traho bomtsi chongkuqtaq thun kra khii wan she tsangnai ka longliiq wanto. Kiimaq tsangnai ma shumtsü miitsü she shu wanto.

Acts 15:23

Raüta tsangshiq raq ara lak ara Antiok na siti phungmaiqsetiim ma waiqto. Raüta Judas nai Silas ma tiiho wanto. Lak ka akha waiqto: “Naishiq kiimwebi nai maiqlare, namshiq ma phunainotiim raq, namshiq Pongnok phan maiqse lungwii phunainotiim, Antiok chela na kiimaq Siria nai Silisia wang na siti tlotli ma salam bomtsi tiitai wan tiikai.

Acts 15:41

Krai mren, Paul ka Silas shea wan raüta, Siria wang nai Silisia wang lam maq wawanto. Kra wangnai na siti phungtutitiim ma kamasham lamphan na, tsaido jido ningkun shoqke wan bomtsi pahea chongkuq wanwan miishe wawanto.

Acts 16:6

Kiimaq Asii Wenyi raq Asia wang niika trahoke wa naq wa rongkiq nguta tiiwin kha maq, tsangshiq ka Phrigia hong nai Galatia wang heawea binjü lam maq wawanto.

Acts 18:24

Kra bala Jehudi we weshi, amang min Apolo nguta kriiwe ka Ephisia na wato. Apaiq rawüchhi chang hiqshong ka Alekjendria chela. Apaiq ka bom chongke na tsüwe tsitwe ashi. Kiimaq apaiq raq Asii Bomtsi ka tiitho tiipha asap wiq riito.

Acts 19:10

Paul raq mungmaiqse ma akha trahoke wan arka, wiinai na saüli chongkuqto. Apaiq raq atinkhan chongke wan kha maq, Asia wang na siti mungmaiqse Jehudinok phan nai Pongnok phan maiqse tarü raq, Tatiwe tsütsa ka tai wanto.

Acts 19:26

Shatmaq, lii rong laq, ümchaü arwe Paul raq, jamlai she wa riiwanta. Kra namshiq tarü raq maiqmii mak maq chhi tlan. Kiimaq maiqmii ni miishe tai tlan. Apaiq raq mungmaiqse ma, maiqse jaq maq ahaihun sumla thun kriika phra kaü ka riimak nguta traho kuqtlo. Raüta, apaiq traho bomchong lümaq, apaiq raq mungmaiqse pahea, ara Ephisia chela na sitibi mungmaiqse phong wa kiimaq Asea wang na siti mungmaiqse tsantsii ka, apaiq bomchong kra dea tengto ngutiishe trap ru wanto. Arka Ephisia na sitibi miili ka riimak, Asea wang na hamli she tiinyam wanto.

Acts 21:27

Shatmaq, kra apii ramiishi haitaq kra athum wan nini niishe, Asia wang wa aki, Jehudinok maiq wiijamti raq Paul ka Shomjam mong na chhito. Kra chhi raütiishe tsangshiq raq mungmaiqse wiita ka riisii she tiishai baiqto. Raüta Paul ka rangho tlii maq laphoto.

Acts 21:39

Kiijiishe, Paul raq treto, “Ngi ka Jehudi phan. Silisia wang na Tarsas chela na achü. Kiimaq akhek chela ajong na siti nokti we ashi. Riita, ümchaü min, ngi raq ara mungmaiqse mrurang rai tlaq arma bom poshi chongke miitu aming kuqlaq” nguta jaüto.

Acts 22:19

Kiijiishe ngi raq Tatiwe bom ka akha trekang, ‘Tatiwe, tsangshiq riili ngi ka sinagok thun na walata, ümniima kamti maiqse angu thun kra lapho lata, tsangshiq ka ninta tiitseati we nguta tsangshiq raq sapshat.

Acts 22:3

“Ngi ka Jehudi phan. Ngi rawü chhi chang hiqshong ka Silisia wang na Tarsas chela. Shatmaq, ngi jonglu wan chang hiqshong ka ara Jerusalem chela ara. Kiimaq ngi ma shra jong we Gamaliel raq natitiim Thungtri ka atsin maq jamkhii lang wan chang wa, kra wiita kunkun shrin kuqto. Kiimaq ümchaü namshiq raq khum kiinong kuq lanta, Shiikeawe jaqsham tlan kiikhiisii hali, ngi riimin, i khum ka wiita kiinong kuq lata, Shiikeawe jaq sham ka sham wan kang.

Acts 23:34

Wanghupti we raq lak ka phatto. Raüta apaiq ka ümra hongti wa nguta Paul ma waito. Riita apaiq raq Paul ka Silisia hongti nguta sap raütiishe

Acts 24:18

Riita, ngi raq i khum tiisii mrochhi poi ka aklo lot wan wi niishe, tsangshiq raq ngi ka Shomjam mong na chhito. Kra akhing na, ngi rai mungmaiqse ka jumin ahü riito. Kiimaq kiijaq tatso wiinyi brakshaq jam min ahü riito.

Acts 26:11

Ngi raq tsangshiq ka akhing pahea, sinagok thun maq tsat wan kang. Lata tsangshiq raq Jesuq ma kamtsantsii thü tlaq, tsangshiq kamtsantsii kra, tiipan baiq miitu, tiiphiip miijiip longliiq wan kang. Ngi ka tsangshiq ma, i tsankhiq ninlot mangshe kha maq, tsangshiq ka pongmung chela thun na saülili she tiikot trot jowan lata, tsangshiq pahea tiichamchao wan kang.

Acts 6:10

Shatmaq, Asii Wenyi raq Stephen ma taksu phaqchi ka aheng keje kha maq, apaiq bomchong ka tsangshiq raq poshi min khiilot mak riito.

1 Corinthians 1:20

Ikhiijiika, taksmabi thii ka ümbano? Riimakla phaqchi maiqsebi thii ka ümbano? Riimakla ara mangjong hiq wa tsitwe thii ka ümbano? Shiikeawe raq mangjong hiq wa taksmabi ka khanhü ma tiija baiqto!

Galatians 1:21

Kra jai miishe hali, ngi ka, Siria nai Silisia wang binjü na maiqhiq apawiq na walata, tra hokuq wankang.