2 Bakorinthe 3:1 - Sesotho 1909/1961 (SO)

Hleka re boela re qala ho ikemela na? Kapa a re tshwanela ho batla, jwaloka ba bang, mangolo a re emelang pela lona, leha e le a ka tswang ho lona ho re emela pela ba bang?

BIBELE

Na re boela re qala ho ikemela? Kapa jwaloka ba bang, re hloka mangolo a re emelang ho lona, kapa a tswang ho lona?

Baasraak Sotho NT

A re boela re qala ho ithorisa? Kapa na, joalo ka ba bang, re hloka mangolo a bopaki a eang ho lōna, kapa lengolo la bopaki le tsoang ho lōna?

Contemporary Southern Sotho Bible 2024

A re boela re qala ho ithorisa? Kapa na, joalo ka ba bang, re hloka mangolo a bopaki a eang ho lōna, kapa lengolo la bopaki le tsoang ho lōna?

2 Bakorinthe 3:1 Referencias Cruzadas

Diketso 18:27

Yare ha a rata ho fetela Akaea, baena ba ngolla barutuwa, ba ba kgothatsa hore ba mo amohele. Eitse ha a fihla ho bona, a thusa haholo ba dumetseng ka mohau wa Modimo.

Baroma 16:1

Ke le laeletsa Fibi, kgaitsedi ya rona, lekgabunyane la kereke ya Kenkrea.

1 Bakorinthe 10:33

jwalokaha le nna ke kgahlisa bohle nthong tsohle, ke sa ipatlele se tshwanelang nna feela, ke mpa ke batla se tshwanelang ba bangata, ba tle ba bolokehe.

1 Bakorinthe 16:3

Mme etlare ha ke fihla, ke tla roma ka mangolo bao le ba tshepileng, ba tle ba ise mpho ya lona Jerusalema.

1 Bakorinthe 3:10

Haele nna, ka mohau wa Modimo oo ke o filweng, ke theile motheo jwaloka sehahi se bohlale, mme e mong o haha kahodima wona; e mong le e mong a mpe a iponele kamoo a hahang kateng hodima wona.

1 Bakorinthe 4:15

Hobane leha le be le ka ba le baruti ba dikete tse leshome ho Kreste, ha le na bontata lona ba bangata; hobane ke nna ya le tswetseng ho Jesu Kreste ka Evangeli.

2 Bakorinthe 10:12

Empa re tshaba ho ipala le ho ipapisa le ba bang ba ikemelang; athe ha ba itekanya bona ka bona, mme ba itshwantsha bona ka bona, ha ba etse ka kelello.

2 Bakorinthe 10:18

Hobane ya dumelehang hase ya ikemelang, empa e le ya emelwang ke Morena.

2 Bakorinthe 10:8

Athe, leha nka eketsa hanyenyane ho ithorisa ka matla a rona, ao re a neilweng ke Morena ho le hahisa, e seng ho le diha, nke ke ka ba le dihlong;

2 Bakorinthe 12:11

Ha ke ithorisitse, ke fetohile lewatla, ke lona le ntshusumeleditseng teng; hobane ke ne ke tshwanelwa ke ho emelwa ke lona, hobane ha ke a ka ka fetiswa ka letho, leha le le leng, ke baapostola ba fetisang ka boholo, leha ke se eng.

2 Bakorinthe 12:19

Hleka le jwale le re, re sa ntse re itlhatswa ho lona na? Tjhe, re bua pela Modimo, re le ho Kreste; mme ka tsohle tseo, baratuwa, re le batlela kgahiso.

2 Bakorinthe 2:17

Hobane ha re tshwane le ba bangata ba tswakang lentswe la Modimo; re ntse re bua re le ba nnete, re le ba buiswang ke Modimo, pontsheng ya Modimo, re le ho Kreste.

2 Bakorinthe 5:12

Hase hore re boela re ikemela pela lona, empa re le nea sebaka sa ho ithorisa ka rona; le tle le tsebe ho fetola ba ithorisang ka tshobotsi, e seng ka pelo.