2 Bakorinthe 12:19 - Sesotho 1909/1961 (SO)

¹⁹ Hleka le jwale le re, re sa ntse re itlhatswa ho lona na? Tjhe, re bua pela Modimo, re le ho Kreste; mme ka tsohle tseo, baratuwa, re le batlela kgahiso.

BIBELE

¹⁹ Na haesale le ntse le nahana hore re batla ho itshireletsa mahlong a lona? Re bua pela Modimo re le ba Kreste, mme, baratuwa, tsohle di etsetswa ho le matlafatsa.

Baasraak Sotho NT

¹⁹ Hape, le re re ikemela ho lona? re bua pela Modimo re le ho Kreste: empa re etsa ntho tsohle, baratuwa, bakeng sa ho le hahisa.

Contemporary Southern Sotho Bible 2024

¹⁹ Hape, le re re ikemela ho lona? re bua pela Modimo re le ho Kreste: empa re etsa ntho tsohle, baratuwa, bakeng sa ho le hahisa.

2 Bakorinthe 12:19 Referencias Cruzadas

Baroma 12:19

Barutuwa, le se ke la iphetetsa e le lona, le mpe le etsetse bohale sebaka; hobane ho ngodilwe, ho thwe: Phetetso ke ya ka; ke nna ya tlang ho busetsa, ho rialo Morena.

Baroma 14:19

A re ke re batleng ke hona ditaba tse hlahisang kgotso, le tseo re ka hahisanang hammoho ka tsona.

Baroma 15:2

Motho ka mong ho rona a kgahlise ngwanabo ka ho mmatlela se molemo ho yena, se ka mo hahisang.

Baroma 9:1

Ke bolela nnete pela Kreste, ha ke etse leshano, letswalo la ka le emelana le nna ka Moya o Halalelang,

1 Bakorinthe 10:14

Ka baka leo, baratuwa ba ka, le ke le tshabe tshebeletso ya ditshwantsho.

1 Bakorinthe 10:33

jwalokaha le nna ke kgahlisa bohle nthong tsohle, ke sa ipatlele se tshwanelang nna feela, ke mpa ke batla se tshwanelang ba bangata, ba tle ba bolokehe.

1 Bakorinthe 14:26

Ana ke re, ho be jwang, banabeso? Ke re: Kamehla yohle ha le phutheha, e mong le e mong ho lona o na le pesaleme, leha e le thuto, kapa puo, leha e le tshenolo, leha e le phetolo; tsohle di etsetswe kgahiso.

2 Bakorinthe 10:8

Athe, leha nka eketsa hanyenyane ho ithorisa ka matla a rona, ao re a neilweng ke Morena ho le hahisa, e seng ho le diha, nke ke ka ba le dihlong;

2 Bakorinthe 11:10

Ke ometse ka nnete ya Kreste, e leng ho nna, hoba nke ke ka amohuwa sebaka seo sa ho ithorisa seo ke nang le sona mafatsheng a Akaea.

2 Bakorinthe 11:31

Modimo, e leng Ntata Morena wa rona Jesu Kreste, e leng o bokwang ka ho sa feleng, o a tseba hoba ha ke leshano.

2 Bakorinthe 12:15

Mme haele nna, nke ke ka kganana ho ntshetsa le ho ntshetswa meya ya lona; leha ke ratwa hanyenyane, ke ntse ke le rata haholo.

2 Bakorinthe 13:10

Ke ka baka leo ke ngolang taba tseo, ke sa le siyo ho lona, hore mohla ke leng teng, ke se ke ka etsa ka thata, ka matla ao Morena a nneileng wona ho hahisa, e seng ho heletsa.

2 Bakorinthe 2:17

Hobane ha re tshwane le ba bangata ba tswakang lentswe la Modimo; re ntse re bua re le ba nnete, re le ba buiswang ke Modimo, pontsheng ya Modimo, re le ho Kreste.

2 Bakorinthe 3:1

Hleka re boela re qala ho ikemela na? Kapa a re tshwanela ho batla, jwaloka ba bang, mangolo a re emelang pela lona, leha e le a ka tswang ho lona ho re emela pela ba bang?

2 Bakorinthe 7:1

Jwale, baratuwa, ha re ena le dipallo tseo, a re ke re itlhatsweng ditshila tsohle tsa nama le tsa moya, re ntse re phetha kgalalelo ya rona ka ho tshaba Modimo.

BaFilipi 4:1

Ka baka leo, bana beso ba ratwang, ba hlolohelwang haholo, lona bao le leng thabo ya ka, le moqhaka wa ka, ha le ke le tiye jwalo Moreneng, baratuwa.

1 BaThesalonika 5:11

Ka baka leo, le ke le tshedisane, mme le hahisane, jwalokaha le fela le etsa.

BaHebheru 6:9

Empa leha re bua jwalo, haele bakeng sa lona, baratuwa, re tshepile tse fetisang tseo ka botle, tse tshwanelang poloko.