Romaned 8:26 - Bibl Koad 21: Ar Bibl e Brezhoneg evit ar Vretoned

Evel-se ivez ar Spered a sikour ac’hanomp en hon dinerzhded. Rak n’ouzomp ket petra a dleomp goulenn evit pediñ evel ma’z eo dereat. Met ar Spered e-unan a erbed evidomp dre huanadoù na c’hellont ket bezañ displeget.

Testamant Nevez 1897 (Jenkins)

Hag ouz‐pen‐ze ive ar Spered a zicour ac’hanomp en hor sempladureziou; rag na ouzomp ket petra a dleomp da c’houlen evit pidi evel ma’z eo dleet; mes ar Spered he‐unan a zeu da intercedi evidomp dre huanadou ha na heller ket ho rei da gompren.

Romaned 8:26 Referencias Cruzadas

Levr Job 37:19

Desk deomp ar pezh a lavarimp dezhañ, rak n'oufemp ket komz en abeg d'hon teñvalijenn.

Salmoù 10:17

AOTROU, klevout a rez c'hoant ar re c'hlac'haret: starta o c'halonoù, ro ur skouarn evezhiek dezho,

Salmoù 102:20

rak en devo sellet eus lec'h uhel e santelezh, hag en devo eus an neñvoù taolet e zaoulagad war an douar,

Salmoù 102:5

Va c'halon a zo bet skoet hag he deus disec'het evel ar geot, kement ma em eus ankounac'haet debriñ va bara.

Salmoù 6:3

Az pez truez ouzhin, AOTROU, rak me 'zo dinerzh; va yac'ha, rak va eskern a zo o krenañ.

Salmoù 6:9

Pellait diouzhin, c'hwi holl micherourien a zireizhder! Rak an AOTROU en deus klevet mouezh va daeroù.

Salmoù 69:3

Sankañ a ran en ur fankigell don, e-lec'h ma kollan sont. Aet on e donder an doureier hag an tonnoù o deus va goloet.

Klemmganoù 3:56

Klevet ec'h eus va mouezh, na guzh ket da skouarn ouzh va huanadoù ha va c'hriadennoù.

Zakaria 12:10

Skuilhañ a rin war di David ha war dud Jeruzalem ar Spered a c'hras hag a bedennoù, hag e sellint ouzhin, an hini o deus toullet. Hag e raint kañv dezhañ evel ma reer kañv d'ur mab nemetañ, hag e ouelint c'hwerv evel ma oueler war ur mab kentañ-ganet.

Mazhev 10:20

Rak ne vo ket c’hwi a gomzo, met Spered ho Tad eo, a gomzo ennoc’h.

Mazhev 20:22

Jezuz a respontas: N’ouzoc’h ket ar pezh a c’houlennit. Ha gallout e c’hellit evañ an hanaf a dlean evañ ha bezañ badezet eus ar vadeziant ma tlean bezañ badezet ganti? Int a lavaras dezhañ: Ni a c’hell.

Sant Lucas 22:44

Gwasket gant an anken, e pedas kalz startoc’h, hag e teuas dezhañ ur c’hwezenn evel beradennoù gwad a gouezhe war an douar.

Sant Ian 14:16

Me a bedo an Tad hag e roio deoc’h ur Frealzer all, evit ma chomo ganeoc’h da viken,

Romaned 15:1

Ni ar re greñv a dle gouzañv dinerzhded ar re zinerzh ha ne dleomp ket en em blijout ennomp hon-unan.

Romaned 7:24

Paour-kaezh paotr ma’z on! Piv a zieubo ac’hanon eus korf ar marv-mañ?

Romaned 8:15

Ha n’hoc’h eus ket resevet ur spered a sklavelezh evit bezañ c’hoazh en aon, met resevet hoc’h eus ur Spered advugelañ a laka ac’hanomp da grial: Abba! Tad!

2 Korintiz 5:2

Huanadiñ a reomp eno, o c’hoantaat gant bervder gwiskañ hor chomlec’h neñvel,

2 Korintiz 5:4

E-pad ma’z emaomp en tabernakl-mañ, e huanadomp dindan ar bec’h, abalamour ma fell deomp, nann bezañ diwisket, met bezañ gwisket, evit ma vo ar pezh a zo marvel lonket gant ar vuhez.

Galated 4:6

Ha dre ma’z oc’h mibien, Doue en deus kaset en ho kalonoù Spered e Vab o krial: Abba! Tad!

Efeziz 2:18

rak drezañ hon eus an eil hag egile un degemer digant an Tad en un hevelep Spered.

Efeziz 6:18

o pediñ e pep amzer dre bep seurt pedennoù hag aspedennoù dre ar Spered, o veilhañ war gement-se gant dalc’husted hag o pediñ evit an holl sent,

Hebreed 4:15

Rak n’hon eus ket ur beleg-meur na c’hellfe ket kaout truez d’hon dinerzhded, er c’hontrol temptet eo bet eveldomp en holl draoù, met hep pec’hiñ.

Hebreed 5:2

Gallout a ra kaout truez ouzh ar re a zo en diouiziegezh hag en errol, peogwir eo eñ ivez e-unan e-kreiz an dinerzhded.

S. Jakes 4:3

Goulenn a rit ha ne resevit ket abalamour ma c’houlennit fall, evit dic’hoantañ ho kwallyouloù.