Romaned 8:15 - Bibl Koad 21: Ar Bibl e Brezhoneg evit ar Vretoned

¹⁵ Ha n’hoc’h eus ket resevet ur spered a sklavelezh evit bezañ c’hoazh en aon, met resevet hoc’h eus ur Spered advugelañ a laka ac’hanomp da grial: Abba! Tad!

Testamant Nevez 1897 (Jenkins)

¹⁵ Rag n’hoch euz ket recevet eur spered a esclavach, evit kaoud aoun c’hoas; mes recevet hoc’h euz eur Spered a adoption, dre behini e criomp: Abba, Tad.

Romaned 8:15 Referencias Cruzadas

Ermaeziadeg 20:19

Hag e lavarjont da Voizez: Komz ouzhimp te da-unan, ha ni a selaouo, met ra ne gomzo ket Doue ouzhimp gant aon na varvimp.

Izaia 56:5

e roin em zi hag e-barzh va mogerioù ul lec'h hag un anv gwelloc'h eget mibien ha merc'hed, me a roio dezho un anv peurbadus na vo ket lamet kuit.

Jeremiaz 3:19

Ha me, me am eus lavaret: Penaos e lakain ac'hanout e-touez va mibien, hag e roin dit ur vro a zudioù, gwellañ hêrezh armeoù ar broadoù? Hag em eus lavaret: Va gervel a ri: Va zad! Ha ne zistroi ket diouzhin.

Niveroù 17:12

Mibien Israel a lavaras da Voizez: Setu e varvomp, kollet omp, kollet omp holl!

Mazhev 25:25

hag e teuas aon din hag on aet da guzhat da dalant en douar. Setu, e roan dit ar pezh a zo dit.

Sant Marc 14:36

Hag e lavare: Abba, Tad, an holl draoù a c’hellez, pella an hanaf-se diouzhin! Koulskoude, n’eo ket evel ma fell din, met evel ma fell dit.

Sant Lucas 11:2

Hag e lavaras dezho: Pa bedit, lavarit: Hon Tad hag a zo en neñv, ra vo santelaet da anv, ra zeuio da rouantelezh, ra vo graet da volontez war an douar evel en neñv,

Sant Lucas 22:42

o lavarout: Tad, mar fell dit, pella an hanaf-se diouzhin! Koulskoude, ra ne vo ket graet va bolontez, met da hini.

Sant Lucas 8:28

Pa welas Jezuz, e krias hag, ouzh en em deurel d’e dreid, e lavaras a vouezh uhel: Petra a zo etre me ha te, Jezuz, Mab an Doue Uhel-Meurbet? Me az ped, na boagn ket ac’hanon.

Sant Lucas 8:37

Holl dud bro ar C’hadareniz en pedas da bellaat diouto, rak kroget e oa ur spont bras enno. Mont a reas eta er vag evit distreiñ.

Sant Ian 16:8

Ha pa vo deuet, e kendrec’ho ar bed er pezh a sell ouzh ar pec’hed, ar reizhder hag ar varnedigezh,

Sant Ian 20:17

Jezuz a lavaras dezhi: Na stok ket ennon, rak n’on ket c’hoazh pignet etrezek va Zad. Met kae da gavout va breudeur ha lavar dezho penaos e pignan etrezek va Zad hag ho Tad, etrezek va Doue hag ho Toue.

Actou an Ebestel 16:29

O vezañ goulennet gouloù, ec’h antreas buan hag, en ur grenañ, en em daolas ouzh treid Paol ha Silaz.

Actou an Ebestel 2:37

O vezañ klevet an traoù-mañ, e voe mantret o c’halon, hag e lavarjont da Bêr ha d’an ebestel all: Tud breudeur, petra a raimp?

Romaned 8:16

Ar Spered e-unan a ro testeni d’hor spered ez omp bugale da Zoue.

Romaned 8:23

ha n’eo ket hi hepken, met ni ivez, en ur gaout frouezh kentañ ar Spered, e huanadomp ivez ennomp hon-unan o c’hortoz an advugelañ, dasprenadur hor c’horf.

Romaned 8:26

Evel-se ivez ar Spered a sikour ac’hanomp en hon dinerzhded. Rak n’ouzomp ket petra a dleomp goulenn evit pediñ evel ma’z eo dereat. Met ar Spered e-unan a erbed evidomp dre huanadoù na c’hellont ket bezañ displeget.

Romaned 9:4

a zo Israeliz, a zo bet roet dezho an advugelañ, ar gloar, an emglevioù, donezon al lezenn, al lid, ar promesaoù,

1 Korintiz 2:12

Hogen ni, n’hon eus ket resevet spered ar bed, met ar Spered a zeu eus Doue, evit ma anavezimp an traoù a zo bet roet deomp gant Doue dre c’hras.

2 Korintiz 11:4

Rak mar deufe unan bennak da brezeg deoc’h ur Jezuz all disheñvel diouzh an hini hon eus prezeget, pe mar resevfec’h ur Spered all disheñvel diouzh an hini hoc’h eus resevet, pe un Aviel all disheñvel diouzh an hini hoc’h eus degemeret, en gouzañvfec’h mat.

Galated 2:4

Ha kement-se a c’hoarvezas abalamour d’ar fals-vreudeur antreet e kuzh en hon touez, deuet e-barzh evit spiañ al librentez hon eus e Jezuz-Krist, hag evit hol lakaat e sklaverezh.

Galated 5:1

Chomit eta start er frankiz en deus Krist ho lakaet dieub enni, ha n’en em lakait ken a-nevez dindan yev ar sklavelezh.

Efeziz 1:5

o vezañ hor raktonket da vezañ e advugale dre Jezuz-Krist, hervez ar plijadur mat eus e volontez,

2 Timote 1:7

Rak Doue n’en deus ket roet deomp ur spered a abafder, met ur spered a nerzh, a garantez hag a emvestroni.

Hebreed 2:15

ha ma tieubje ar re holl a oa e-pad o buhez dindan ar sklaverezh dre aon rak ar marv.

S. Jakes 2:19

Krediñ a rez ez eus un Doue hepken, mat a rez. An diaouled a gred ivez kement-se hag e krenont.

1 Yann 4:18

Ne vez aon ebet er garantez, met ar garantez peurvat a gas an aon kuit, rak an aon a zalc’h ur c’hastiz; an hini en deus aon n’eo ket peurvat er garantez.