Nehemia 5:13 - Bibl Koad 21: Ar Bibl e Brezhoneg evit ar Vretoned

Hag e hejis va dilhad, hag e lavaris: Ra hejo Doue evel-se eus e di hag eus e labour pep den na raio ket hervez ar gomz-se, ha ra vo evel-se hejet ha goullonderet. Hag ar vodadeg a-bezh a lavaras: Amen! Hag e veuljont an AOTROU. Hag ar bobl a reas hervez ar gomz-se.

Nehemia 5:13 Referencias Cruzadas

2 Rouned 23:3

Ar roue en em zalc'has e-kichen ar golonenn, hag a reas emglev dirak an AOTROU, da gerzhout war-lerc'h an AOTROU, ha da virout e c'hourc'hemennoù, e destenioù hag e reolennoù, a holl galon hag a holl ene, en ur ober hervez komzoù an emglev skrivet el levr-se. Hag an holl bobl a asantas d'an emglev-se.

1 Danevelloù 16:36

Benniget ra vo an AOTROU , Doue Israel, a gantved da gantved, ha ma lavaro an holl bobl: Amen! Meulit an AOTROU!

Nehemia 8:6

Hag Ezdra a vennigas an AOTROU, an Doue bras, hag an holl bobl a respontas: Amen! Amen! en ur sevel o daouarn. Hag e plegjont hag e stoujont dirak an AOTROU, o dremmoù ouzh an douar.

Salmoù 119:106

Touet em eus hag e talc'hin, mirout da varnedigezhioù reizh.

Salmoù 50:14

Kinnig da Zoue un aberzh a veuleudi, peurc'hra da ouestloù d'an Uhel-Meurbet,

Salmoù 76:11

A-dra-sur, fulor an den a dro da'z meuleudi, pa wiskez da gounnar.

Krennlavarioù 28:4

An dud a zilez al lezenn a veul ar re zrouk, met an dud a vir al lezenn a stourm outo.

Ar Prezeger 5:5

Gwelloc'h e vefe dit chom hep ober gouestloù, eget ober ha tremen hep o seveniñ.

Niveroù 5:22

hag an dour-se a zoug ar vallozh a yelo ez pouzelloù evit lakaat da gof da goeñviñ ha da vorzhed da vreinañ. Hag ar wreg a lavaro: Amen! Amen!

Mazhev 10:14

Ha p’en em gavo tud n’ho tegemerint ket ha ne selaouint ket ho komzoù, pa’z eot kuit eus an ti-se pe eus ar gêr-se, hejit ar poultr eus ho treid.

Actou an Ebestel 13:51

Goude bezañ hejet ar poultr eus ho treid a-enep dezho ez ejont da Ikoniom.

Actou an Ebestel 18:6

Met evel ma’c’h enebjont outañ ha ma vallozhjont, ec’h hejas e zilhad hag e lavaras dezho: Ra gouezho ho kwad war ho penn! Naet on anezhañ. Diwar vremañ ez in etrezek ar baganed.

1 Korintiz 14:16

Anez, mar bennigez er spered, penaos e c’hello an hini a zo e renk ar selaouerien eeun respont: Amen, da’z pedenn a drugarez, pa ne oar ket petra a lavarez?

1 Samuel 15:28

Samuel a lavaras dezhañ: An AOTROU en deus freget hiziv rouantelezh Israel diwarnout, hag en deus he roet da'z nesañ, a zo gwelloc'h egedout.