Nehemia 8:6 - Bibl Koad 21: Ar Bibl e Brezhoneg evit ar Vretoned

⁶ Hag Ezdra a vennigas an AOTROU, an Doue bras, hag an holl bobl a respontas: Amen! Amen! en ur sevel o daouarn. Hag e plegjont hag e stoujont dirak an AOTROU, o dremmoù ouzh an douar.

Nehemia 8:6 Referencias Cruzadas

Geneliezh 14:22

Abram a lavaras da roue Sodom: Sevel a ran va dorn etrezek an AOTROU Doue Uhel-Meurbet, perc'henn an neñv hag an douar,

Geneliezh 24:26

An den a soublas e benn hag a stouas dirak an AOTROU,

1 Danevelloù 16:36

Benniget ra vo an AOTROU , Doue Israel, a gantved da gantved, ha ma lavaro an holl bobl: Amen! Meulit an AOTROU!

1 Danevelloù 29:10

David a vennigas an AOTROU dirak an holl vodadeg, ha David a lavaras: Benniget ra vi, AOTROU , Doue Israel hon tad, a gantved da gantved!

1 Danevelloù 29:20

Ha David a lavaras d'an holl vodadeg: Bennigit an AOTROU ho Toue! Hag an holl vodadeg a vennigas an AOTROU , Doue o zadoù. Hag e plegjont hag e stoujont dirak an AOTROU ha dirak ar roue.

2 Danevelloù 20:18

Neuze Jozafad a stouas, e zremm d'an douar, hag holl Juda ha tud Jeruzalem a gouezhas dirak an AOTROU, oc'h azeuliñ an AOTROU.

2 Danevelloù 29:10

Bremañ eta em eus a galon d'ober un emglev gant an AOTROU Doue Israel, evit ma tistroio diouzhimp e gounnar entanet.

2 Danevelloù 29:30

Neuze ar roue Ezekiaz hag ar pennoù a lavaras d'al Levited meuliñ an AOTROU gant komzoù David hag Azaf ar gwelour. Hag e veuljont anezhañ gant kalz a levenez, hag e taoublegjont hag e stoujont.

2 Danevelloù 6:4

Hag e lavaras: Benniget ra vo an AOTROU Doue Israel, en deus komzet gant e c'henou ouzh David va zad, hag en deus sevenet gant e zorn ar pezh en doa lavaret evel-henn:

Nehemia 5:13

Hag e hejis va dilhad, hag e lavaris: Ra hejo Doue evel-se eus e di hag eus e labour pep den na raio ket hervez ar gomz-se, ha ra vo evel-se hejet ha goullonderet. Hag ar vodadeg a-bezh a lavaras: Amen! Hag e veuljont an AOTROU. Hag ar bobl a reas hervez ar gomz-se.

Nehemia 8:7

Jezua, Bani, Sherebia, Jamin, Akkub, Shabtai, Hodija, Maaseja, Kelita, Azaria, Jozabad, Hanan, Pelaja, hag al Levited all, a zisplege d'ar bobl al lezenn, hag ar bobl en em zalc'he en o lec'h.

Salmoù 134:2

Savit ho taouarn etrezek ar santual, ha bennigit an AOTROU!

Salmoù 141:2

Ra zeuio va fedenn dirazout evel ar c'hwezh-vat, ha savadenn va daouarn evel profadenn an abardaez.

Salmoù 28:2

Selaou mouezh va goulennoù pa grian dit, pa savan va daouarn etrezek da santual.

Salmoù 41:13

Va miret ec'h eus em eeunder, va lakaet ec'h eus da viken dirazout.

Salmoù 63:4

Rak da vadelezh a zo gwelloc'h eget ar vuhez, va muzelloù a gano da veuleudi.

Salmoù 95:3

rak an AOTROU a zo un Doue bras, ur roue bras dreist an holl zoueoù.

Ermaeziadeg 12:27

Neuze e respontot: Aberzh Pask an AOTROU eo, tremen a reas dreist tiez mibien Israel en Ejipt pa skoas war an Ejipt ha pa zieubas hon tiez. Neuze ar bobl a stouas hag a azeulas.

Ermaeziadeg 4:31

Ar bobl a gredas, hag ec'h anavezjont penaos en doa gweladennet an AOTROU mibien Israel ha penaos en doa gwelet o glac'har. Hag e soubljont o fenn hag e stoujont.

Jeremiaz 28:6

Ar profed Jeremiaz a lavaras: Amen! Ra vo graet evel-se gant an AOTROU! Ra seveno an AOTROU da gomzoù ac'h eus profedet, ha ra lakaio da zont en-dro eus Babilon d'al lec'h-mañ traoù ti an AOTROU hag an holl harluidi.

Klemmganoù 3:41

Savomp hor c'halonoù hag hon daouarn war-zu Doue a zo en neñvoù.

Leviegezh 9:24

An tan a zeuas er-maez a-zirak an AOTROU, hag a guzumas war an aoter al loskaberzh hag al lard. An holl bobl henn gwelas hag en ur leuskel kriadennoù a levenez e em daoljont war o dremmoù.

Mazhev 26:39

O vont un tamm a-raokoc’h, en em daolas war e c’henoù d’an douar hag e pedas o lavarout: Va Zad, ma pellaio an hanaf-se diouzhin mar gell-se bezañ! Koulskoude, n’eo ket evel ma fell din, met evel ma fell dit.

Mazhev 6:13

ha n’hon lez ket da gouezhañ en temptadur, met hon diwall diouzh an droug, rak dit eo ar ren, ar galloud hag ar gloar da viken. Amen.

1 Korintiz 14:16

Anez, mar bennigez er spered, penaos e c’hello an hini a zo e renk ar selaouerien eeun respont: Amen, da’z pedenn a drugarez, pa ne oar ket petra a lavarez?

Efeziz 1:3

Ra vo benniget Doue ha Tad hon Aotrou Jezuz-Krist, eñ hag en deus hor benniget a bep seurt bennozhioù speredel el lec’hioù neñvel e Krist.

1 Timote 2:8

Me a fell din eta e pedfe an dud e pep lec’h, o sevel daouarn glan hep kounnar hag hep tabut.

1 Pêr 1:3

Ra vo benniget Doue ha Tad hon Aotrou Jezuz-Krist, en deus hon eil-c’hanet hervez e drugarez vras evit un esperañs bev dre adsavidigezh Jezuz-Krist a-douez ar re varv,

Apocalyps 7:11

An holl aeled en em zalc’he en-dro d’an tron, d’an henaourien ha d’ar pevar bev, hag en em stoujont war o dremm dirak an tron hag ec’h azeuljont Doue