Adlezenn 7:19 - Bibl Koad 21: Ar Bibl e Brezhoneg evit ar Vretoned eus an amprouennoù bras en deus gwelet da zaoulagad, ar sinoù hag ar burzhudoù, an dorn kreñv hag ar vrec'h astennet, p'en deus da lakaet da vont kuit an AOTROU da Zoue; evel-se e raio an AOTROU da Zoue d'an holl bobloù ac'h eus aon razo. |
Rak n'eo ket dre o c'hleze o deus gounezet ar vro, ha n'eo ket o brec'h he deus o saveteet. Da du dehou, da vrec'h ha sklêrijenn da zremm eo, rak e kares anezho.
Setu perak lavar da vibien Israel: Me eo an AOTROU , me a denno ac'hanoc'h a-zindan bec'hioù an Ejipsianed, me a zieubo ac'hanoc'h eus ho sklaverezh, me a zaspreno ac'hanoc'h dre ur vrec'h astennet ha barnadegoù bras.
En amzer-se em eus roet urzhioù da Jozue o lavarout: Da zaoulagad o deus gwelet ar pezh en deus graet an AOTROU ho Toue d'an daou roue-se; evel-se e raio an AOTROU d'an holl rouantelezhioù az po da dremen drezo.
Hag-eñ ez eus esaeet un doue dont da gemer e-unan ur bobl a-greiz ur bobl all dre amprouennoù, sinoù, mirakloù ha stourmadegoù, dre un dorn kreñv hag ur vrec'h astennet, ha dre spontoù bras, evel kement en deus graet an AOTROU ho Toue en Ejipt dindan ho taoulagad?
Jozue a lavaras: Na spontit ket ha n'ho pet ket aon, en em galonekait ha bezit kreñv, rak evel-se eo e raio an AOTROU d'hoc'h holl enebourien ho po da vrezeliñ outo.
Rak an AOTROU eo hon Doue, eñ eo an hini en deus graet deomp pignat, ni hag hon tadoù, eus bro Ejipt, eus an ti sklavelezh, hag en deus graet dirak hon daoulagad ar burzhudoù bras-se, hag en deus hon diwallet en holl hentoù ma hon eus kerzhet enno hag e-touez an holl bobloù ma hon eus tremenet en o c'hreiz.
Jozue a lavaras: Dre gement-mañ e oueziot penaos emañ an Doue bev en ho touez, ha penaos e kaso kuit a-zirazoc'h ar Gananeiz, an Hitited, an Hevianed, ar Ferezianed, ar C'hirgazianed, an Amoreaned hag ar Jebuziz,