Adlezenn 4:34 - Bibl Koad 21: Ar Bibl e Brezhoneg evit ar Vretoned

³⁴ Hag-eñ ez eus esaeet un doue dont da gemer e-unan ur bobl a-greiz ur bobl all dre amprouennoù, sinoù, mirakloù ha stourmadegoù, dre un dorn kreñv hag ur vrec'h astennet, ha dre spontoù bras, evel kement en deus graet an AOTROU ho Toue en Ejipt dindan ho taoulagad?

Adlezenn 4:34 Referencias Cruzadas

Salmoù 136:12

dre un dorn nerzhus hag ur vrec'h astennet, rak e drugarez a bad da viken!

Salmoù 24:8

Piv eo ar roue a c'hloar-se? An AOTROU, ar c'hreñv, ar galloudeg, an AOTROU galloudek en emgannoù.

Salmoù 78:12

Ober a reas traoù burzhudus dirak o zadoù e bro Ejipt, e parkeier Zoan.

Ermaeziadeg 1:9

Lavarout a reas d'e bobl: Setu, pobl mibien Israel a zo brasoc'h ha galloudusoc'h egedomp.

Ermaeziadeg 10:21

An AOTROU a lavaras da Voizez: Astenn da zorn etrezek an neñv, evit ma vo teñvalijenn war vro Ejipt kement ken e c'haller he stekiñ.

Ermaeziadeg 10:7

Servijerien Faraon a lavaras: Betek pegoulz e vo hemañ ur stign deomp? Lez an dud-se da vont kuit ha ma servijint an AOTROU o Doue. Ha ne welez ket c'hoazh ez eo kollet an Ejipt?

Ermaeziadeg 13:3

Moizez a lavaras d'ar bobl: Ho pet soñj eus an deiz-se, ma'z oc'h aet kuit eus an Ejipt, eus an ti sklavelezh, rak an AOTROU en deus ho tennet ac'hane gant un dorn kreñv. Ra ne vo ket debret bara goet.

Ermaeziadeg 14:30

En deiz-se e tieubas an AOTROU Israel eus dorn an Ejipsianed; Israel a welas an Ejipsianed marv war aodoù ar mor.

Ermaeziadeg 15:11

Piv a zo eveldout e-touez an doueoù, o AOTROU? Piv a zo eveldout meurdezus e santelezh, din a veuleudioù, oc'h ober burzhudoù?

Ermaeziadeg 19:4

Gwelet hoc'h eus ar pezh am eus graet d'an Ejipt, ha penaos em eus ho touget war eskell erer ha lakaet da zont da'm c'havout.

Ermaeziadeg 3:10

Bremañ eta, deus! Kas a rin ac'hanout da gavout Faraon hag e lakai va fobl, mibien Israel, da vont kuit eus an Ejipt.

Ermaeziadeg 6:6

Setu perak lavar da vibien Israel: Me eo an AOTROU , me a denno ac'hanoc'h a-zindan bec'hioù an Ejipsianed, me a zieubo ac'hanoc'h eus ho sklaverezh, me a zaspreno ac'hanoc'h dre ur vrec'h astennet ha barnadegoù bras.

Ermaeziadeg 7:3

Me a galetaio kalon Faraon hag a gresko va sinoù ha va burzhudoù e bro Ejipt.

Izaia 51:9

Dihun! Dihun! Gwisk an nerzh, brec'h an AOTROU! Dihun, evel en deizioù a wechall, en oadoù kozh. Ha n'eo ket te a frikas Rahab, hag a c'hloazas an aerouant?

Jeremiaz 21:5

Ha me va-unan a stourmo a-enep deoc'h, gant un dorn astennet hag ur vrec'h kreñv, gant kounnar, gant fulor ha gant ur vrouez vras.

Jeremiaz 32:21

Rak ec'h eus tennet da bobl Israel eus bro Ejipt, gant sinoù ha mirakloù, dre un dorn kreñv hag ur vrec'h astennet, ha gant spontoù bras.

Niveroù 20:16

Kriet hon eus d'an AOTROU ha klevet en deus hor mouezh. Kaset en deus un ael ha lakaet en deus ac'hanomp da vont kuit eus an Ejipt. Setu, emaomp e Kadesh, kêr e penn da harzoù.

Adlezenn 1:30

An AOTROU ho Toue a gerzh dirazoc'h hag a stourmo e-unan evidoc'h, evel m'en deus graet evidoc'h en Ejipt dirak ho taoulagad,

Adlezenn 10:21

Eñ eo da veuleudi, eñ eo da Zoue, eñ eo an hini en deus graet ez keñver an traoù bras ha spontus o deus gwelet da zaoulagad.

Adlezenn 11:2

Hiziv ec'h anavezit, ar pezh n'o deus ket anavezet ha n'o deus ket gwelet ho mibien, kastizoù an AOTROU ho Toue, e vraster, e zorn kreñv hag e vrec'h astennet,

Adlezenn 26:8

An AOTROU en deus tennet ac'hanomp eus an Ejipt dre un dorn kreñv hag ur vrec'h astennet, dre spontoù bras, dre sinoù ha mirakloù.

Adlezenn 29:3

an amprouennoù bras en deus gwelet da zaoulagad, ar sinoù hag ar burzhudoù bras.

Adlezenn 33:29

Eürus out, Israel! Piv eo ar bobl a zo heñvel ouzhit, pobl saveteet gant an AOTROU, skoed da sikour, ha kleze da veurded? Da enebourien a vo doñvaet, ha te a vac'ho gant da dreid o lec'hioù uhel.

Adlezenn 34:12

hag evit an dorn kreñv hag ar spontoù bras a ziskouezas Moizez da zaoulagad Israel.

Adlezenn 5:15

Dalc'h soñj ez out bet sklav e bro Ejipt, hag en deus lakaet ac'hanout da vont kuit ac'hane an AOTROU da Zoue dre un dorn kreñv hag ur vrec'h astennet, setu perak en deus gourc'hemennet dit an AOTROU da Zoue mirout deiz ar sabad.

Adlezenn 6:21

e lavari da'z mab: Bez' e oamp sklaved da Faraon en Ejipt, hag an AOTROU en deus tennet ac'hanomp eus an Ejipt gant un dorn kreñv.

Adlezenn 7:19

eus an amprouennoù bras en deus gwelet da zaoulagad, ar sinoù hag ar burzhudoù, an dorn kreñv hag ar vrec'h astennet, p'en deus da lakaet da vont kuit an AOTROU da Zoue; evel-se e raio an AOTROU da Zoue d'an holl bobloù ac'h eus aon razo.

Adlezenn 9:29

Ha koulskoude ez int da bobl ha da hêrezh, ac'h eus lakaet da vont kuit eus bro Ejipt dre da c'halloud bras ha da vrec'h astennet.

Jozue 24:7

Hag e krijont d'an AOTROU , a lakaas un deñvalijenn etrezoc'h hag an Ejipsianed; hag e tegasas warno ar mor, a c'holoas anezho. Ho taoulagad a welas ar pezh am eus graet d'an Ejipsianed. Hag ez oc'h chomet pell amzer er gouelec'h.

1 Pêr 5:6

En em izelait eta dindan dorn galloudus Doue, evit ma uhelaio ac’hanoc’h pa vo an amzer,