Jozue 24:17 - Bibl Koad 21: Ar Bibl e Brezhoneg evit ar Vretoned

¹⁷ Rak an AOTROU eo hon Doue, eñ eo an hini en deus graet deomp pignat, ni hag hon tadoù, eus bro Ejipt, eus an ti sklavelezh, hag en deus graet dirak hon daoulagad ar burzhudoù bras-se, hag en deus hon diwallet en holl hentoù ma hon eus kerzhet enno hag e-touez an holl bobloù ma hon eus tremenet en o c'hreiz.

Jozue 24:17 Referencias Cruzadas

2 Danevelloù 13:10

Evidomp-ni, an AOTROU eo hon Doue, ha n'hon eus ket e zilezet. An aberzhourien a ra servij an AOTROU a zo mibien Aaron, hag al Levited a zo gant o labour,

Ermaeziadeg 13:14

Pa c'houlenno ouzhit da vab un deiz: Petra eo kement-se? Lavarout a ri dezhañ: Gant e zorn kreñv an AOTROU en deus hon tennet eus an Ejipt, eus an ti sklavelezh;

Ermaeziadeg 13:3

Moizez a lavaras d'ar bobl: Ho pet soñj eus an deiz-se, ma'z oc'h aet kuit eus an Ejipt, eus an ti sklavelezh, rak an AOTROU en deus ho tennet ac'hane gant un dorn kreñv. Ra ne vo ket debret bara goet.

Ermaeziadeg 19:4

Gwelet hoc'h eus ar pezh am eus graet d'an Ejipt, ha penaos em eus ho touget war eskell erer ha lakaet da zont da'm c'havout.

Izaia 46:4

Betek ho kozhni e chomin an hevelep hini, betek ho kozhni gwenn e skoazellin ac'hanoc'h. Graet em eus kement-se dija, hag ho tougin c'hoazh, ho skoazellin hag ho tieubin.

Adlezenn 29:2

Moizez a zastumas holl Israel hag a lavaras: Gwelet hoc'h eus kement en deus graet an AOTROU dirak ho taoulagad e bro Ejipt, da Faraon, d'e holl servijerien ha d'e holl vro,

Adlezenn 32:9

rak lodenn an AOTROU eo e bobl, Jakob eo lodenn e hêrezh.

Adlezenn 7:19

eus an amprouennoù bras en deus gwelet da zaoulagad, ar sinoù hag ar burzhudoù, an dorn kreñv hag ar vrec'h astennet, p'en deus da lakaet da vont kuit an AOTROU da Zoue; evel-se e raio an AOTROU da Zoue d'an holl bobloù ac'h eus aon razo.

Jozue 24:16

Neuze ar bobl a respontas: Pell diouzhimp ar soñj da zilezel an AOTROU evit servijañ doueoù all!

Jozue 24:18

An AOTROU en deus kaset kuit a-raok deomp an holl bobloù hag an Amoreaned a oa o chom er vro. Ni ivez a servijo an AOTROU , rak hon Doue eo.