Jozue 24:18 - Bibl Koad 21: Ar Bibl e Brezhoneg evit ar Vretoned

¹⁸ An AOTROU en deus kaset kuit a-raok deomp an holl bobloù hag an Amoreaned a oa o chom er vro. Ni ivez a servijo an AOTROU , rak hon Doue eo.

Jozue 24:18 Referencias Cruzadas

Salmoù 116:16

Da bediñ a ran, o AOTROU, rak me a zo da servijer, da servijer mab da vatezh. Dieret ec'h eus va ereoù.

Ermaeziadeg 10:2

hag evit ma tisklêrii da'z mab ha da vab da vab an traoù am bo graet war an Ejipsianed hag ar sinoù am bo graet en o c'hreiz, ha ma ouiot ez on me an AOTROU .

Ermaeziadeg 15:2

An AOTROU eo va nerzh ha va meuleudi. Bet eo va dieuber. Va Doue eo, e veuliñ a rin. Doue va zad eo, e ganmeuliñ a rin.

Ermaeziadeg 23:31

Hag e lakain da harzoù adalek ar Mor Ruz betek Mor ar Filistined, hag adalek ar gouelec'h betek ar stêr, rak lakaat a rin etre ho taouarn tud ar vro hag o c'hasin kuit dirazout.

Mika 4:2

Meur a vroad a zeuio hag a lavaro: Deuit ha pignomp da venez an AOTROU, da di Doue Jakob; kelenn a raio deomp e hentoù, hag e kerzhimp en e wenodennoù, rak al lezenn a zeuio eus Sion, ha komz an AOTROU eus Jeruzalem.

Zakaria 8:23

Evel-henn e komz AOTROU an armeoù: En deizioù-se, dek den a-douez holl yezhoù ar broadoù a grogo e pleg toneg ur yuzev en ur lavarout: Ni a yelo ganeoc'h, rak anavezet hon eus emañ Doue ganeoc'h.

Actou an Ebestel 7:45

Hon tadoù, o vezañ e gemeret, a zegasas anezhañ ganto dindan renerezh Jozue, er vro a oa perc’hennet gant ar broadoù a voe argaset a-ziaraok hon tadoù gant Doue, betek deizioù David.

Adlezenn 10:21

Eñ eo da veuleudi, eñ eo da Zoue, eñ eo an hini en deus graet ez keñver an traoù bras ha spontus o deus gwelet da zaoulagad.

Adlezenn 33:27

Ur repu eo an Doue a zo a bep amzer, dindan e zivrec'h peurbadus. Kaset en deus kuit a-zirazout an enebour, hag en deus lavaret: Distruj!

Jozue 23:9

An AOTROU en deus kaset kuit dirazoc'h broadoù bras ha kreñv, ha den n'en deus dalc'het dirazoc'h betek hiziv.

Jozue 24:17

Rak an AOTROU eo hon Doue, eñ eo an hini en deus graet deomp pignat, ni hag hon tadoù, eus bro Ejipt, eus an ti sklavelezh, hag en deus graet dirak hon daoulagad ar burzhudoù bras-se, hag en deus hon diwallet en holl hentoù ma hon eus kerzhet enno hag e-touez an holl bobloù ma hon eus tremenet en o c'hreiz.

Jozue 24:19

Jozue a lavaras d'ar bobl: Ne c'hellot ket servijañ an AOTROU , rak un Doue santel eo, un Doue gwarizius eo, ne bardono ket ho torridigezhioù hag ho pec'hedoù.