Kingo pata tuguuchooto, kotyem `Kamuktaindet Abraham, koleenji, “Abraham” ak ki le, “Ami yu.”
NG'ATUTIK 8:2 - BUKUIT NE TILIIL Sireet ne Dutero Kanon Ibwaat ooreet komugul ne ki komutunenen Kamuktaindet ne Toroor Kamuktaindeng'ung' eng' surkwen kenyisyechu artam, koming'inin ak kotyemin si konai kiit ne mi muguleldang'ung', ngichame anan ko mechame iriip ng'atuutikyik. Bukuit Ne Tilil Ibwaat ooreet komugul ne ki komutunenen Kamuktaindet ne Toroor Kamuktaindeng'ung' eng' surkwen kenyisyechu artam, koming'inin ak kotyemin si konai kiit ne mi muguleldang'ung', ngichame anan ko mechame iriip ng'atuutikyik. BUKUIT NE TILIL Ak ibwat oret komugul ne kigomutunenen Jehovah Kamuktaindeng’ung’ eng’ kenyisiechu artam eng’ ong’atet, si koming’inin, kotiemin, konai kit ne mi muguleldang’ung’, ngichame irib ng’atutik, anan ngo mechame. |
Kingo pata tuguuchooto, kotyem `Kamuktaindet Abraham, koleenji, “Abraham” ak ki le, “Ami yu.”
Ago eng' ng'aleegap piik che ki iyook pounigap Babilon, che ki pwa koteepse agobo kwang'utyet ne kiyaak eng' emet, ko ki pagaakta `Kamuktaindet ineendet, kotyem si konai tuguuk tugul che ki mi muguleldanyi.
Ak kingo mi eng' nyalilda kosa Kamuktaindet ne Toroor Kamuktaindennyi, ak koming'ingei miising' eng' taitap Kiptaiyat Kamuktaindetap kwanisyekyik.
Ki kisirchi agine saaennyi, ak ole kigasyindo Kamuktaindet, ak tengektanyi tugul ak kachiliilutyennyi, ak komoswek ole ki teech komoswek che torooreen, ak kolumda Aserik ak kanamonik che ki kiwai, ye ki tomo koming'ingei; ogeero, siraatiin chooto eng' kitabuutap ateptap peetuusyegap Hosai.
koma imete icheek eng' surkwen amu rireenosyeguk che chaang'. Ma istoegei paragunnywa peet toloitap pooldet si kondochi icheek eng' ooreet. Ama istoegei icheek toloita ne po maat kemoi, si koboorchi icheek lapkeiyet ak ooreet ne kanyool kobun.
Ma iguiyo kwanisyekyok kwang'utiguk eng' Misiri; ma ibwaat chaang'indap rireenosyeguk; ago ki ingelelji Ne Toroor Miising' eng' ye neegit nyanjet, nooto Nyanjet ne Piriir.
Ki iguurse eng' nyalilda, ak ki asaruun; Ak ki awolun eng' ole ung'aat ne po tuleet; Ki atyemin eng' ole mi peegap Meribah.
Ki riirchi `Musa Kamuktaindet ne Toroor ak ki iboorchi `Kamuktaindet ne Toroor ineendet keetit. Ki nam keetoto yeityo kowiirchi peek ak ki anyinyitu. Kichopchi `Kamuktaindet ne Toroor icheek eng' olooto ng'atuutyet ak kirwooget kotyeme icheeget:
Ki am piigap Israel mana kenyiisyek artam agoi koit emet ne menyei piik. Ki am mana agoi koit kiwotosyegap emetap Kanaan.
Ki leenji `Kamuktaindet ne Toroor Musa anyun, “Aroong'wok amitwogik che punu kipsengwet. Pendi piik peetuut age tugul koyumi che yamei peetuut si kobiit atyem icheek anai ngo muuchi koosup ng'atuutyennyu.
Koleenji `Musa piik, “Amoiywei, amu kanyo Kamuktaindennyo kotyemak si kotebee taing'wong' kaiyweisyennyi ne oiywei ineendet asi moyai tengek.”
Po `tereet fedha che kitiliili, ak po `maat ne oo thahabu, ago Kamuktaindet ne Toroor ne tyemei mugulelwek.
Kiming'ini kaeetetapkei ne po chiito, ak kinyeroti menoteetap piik; Kamuktaindet ne Toroor ineegei ne tororitu peetuunooto.
Ama teebegei icheek kole, ‘Mi ano Kamuktaindet ne Toroor ne ki imutwech kemong'u eng' emetap Misiri, ne ki indoiywech kebun surkwen, kebun emet ne surkwen ak ne po keriingonik, kebun emetap kemeut ak imenindo ne oo, kebun emet ne ma punei chii, ole ma menyei chii?’
aa Kamuktaindet ne Toroor Kamuktaindeng'wong'; obendate ng'atuutikyuk, ak oriip kirwoogutikyuk ak oyai;
Ki amutwak kogeny otogosu eng' emetap Misiri, ak andoiywok kenyiisyek artam eng' surkwen, si kobiit onam emetap Amorik kobunjook.
Iyogisyote lagokwok eng' ong'atani kenyiisyek artam ak koibot kugoinateng'wong' agoi kigees ne po let eng' okweek koek muuswek eng' surkwen.
Amwaiwok ale, kichoortagei chiichooto koonnyi ko kagoek ne po imanda kosiir nin age: amu chii age tugul ne itoroorigei kiming'ini; ak age tugul ne iming'inigei ko tuun kitoroori.”
ak amu ki ma komage kiy chii ne paoryani agobo chii age; amu ki ingen ineendet kiit ne mi chii oriit.
Eng' peetuutap tai ne po arawetap taman ak agenge, eng' kenyiitap artam, komwachi `Musa piigap Israel ng'atuutik tugul che kiga kong'at `Kamuktaindet ne Toroor ineendet kole asi kogoochi icheek.
ineendet ne ki indoenak eng' ooreet si kocheeng'wok ole oteeche emaisyekwok si koboorwok eng' maat ooreet ne obendi kemoi ak eng' pooldet peet.
ko meepchi iit ng'aleegap maotyondonooto anan karwotitoindonooto. Amu tyemok Kamuktaindet ne Toroor Kamuktaindeng'wong' si konai ngo chame Kamuktaindet ne Toroor Kamuktaindeng'wong' eng' mugulelwekwok ak eng' saboonwekwok.
“Amu ki koberuurin Kamuktaindet ne Toroor Kamuktaindeng'ung' eng' poisyet tugul ne po euneguk. Ki konai pandang'ung' eng' ong'atani oo. Ki imi kobooten Kamuktaindet ne Toroor Kamuktaindeng'ung' eng' kenyisyechu artam ak ma rarun kiy.
“Ki andoiywok eng' kenyiisyek artam eng' surkwen. Eng' kenyiisyek chooto tugul koma osegitu ngoroik che olaachi ama osegitu kweoniguk eng' kelyekwok.
Ibwaat peetuusyek che po keny, ak iruchi kenyiisyegap ibinwegap tai. Teebe kwandang'ung' si koboorun. Teebe poisyeguk si komwaun.
Meiywei pichooto; ibwaat miising' ne ki yachi Kamuktaindet ne Toroor Kamuktaindeng'ung' Pharaoh ak Misiri komugul.
Kibaenen mana eng' surkwen che ki ma nai kwanisyeguk, si koming'inin ak kotyemin. Kiyaun ne myee eng' let,
Ago koonu myeeindo ne tesat. Leen anyun, “Kirindoi Kamuktaindet che meniotin, ak kogoochin myeeindo che iming'inegei.”
si kenyoor eng' kalasunet ak toroornatet ak teegisto, tyemet ne chamaksei ne po kayaneng'wong', ne tinyei kamanuutyet ne oo kosiir ne po thahabu che petos nganda kityemei eng' maat, eng' ng'ang'et ne po Jeso Kristo:
Abare lagokyik meet; si konai kanisosyek tugul kole aneendet ne isyachi kabwaatutik ak mugulelwek, ak agoochini age tugul eng' okweek ko uu poisyonikwok.
Aboisyee icheek atyemee Israel si ageer ngot komuuchi koriip kobendatee iman ooreetap Kamuktaindet ne Toroor ko uu ye ki riip kwanisyekwak.”
Ki kibagaakta icheek si kobiit ketyeme Israel, si kobiit konai ngo kase iit ng'atuutigap Kamuktaindet ne Toroor, che ki ng'at kwanisyekwak eng' eutap Musa.