LUKA 18:14 - BUKUIT NE TILIIL Sireet ne Dutero Kanon

¹⁴ Amwaiwok ale, kichoortagei chiichooto koonnyi ko kagoek ne po imanda kosiir nin age: amu chii age tugul ne itoroorigei kiming'ini; ak age tugul ne iming'inigei ko tuun kitoroori.”

Bukuit Ne Tilil

¹⁴ Amwaiwok ale, kichoortagei chiichooto koonnyi ko kagoek ne po imanda kosiir nin age: amu chii age tugul ne itoroorigei kiming'ini; ak age tugul ne iming'inigei ko tuun kitoroori.”

BUKUIT NE TILIL

¹⁴ Amwawok ale, kichortagei chichoto gonnyi ko kagoek ne bo imanda kosiir nin age: amu chi age tugul ne itororigei kiming’ini; ak age tugul ne iming’inigei ko tun kitorori.

LUKA 18:14 Referencias Cruzadas

Kitabuutap JOB 22:29

Ye kiwiirchin ng'wony, imwa ile ta ang'eete; ak kosaru che iming'inegei.

Kitabuutap JOB 25:4

Imuktoi ano anyun chii koek ne po iman eng' taitap Kamuktaindet? Ak tiliilitundoi ano ineendet ne ki sich kwony?

Kitabuutap JOB 9:20

Agot ngo po iman, korwookwo kutinnyu; agot ngo aa ititaat, kobaoryanjino kole aa ne imaasat.

TIENWOGIKAL 138:6

Agot nga toroor Kamuktaindet ne Toroor, kogeerei ne nyeraat, ago ingen ineendet menotyot agot ngo mi ole loo.

TIENWOGIKAL 143:2

Amerwookyi otwogindeng'ung'; amu ma mi chii ne sabei ne kiityin imanda eng' taing'ung'.

KOMONG'U 18:11

Angen nguno anyun ale oo Kamuktaindet ne Toroor kosiir kamuktaik tugul. Amu ki sar piik eng' eunegap Misiriik che ki yachi pichooto kiit ne ya eng' menoteet.”

KALEWANAIK 15:33

Katigonetap utaatyet ko kaiyweisyet ne kiywei Kamuktaindet ne Toroor; ak indoi kaming'inetapkei eng' teegisto.

KALEWANAIK 18:12

Menei muguleldap chii kotom konyoor ng'emisyet, ak indoe kaming'inetapkei teegisto.

KALEWANAIK 25:7

Amu kaigai ngeleenjin, “Togosu,” kosiir kiming'inin eng' taitap pounindet, Kiit ne kaigeer eng' konyeguk.

KALEWANAIK 29:23

Iming'ini chii `menatennyi, ago nyooru teegisto ineendet ne iming'inegei.

KALEWANAIK 3:34

Chotei ineendet iman chotiik, ago igoochin myeeindo che iming'inegei.

AMDOINDET 9:7

Ui oldang'ung', am amitwogiguk eng' poiboiyet, ak iee divaiguk eng' muguleldo ne paibai, amu kagocham Kamuktaindet poisyoniguk.

ISAIAH 45:25

Ki ityin imanda iyoteet tugul ne po Israel eng' Kamuktaindet ne Toroor, ak kolasunegei.

ISAIAH 53:11

Tuun keerei che pitunee ng'wanindap saboondanyi, ak koyam; tuun iityin otwogindennyu ne po iman, imanda, piik che chaang', eng' naennyi: ak tuun ibei tengekwogikwak.

ISAIAH 57:15

Amu mwaei ko uu ni ineendet ne mi parak ak ko toroor ne menyei koigeny, ne Tiliil kainennyi kole, amenye ole toroor ak ko tiliil, kobooto ineendet agine ne kigonyeratkei eng' muguleldo, ak koming'ingei, si kobiit kisoop muguleldap ne iming'inegei, ak kisoop mugulelwegap che inyeratigei.

ISAIAH 66:2

Amu kiyaei eunnyu tuguuchuuto tugul, ak ki piit anyun tuguuchuuto tugul, mwaei Kamuktaindet ne Toroor; ago ageni ineendet ne panan ak konyerategei eng' muguleldo, ne potani amu ng'olyoondennyu.

HABAKUK 2:4

Ogeero, kagomen muguleldanyi, ma litit ineendet, ago sabei ne po imanda eng' kayanennyi.

MATAYO 23:12

Age tugul ne ieetegei ko tuun kiming'ini; ak age tugul ne iming'inigei ko tuun kieeti.

MATAYO 5:3

Poiboen che ponoon eng' muguleldo, amu nenywa pounatetap kipsengwet.

LUKA 1:52

Kagochoor pounik eng' ng'echerokwak, ak kagoeet che nyerootiin.

LUKA 10:29

Ago ye kimachei komyeeitkei, koleenji Jeso, “Ng'oo chiitap kokwennyu?”

LUKA 14:11

Amu age tugul ne itoroorigei kiming'ini; ak ineendet ne iming'inegei kitoroori.

LUKA 16:15

Ak ki leenji, “Okweget che omyeeitige eng' taitap piik; ago ingen Kamuktaindet mugulelwekwok: amu kiit ne itoroori piik ko wegot miising' eng' taitap Kamuktaindet.”

ROMANIK 3:20

amu ma mi chii ne kiityin imanda eng' tainnyi eng' poisyonigap Ng'atuutyet: amu punu naetap tengekto Ng'atuutyet.

ROMANIK 4:5

Ago eng' ineendet ne ma poisyei, ago iyani ineendet ne iityin imanda chii ne ya, kiiti kayanennyi keele po imanda.

ROMANIK 5:1

Ki tinyei kaalyeet ak Kamuktaindet eng' Kiptaiyandennyo Jeso Kristo amu ki kiityech imanda eng' kayaneet;

ROMANIK 8:33

Ng'oo ne itaami che ki lewen Kamuktaindet? Kamuktaindet ne iityin imanda;

GALATYEK 2:16

ago kingen keele ma kiityin chii imanda eng' poisyonigap ng'atuutik, ago eng' kayaneet eng' Jeso Kristo, ki kiyan agacheek eng' Kristo Jeso, si kobiit kiityech imanda eng' kayaneet eng' Kristo, ama eng' poisyonigap Ng'atuutyet: amu ma kiityin chii imanda eng' poisyonigap Ng'atuutyet.

JAKOBO 4:10

Oming'inge eng' taitap Kiptaiyat, si koeetok.

JAKOBO 4:6

Ago koonu myeeindo ne tesat. Leen anyun, “Kirindoi Kamuktaindet che meniotin, ak kogoochin myeeindo che iming'inegei.”

1 SAMUEL 1:18

Kole Hannah, “Ingonyoor otwogeng'ung' myeeindo eng' taing'ung'.” Ki wo anyun kwonyooto ak koamis, amata konyoor kaimetapkei kogeny.