NG'ANG'UTYET 2:23 - BUKUIT NE TILIIL Sireet ne Dutero Kanon

²³ Abare lagokyik meet; si konai kanisosyek tugul kole aneendet ne isyachi kabwaatutik ak mugulelwek, ak agoochini age tugul eng' okweek ko uu poisyonikwok.

Bukuit Ne Tilil

²³ Abare lagokyik meet; si konai kanisosyek tugul kole aneendet ne isyachi kabwaatutik ak mugulelwek, ak agoochini age tugul eng' okweek ko uu poisyonikwok.

BUKUIT NE TILIL

²³ Ak abare lagokyik meet; ak konai kanisosiek tugul kole anendet ne isiachi kabwatutik ak mugulelwek: ak agochini age tugul eng’ okwek ko u boisionikwok.

NG'ANG'UTYET 2:23 Referencias Cruzadas

1 ATEPTAP PEETUUSYEK 17:18

Nee age neta komuuchi Daudi komwaun agobo teegisto ne ki yachi otwogindeng'ung'? Amu ingen otwogindeng'ung'.

1 ATEPTAP PEETUUSYEK 28:9

“Nai anyun inyee Solomon weeriinnyu, Kamuktaindetap kwandang'ung', ak iboisyechi ineendet eng' muguleldo ne ititaat, ak eng' kabwaatutik che tinyei chameet, amu isyachi Kamuktaindet ne Toroor mugulelwek tugul ak koguitos kabwaatutik tugul che po metit. Ngot icheeng' ineendet, inyooru; ago ngot imete ineendet, kowiirtoin koigeny.

1 ATEPTAP PEETUUSYEK 29:17

Angen, ee Kamuktaindennyu ale, ityeme muguleldo, ak ibaibai eng' ne po iman. Ki agoonin tuguuchuuto tugul eng' chamyet ak lititindap muguleldanyu. Ak kaageer nguno eng' poiboiyet piiguk che mi yu kogoonin eng' chamyet.

2 ATEPTAP PEETUUSYEK 6:30

igas anyun eng' kipsengwet oldang'ung' ole imenye, ak inyochi kaat ak iyaakyi chii age tugul ko uu ortinwekyik tugul, ko uu ye ingen muguleldanyi, amu inyee inyegei ne ingen mugulelwegap weeriigap piik

Kitabuutap JOB 24:23

Igoochin Kamuktaindet icheek kotebee ole mi kaalyeet, ak komuung'e yooto. Ak komi konyekyik ortinwekwak.

TIENWOGIKAL 139:1

Ee Kamuktaindet ne Toroor, ki isyacha ak ki inaa.

TIENWOGIKAL 26:2

Isyacha, ee Kamuktaindet ne Toroor, ak ityema; tyem kabwaatutikyuk ak muguleldanyu.

TIENWOGIKAL 44:21

ko tos ma cheeng'ei konai Kamuktaindet niito? Amu ingen inee ung'ootigap muguleldo.

TIENWOGIKAL 62:12

Ee Kiptaiyat, neng'ung' rireenet agine; amu inyee ne iyaakyini chii tugul ko uu poisyennyi.

TIENWOGIKAL 7:9

Ingowong'kei tengektap kiptengeginik, ago igimit ne po imanda. Ee Kamuktaindet ne po imanda, inyee ne isyachi kabwaatutik ak mugulelwek.

JEREMIA 11:20

Ago, koono ageer yaaktaeng'ung' po mugetuut eng' icheek, ee Kamuktaindet ne Toroor ne po lugoosyek, ne irwoochi eng' imanda, ne ityeme kabwaatutik ak muguleldo, amu kaang'ang'un ng'olyoondennyu.

JEREMIA 17:10

Anee Kamuktaindet ne Toroor kasiagindetap muguleldo, atyeme kabwaatutik, si agoochi chii age tugul ko uu ortinwekyik, ak logoegap poisyonikyik.

JEREMIA 20:12

Ago, ee Kamuktaindet ne Toroor ne po lugoosyek, ne ityeme chii ne po iman, ne igeere kabwaatutik ak muguleldo, koono ageer ye iyaakyini mugetuut icheek; amu ki ang'ang'un ng'olyoondennyu.

SEPANIA 1:11

Owaach okweek piik che omenye Maktes, amu kabek chemung'arainik tugul: ak ki parei icheek tugul che ki tinyei fedhaisyek ng'iisyat.

MATAYO 16:27

Tuun nyoonei Weeriitap chii eng' liilindap Kwandanyi kobooto malaikaisyekyik, ak kogoochi chii age tugul ko uu poisyonikyik.

LUKA 16:15

Ak ki leenji, “Okweget che omyeeitige eng' taitap piik; ago ingen Kamuktaindet mugulelwekwok: amu kiit ne itoroori piik ko wegot miising' eng' taitap Kamuktaindet.”

JOHANA 21:17

Koleenji ne po somok, “Simion, weeriitap Johana, ichama?” Koaragen Petero amu kamwachi ne po somok, koleenji, “Ichama?” Ak koleenji, “Kiptaiyat, ingen tuguuk tugul; ingen ile achamin.” Koleenji `Jeso ineendet, “Pai keechiirekyuk.

JOHANA 4:16

Koleenji Jeso kobogoryondonooto, Ui, iguur manong'otyondeng'ung', ak obwa yuto.

POISYONIGAP CHE KIYOKTOI 1:24

Ak ki sa kole, “Ee Kiptaiyat, inyee ne ingen mugulelwegap piik tugul, iboorwech eng' pichu aeng', ne kailewen,

ROMANIK 14:12

Nooto anyun, tuun tetyin chii age tugul Kamuktaindet atebeennyi.

ROMANIK 8:27

ak ineendet ne isyachi mugulelwek kongen kiit ne ibwaati Kabuuset ne Tiliil, amu saaei agobo piik che tiliileen ko uu mageetap Kamuktaindet.

2 KORINTOEK 5:10

Amu kanyool kibartech acheek tugul eng' taitap ng'echereetap kirwooget ne po Kristo; si kobiit kotaach chii age tugul tuguuk che tee che ki yai eng' poorto, ngo myach anan ngo yaach.

GALATYEK 6:5

Amu laei chii tugul milennyi ineegei.

NG'ATUTIK 13:11

Ye iyai ko uu niito, kogas Yahudik tugul ak koiyweis si mata koyai sogornateet ne uu niito kogeny eng' kwenung'ung'.

NG'ATUTIK 17:13

Ak kogas piik tugul, ak koywei, si mata koyai chii kiy eng' menoteet kogeny.”

NG'ATUTIK 19:20

Ak kogas che kong'et ak koiyweis si mata koyai yaityet ne uu nooto eng' kwenung'ung' kogeny.

NG'ATUTIK 21:21

Ye Ibata kolage koik murenik tugul che po nganasennyi agoi kome. Iste anyun yaityet ko uu nooto eng' kwenung'ung' si kogas Israel tugul ak koywei.

HEBRANIK 4:13

Ama mi kiy age tugul ne ki kiyai ne ma taagu eng' tainnyi: ago ng'ang'otin ak yaatatin tuguuk tugul eng' taitap koonyek che po ineendet ne tuun kitetyini atebosyekyok.

1 PETERO 1:17

Ak ngot oguure ineendet oleen Kwanda, ne irwoochi ko uu ole teptoi poisyetap chii age tugul, ama eng' tiytiyet, obendoti eng' kaiyweisyet eng' peetuusyekwok che omi ko oo toek:

NG'ANG'UTYET 2:11

“Ineendet ne tinyei itit, kogas kiit ne mwachin Kabuuset ne Tiliil kanisosyek. Ineendet ne iterteeri koma nyooru ng'wanindo eng' meet ne po aeng'.

NG'ANG'UTYET 2:7

“Ineendet ne tinyei itit, kogas kiit ne mwachin Kabuuset ne Tiliil kanisosyek. Ineendet ne iterteeri, agoochini koam che po keetitap saboondo ne mi Paradiso ne po Kamuktaindet.

NG'ANG'UTYET 20:12

Ak ki ageer che ki kobek, che eecheen ak che mengeechen, kotonondos eng' taitap ng'echereetap laitornatet; ak ki kiyaat bukuisyek. Ki kiyat kora bukuit age, nooto ko bukuitap saboondo. Ak ki kirwookyi che ki kobek eng' tuguuk che kiga kisirchi bukuisyechooto, ko uu poisyonikwak.

NG'ANG'UTYET 20:13

Ak kigon nyanjet che ki kobek che ki mi oriitinnyi; ak kigon meet ak ye mi che ki kobek, icheek che ki kobek che ki mi oriitinnywa, ak ki kirwookyi chii age tugul ko uu poisyonikyik.

NG'ANG'UTYET 22:12

“Ogeero, anyoone achogu; ak aibu melektanyu si agoochi chii age tugul ko uu poisyonikyik.

NG'ANG'UTYET 6:8

Ki ageer, ogeero, paraisiit ne talelyo! Ak kainetap ineendet ne ki tebee ko ki Meet, ak ki isup ineendet ye mi che ki kobek. Ak ki kigoochi icheek kimnateet koboi kebeberta agenge eng' ang'wan ne po ng'wony, kobaree rotwetap chok, ak rubeet, ak meet, ak tyong'igap timiin che po ng'wony.

1 SAMUEL 16:7

Ago ki leenji `Kamuktaindet ne Toroor Samuel, “Amat igeer togeennyi anan ko kooindap tononennyi, amu kaeesye ineendet. Ma keerei Kamuktaindet ne Toroor ko uu ye keerei piik. Keerei piik itoondo, ago keerei Kamuktaindet ne Toroor muguleldo.”