Toretech, ee Kamuktaindetap yetunennyo, amu toroornatetap kaineng'ung'; Sarwech, ak iunde tengekwogikyok, amu kaineng'ung'.
JOHANA 17:11 - BUKUIT NE TILIIL Sireet ne Dutero Kanon Ak ma amite ng'wony, ago mi ng'wony chu, ak anyoone ole imi. Abba ne Tiliil, riip eng' kaineng'ung' icheek che ki igoono, si kobiit koek agenge, ko uu acheek. Bukuit Ne Tilil Ak ma amite ng'wony, ago mi ng'wony chu, ak anyoone ole imi. Abba ne Tiliil, riip eng' kaineng'ung' icheek che ki igoono, si kobiit koek agenge, ko uu acheek. BUKUIT NE TILIL Ak ma amite ng’ony, ago mi ng’ony chu, ak anyone ole imi. Baba ne Tilil, rib eng’ kaineng’ung’ ichek che kiigona, si kobiit koek agenge, ko u achek. |
Toretech, ee Kamuktaindetap yetunennyo, amu toroornatetap kaineng'ung'; Sarwech, ak iunde tengekwogikyok, amu kaineng'ung'.
Irimet ne kiim kainetap Kamuktaindet ne Toroor; mwechin ne po iman ak konyoor chametapkei.
Anee Kamuktaindet ne Toroor ne ariibe; abisi kotugul, ariibe kemoi ak peet si ma ng'em chii.
ko uu ye peelei maat sigorik, ak ko uu ye iguuti maat peek: si kibarta kaineng'ung' konaak eng' puuniguk, si kobotanso pororyosyek eng' taing'ung'!
Amat iwechech amu kaineng'ung', ameteweer ng'echereetap laitornatet ne po toroornateng'ung'. Ibwaat, amat ibut kayomiset ne kigaiyomiswech.
Nga paoryanjinech tengekwogikyok, iboisye ee Kamuktaindet ne Toroor, amu kaineng'ung'. Amu chaang' kachuchugosyekyok pogei, ak kigeyaun acheek tengek.
Ago ki aiste eunnyu, ki aboisye amu kainennyu, si ma kimurwon eng' taitap pororyosyek, che kigeeronu icheek amutu komong'.
Ak onai ole aa Kamuktaindet ne Toroor, ye kaaboisye agobo okweek amu kainennyu, ma ko uu ortinwekwok che yaacheen, ama ko uu poisyonikwok che samis, ee okweek kootap Israel, mwaei Kiptaiyat Kamuktaindet ne Toroor.
Ago ki aboisye amu kainennyu, si ma kimurwon kogeerei pororyosyek, che ki mi icheek kwenunnywa, pororyosyek che kigeerei aboorchinigei icheek, amutu komong' eng' emetap Misiri.
“Ogeero, ayooktook ko uu keechiirek eng' kwenutap suik; nooto anyun oegu che utaateen ko uu erenook, ak otalaitu ko uu cheptugenik.
Nooto anyun, oegu okweek che igesunotkei ko uu ye igesunotkei Kwandang'wong' ne po kipsengwet.
Ak ye kingo tomo koit igoortap paska, konai Jeso kole kagoit sainnyi ne wendi eng' ng'wony kwo ole mi Kwanda, ko kagocham chechiik che mi ng'wony, kocham anyun agoi peetuutap let.
ko kagonai Jeso kole kagonde Kwanda tuguuk tugul eunekyik, ak kole ki punu Kamuktaindet, ak wendi ole mi Kamuktaindet,
Ki abunu Kwanda, anyoonji ng'wony: abagaaktoi ng'wony kogeny, ak agetitegei ole mi Kwanda.”
Kaamwaiwok tuguuchu, si kobiit onyoorunena kaalyeet. Otinye nyalilda eng' ng'wony! Ago onyiganitu; amu kaaterter ng'wony.”
anee eng' icheek, ak inyee eng' anee, si kobiit koek icheek che ititaatiin eng' agenge; si kobiit konai ng'wony kole ki iyookwo, ak ichame icheek, ko uu ye ichama.”
“Ee Abba ne po imanda, ki ma kongenin ng'wony, ago ki angenin; ak ki konai chu kole, ki iyookwo.
Ki aboorchi kaineng'ung' piik che ki igoono eng' ng'wony. Ki cheguuk, ak ki igoono; ak ki koriip ng'olyoondeng'ung'.
ne kanyool kotaach kipsengwet agoi peetuusyek che kiwale tuguuk tugul komiagitu, che king'alaalee Kamuktaindet eng' kutuswegap maotikyik che tiliileen che ki mi kobooch taunetap ng'wony.
ko uu nooto eng' acheek che ki chaang', kiborto agenge eng' Kristo, ak ki kebeberta age tugul ne po age.
Amu mwachin sireet Pharaoh koleenjin, “Kang'eetin amu ng'olyoondoniito ale, abartaenen kamuktaennyu, si keamdaat kainennyu eng' ng'wony komugul.”
Asoomok miising' anyun, che kitupche, eng' kainetap Kiptaiyandennyo Jeso Kristo, ale, omwa tugul kiit agenge, si ma piit pesyosyek eng' kwenung'wong'; ago si oegu che ititaatiin kibagenge eng' kabwaatet agenge ak eng' kirwooget agenge.
Ma imugaksei keele mi Yahudyot anan Yunanindet, ama mi otwogindet anan ne ityagat, ama mi ne muren anan ne tye: amu okweek tugul ko oo agenge eng' Kristo Jeso.
Agenge poorto, ak agenge Kabuuset ne Tiliil, ko uu ye kigeguurok eng' kamang'unet agenge ne po kuurseng'wong';
Nooto anyun, kiitoroor `Kamuktaindet ineendet miising', ak kogoochi ineendet kainet ne siirei kainet age tugul;
ineendet ko kakweng'eetap liilindanyi, ak itoondo ne po indennyi, ak kotononi tuguuk tugul eng' ng'olyootap kamuktaennyi, kingo kagoyai kaundoetap tengekwogik, kwo kotebee eutap tai ne po etunateet eng' parak;
Amu ki ma mong'ji Kristo ole-tiliil ole ki kiyae eunek, ne karogutyetap tuguugap iman; ago ki mong'ji kipsengwet ineendet, si kotaagu eng' taitap Kamuktaindet agoi acheek:
Okweek che oibegei, mongen ole chorwanditap ng'wony ko puunyoondit eng' Kamuktaindet? Chiito age tugul anyun ne machei koek chorweetap ng'wony koyaegei koek puunyootap Kamuktaindet.
okweek che ki riibei eng' kimnateetap Kamuktaindet eng' kayaneet si onyooru yetunet ne choboot keng'aany eng' peetuutap let.
Ma ko uu Kain ne ki po ineendet ne ya, ak ki par ng'eetap kamet. Amu nee si kobar? Amu kiyaachen poisyonikyik, ak ki po imanda che po ng'eetap kamet.
Kingen keele ki po Kamuktaindet acheek, ak miitei ng'wony komugul eng' pounatetap ineendet ne ya.
Judah, otwogindetap Jeso Kristo, ak ko tupchetap Jakobo, asirchini che ki keguur, che chamaatiin eng' Kamuktaindet Kwanda, ak ko riibootin agobo Jeso Kristo:
Ingobunji anyun nguno ineendet ne imuuchi koriibok si mobutye, ak kondeak taitap toroornatennyi eng' poiboiyet ne oo ko motinye tisya,
Ng'oo ne ma iywei ak kotoroori kaineng'ung', ee Kiptaiyat? Amu ii tiliil inyegei. Pwoonei pororyosyek tugul ak kogutung'so eng' taing'ung', amu kagong'ang'ak poisyoniguk che po imanda.”
Ak ki uu konyekyik liplibenetap maat, ak ki mi metinnyi naryosyek che chaang'; ak kotinyei kainet ne ki kisir, ne ma mi chii ne ingen kobatee ineendet ineegei.
Ak nyiitootiin tyong'ichooto ang'wan saptos koonyek, komoswek tugul ak oriit, kotinyei age tugul kebebaik lo. Ama imuunyi icheek peet ak kemoi, komwaei koleen, “Tiliil, tiliil, tiliil, Kiptaiyat Kamuktaindet, Ne po Kamuktaet, ne ki mi ak komi ak ko tuun nyoonei.”