JOHANA 13:3 - BUKUIT NE TILIIL Sireet ne Dutero Kanon

³ ko kagonai Jeso kole kagonde Kwanda tuguuk tugul eunekyik, ak kole ki punu Kamuktaindet, ak wendi ole mi Kamuktaindet,

Bukuit Ne Tilil

³ ko kagonai Jeso kole kagonde Kwanda tuguuk tugul eunekyik, ak kole ki punu Kamuktaindet, ak wendi ole mi Kamuktaindet,

BUKUIT NE TILIL

³ ko kagonai Jesu kole kagonde Kwanda tuguk tugul eunekyik, ak kole kibunu Jehovah, ak wendi ole mi Jehovah,

JOHANA 13:3 Referencias Cruzadas

MATAYO 11:27

Ki kogoono tuguuk tugul Abba: ama mi ne ingen Weeriit, kobatee Kwanda; ama mi ne ingen Kwanda kobatee Weeriit, ak chii age tugul ne chamei Weeriit kong'aang'jin.

MATAYO 28:18

Ak ki nyoonji `Jeso icheek ak koleenji, “Ki kegoono kimnateet tugul eng' kipsengwet ak ng'wony.

LUKA 10:22

“Ki kogoono tuguuk tugul Abba: ak ma mi chii ne ingen Weeriit kole ng'oo, kobatee Kwanda; ama nai chii Kwanda kole ng'oo, kobatee Weeriit, ak chii age tugul ne chamei Weeriit, kong'aang'jin.”

JOHANA 1:18

Ma mi chii ne ki keer Kamuktaindet ole kigoi; kigong'ang'wech Kamuktaindet Weeriit ne ki kisich ineegei, ne mi tegetap Kwanda.

JOHANA 13:1

Ak ye kingo tomo koit igoortap paska, konai Jeso kole kagoit sainnyi ne wendi eng' ng'wony kwo ole mi Kwanda, ko kagocham chechiik che mi ng'wony, kocham anyun agoi peetuutap let.

JOHANA 17:2

ko uu ye ki igoochi ineendet kimnateet koboi piik tugul, si kobiit kogoochi saboondap koigeny tugul che ki igoochi ineendet.

JOHANA 3:13

Ma mi chii ne ki togosta kipsengwet, kobatee ineendet ne ki choorgei eng' kipsengwet, ineendet ko Weeriitap chii ne mi kipsengwet.

JOHANA 3:35

Chamei Kwanda Weeriit, ak ki konde tuguuk tugul eunnyi.

JOHANA 7:29

Angen ineendet; amu abunu ineendet ak ki iyookwo ineendet.

JOHANA 7:33

Kole Jeso anyun, Ta ami kobootok ne matya, si awo ole mi ineendet ne ki iyookwo.

JOHANA 8:14

Kowolji Jeso koleenji, “Agot ngabaoryanjinigei, ko po iman paornatennyu; amu angen ole abunu, ak ole awendi; ago mongen ole abunu, anan ole awendi.

JOHANA 8:42

Komwachi Jeso icheek koleenji, “Nda ka Kwandang'wong' Kamuktaindet, ta kaochama; amu ki anyoo abunu Kamuktaindet. Ki ma anyoo aneege, ago ki iyookwo ineendet.

POISYONIGAP CHE KIYOKTOI 2:36

“Ingonai anyun komyee koot komugul ne po Israel kole, kigoyai `Kamuktaindet ineendet koek Kiptaiyat ak ko Kristo, Jeso niito ne ki ogartaat.”

1 KORINTOEK 15:27

Amu, kigonde tuguuk tugul keldebesaigap keelyekyik kogas iit ineendet. Ago ye mwaei kole kindoi tuguuk tugul kogas iit ineendet, kotaagu keele mabooto ineendet ne ki inde tuguuk tugul kogas iit.

HEBRANIK 1:2

ko ne kagong'alaalwech eng' peetuusyechu po let eng' Weeriinnyi, ne kigonde koek ne namei tuguuk tugul, ak ki yai ineendet ng'wony agine eng' ineendet;