JOHANA 17:23 - BUKUIT NE TILIIL Sireet ne Dutero Kanon

²³ anee eng' icheek, ak inyee eng' anee, si kobiit koek icheek che ititaatiin eng' agenge; si kobiit konai ng'wony kole ki iyookwo, ak ichame icheek, ko uu ye ichama.”

Bukuit Ne Tilil

²³ anee eng' icheek, ak inyee eng' anee, si kobiit koek icheek che ititaatiin eng' agenge; si kobiit konai ng'wony kole ki iyookwo, ak ichame icheek, ko uu ye ichama.”

BUKUIT NE TILIL

²³ ane eng’ ichek, ak inye eng’ ane, si kobiit koek ichek che igesunotingei eng’ agenge; si kobiit konai ng’ony kole kiiyokwa, ak ichame ichek, ko u ye ichama.

JOHANA 17:23 Referencias Cruzadas

JOHANA 10:38

Ago ngayai, ko agot ngo moyana, oyan poisyosyek: si kobiit onai ak oyan ole mi Kwanda eng' anee, ak anee eng' Kwanda.”

JOHANA 13:35

Naei piik tugul kole oo kasubikyuk, ngo chamdosi.”

JOHANA 14:10

Tos meyani ile ami eng' Kwanda, ak Kwanda eng' anee? Ng'aleek che amwaiwok koma mwaei aneege: ago Kwanda ne menya ne yaei poisyonikyik.

JOHANA 14:23

Kowolji Jeso koleenji, “Ngo chama chii, koriip ng'olyoondennyu: ak kocham Abba ineendet ak kebwonji ineendet, ak kemeny kobooto ineendet.

JOHANA 15:9

Ko uu ye ki chama Kwanda, ko uu nooto ki achamak agane; otebi eng' chamyennyu.

JOHANA 16:27

amu chamok ineendet Kwanda, amu ki ochama, ak ki oyan ole ki abunu Kwanda.

JOHANA 17:11

Ak ma amite ng'wony, ago mi ng'wony chu, ak anyoone ole imi. Abba ne Tiliil, riip eng' kaineng'ung' icheek che ki igoono, si kobiit koek agenge, ko uu acheek.

JOHANA 17:21

si kobiit koek icheek tugul agenge; ko uu ye imi inyee Abba, eng' anee, ak anee eng' inyee, si kobiit kotep icheek eng' acheek: si kobiit koyan ng'wony kole ki iyookwo.

JOHANA 17:24

Abba, amache ale kotebi kobooto eng' ole ami, icheek che ki igoono; si kobiit kogeer toroornatennyu ne ki igoono; amu ki ichama kotom kelumda ng'wony.

JOHANA 17:26

Ki ang'aang'ji icheek kaineng'ung', ak ta ang'aang'jini; si kobiit kotebee icheek chamyet ne ki ichamena, ak anee eng' icheek.”

JOHANA 17:3

Ak ni saboondap koigeny, ale konain Kamuktaindet ne inyeendet inyegei ne po iman, ak Jeso Kristo, ne ki iyoogu.

JOHANA 17:8

amu ki agoochi icheek ng'aleek che ki igoono ak ki kotaach, ak ki konai iman kole ki abunu ole imi, ak ki koyan kole ki iyookwo.

JOHANA 3:17

Amu ki ma iyookyi `Kamuktaindet Weeriit ng'wony korwookyi ng'wony; ago si kesar ng'wony eng' ineendet.”

JOHANA 6:56

Ineendet ne amei poortanyu ak koeei korotiikyuk komenya, ak amenye ineendet.

1 KORINTOEK 1:30

Ago oo po ineendet okweek eng' Kristo Jeso, ne ki kiyai eng' Kristo Jeso, ne ki kiyai eng' acheek koek utaatyet ne punu Kamuktaindet, ak imanda, ak tiliilindo, ak katyaget:

2 KORINTOEK 5:21

Ineendet ne ki ma kongen tengek, kogiyai ineendet koek tengek amu acheek; si kobiit keegu imanda ne po Kamuktaindet eng' ineendet.

GALATYEK 3:28

Ma imugaksei keele mi Yahudyot anan Yunanindet, ama mi otwogindet anan ne ityagat, ama mi ne muren anan ne tye: amu okweek tugul ko oo agenge eng' Kristo Jeso.

PILIPIK 3:15

Nooto anyun, ongibwaat acheek che kigeesunotingei ko uu nooto: ak ngo pwaat kiy ne teer eng' ng'olyoo age tugul, kota kong'ang'wok Kamuktaindet niito agine:

KOLOSAIK 1:28

ineendet ne kimwaitoi, ak kiteechini chii age tugul ak kineeti chii age tugul eng' utaatyet tugul, si kobiit kimut chii age tugul kogesunotkei eng' Kristo;

KOLOSAIK 2:2

si kobiit kigaigai mugulelwekwak, ak keropchin eng' chamyet, ak eng' mogornatosyek tugul che po nyiietap kaguiyet, si kobiit konai icheek ung'ootyetap Kamuktaindet, ineendet Kristo,

KOLOSAIK 3:14

ak otes eng' tuguuchuuto tugul chamyet, nooto ratuutyet ne po kagesunetapkei.

1 PETERO 5:10

Ak ingochobok, ak kolumdak, ak kogimitok Kamuktaindet ne po myeeindo tugul, ne kiguurchok liilindanyi ne po koigeny eng' Kristo, ko kaonyalilse eng' peetuusyek che matya.

1 JOHANA 1:3

nooto ki kegeer ak kegas ko nooto ne keamwok ak okweek, si kobiit osich ak okweek yamdaet kobootech; ee, miitei yamdaennyo kobooto Kwanda, ak kobooto Weeriinnyi Jeso Kristo.

1 JOHANA 3:1

Ogeero, chamyet ne uu nee ne ki chamenech Kwanda, kot keguurenech lagogap Kamuktaindet! Ago ki chooto acheek. Amu niito anyun, koma ingenech ng'wony, amu ki ma nai ineendet.

1 JOHANA 4:19

Kichame, amu kisip kochamech ineendet.

NG'ANG'UTYET 3:9

Agoochini che po sinagogitap Setani, icheeget che mwaei kole ki Yahudik, ago ma icheek, kenu, keero, agoochini icheek kobwa kogutuny eng' keelyeguk, ak konai kole ki achamin.