JAKOBO 4:4 - BUKUIT NE TILIIL Sireet ne Dutero Kanon

⁴ Okweek che oibegei, mongen ole chorwanditap ng'wony ko puunyoondit eng' Kamuktaindet? Chiito age tugul anyun ne machei koek chorweetap ng'wony koyaegei koek puunyootap Kamuktaindet.

Bukuit Ne Tilil

⁴ Okweek che oibegei, mongen ole chorwanditap ng'wony ko puunyoondit eng' Kamuktaindet? Chiito age tugul anyun ne machei koek chorweetap ng'wony koyaegei koek puunyootap Kamuktaindet.

BUKUIT NE TILIL

⁴ Okwek che oibege, mongen ole choruanditab ng’ony ko bunyondit eng’ Jehovah? Chito age tugul anyun ne machei koek choruetab ng’ony koyaegei koek bunyotab Jehovah.

JAKOBO 4:4 Referencias Cruzadas

TAUNET 3:15

Andoi punyondiit kwenung'wong' inyee ndareet ak kwondo ak kwenutap iyoteng'ung' ak iyotennyi. Tuei ineendet meting'ung' ak isuse aginye kwaryandennyi”

TIENWOGIKAL 21:8

Nyooru eung'ung' puuniguk tugul; nyooru eung'ung' ne po tai icheeget che wechin.

TIENWOGIKAL 50:18

Ye ki igeer choorindet, ochamyechi tuwai, ak itinye yamdaet ak che ibegei.

TIENWOGIKAL 73:27

Amu keero, petos icheeget che looen eng' inyee: Amu ki ing'em icheek tugul che ki isup ibeetapkei koistoenengei.

ISAIAH 57:3

Ago oriigu okweek weeriigap chepsogeiyot, iyoteetap chiito ne yaei ibeetapkei ak chepkugoniot.

JEREMIA 2:2

“Ui, ititenji Jerusalem, ileenji, mwaei Kamuktaindet ne Toroor: ‘Abwaatin agobo myeeindap ming'inateng'ung', chamyetap katunisyeng'ung', ko uu ye ki isubwo eng' surkwen, eng' emet ne ki ma kegolei.’

JEREMIA 9:2

Kata myee nda katinye eng' surkwen ole ruei kipruitoinik, si kobiit abagaakta piikyuk ak awechigei! Amu icheeget tugul koyaei ibeetapkei, ak ko tuiyetap piik che iberberisyei.

EZEKIEL 16:32

Osotyot ne yaei ibeetapkei! Ne ibegei ak toek kometo manong'otyondennyi!

HOSEA 3:1

Ki leenjo Kamuktaindet ne Toroor, “Ui kogeny ak icham kwondo ne chamat eng' chorwennyi ak ko chepkugonio, ko uu ye chamei Kamuktaindet ne Toroor piigap Israel agot nganda weekyingei kamuktaik, ak kochamei magatinigap sabibuk che yamyotiin.”

MATAYO 12:39

Ki wolji kole, “Ibinda ne ya ak ne po ibeetapkei kocheeng'ei kabooruno! Ago ma kigoochin kabooruno kobatee kaboorunetap maotyot Jona.

MATAYO 16:4

Cheeng'ei kaboorunet ibinda ne ya, ak ne po ibeetapkei, ago ma kiboorchin kaboorunet kobatee kaboorunetap Jona.” Ki pagaakta icheek ak kwo kowechigei.

MATAYO 6:24

Ma mi chii ne imuuchi koot kiptainik aeng'; amu imuuch kowech age ak kocham age, anan konamgei ak age ak kosas age. Momuuchi oot Kamuktaindet ak mogornatosyek.

LUKA 19:27

Ago omutu anyun puunichuchuk kobwa yu, che ma chamei aboi, si obar eng' tainnyu.’ ”

JOHANA 15:19

Nda oo po ng'wony, ta chamei ng'wony chechiik: ago amu mo po ng'wony, ago ki alewenok eng' ng'wony, kowechok ng'wony anyun amu nooto.

JOHANA 17:14

Ki agoochi ng'olyoondeng'ung'; ak kawech ng'wony icheek, amu ma po ng'wony, ko uu ye ma po ng'wony anee.

JOHANA 7:7

Ma imuuchi ng'wony kowechok; ago wecho anee amu abaoryani agobo ng'wony ale yaach poisyonikyik.

ROMANIK 5:10

Amu ye kita ko ki puunik, ko ki kituiyech ak Kamuktaindet eng' meetap Weeriinnyi, ne siirei miising' anyun, koga kituiyech, kesarwech eng' saboondanyi.

ROMANIK 8:7

amu kererwegap met che po poorto ko puunyoondit eng' Kamuktaindet; amu ma kase iit Ng'atuutyetap Kamuktaindet, amaimuuchi:

1 KORINTOEK 1:20

Mi ano ne utaat? Mi ano siriindet? Mi ano kiptiyotyot ne po kenyisyechu? Tos ma yai Kamuktaindet ng'omnatetap ng'wonyuni koberberit?

1 KORINTOEK 1:21

Amu eng' utaatyet ne po Kamuktaindet koma nai ng'wony Kamuktaindet eng' utotyennyi, ki cham Kamuktaindet kosar icheeget che iyani, eng' perberyo ne po ng'olyoot ne ki amdoi.

GALATYEK 1:10

Tos agoigoi nguno piik anan Kamuktaindet? Anan acheeng'e abaibai piik? Ngot kota aboiboi piik, koma aa otwogetap Kristo.

JAKOBO 1:27

Kayaneet ne tiliil ne ma tinyei murwoonindo eng' taitap Kamuktaindet Kwanda, ko ni: kowendi kogeerei che ma tinyei sigiikwak ak mosoogik eng' nyalildanywa, ak koriipkei ineendet eng' ng'wony koek ne ma tinyei tisya.