1 JOHANA 3:12 - BUKUIT NE TILIIL Sireet ne Dutero Kanon

¹² Ma ko uu Kain ne ki po ineendet ne ya, ak ki par ng'eetap kamet. Amu nee si kobar? Amu kiyaachen poisyonikyik, ak ki po imanda che po ng'eetap kamet.

Bukuit Ne Tilil

¹² Ma ko uu Kain ne ki po ineendet ne ya, ak ki par ng'eetap kamet. Amu nee si kobar? Amu kiyaachen poisyonikyik, ak ki po imanda che po ng'eetap kamet.

BUKUIT NE TILIL

¹² Ma ko u Kaen ne ki bo inendet ne ya, ak kibar ng’etab kamet. Amu nee si kobar? Amu ki yaachen boisionikyik, ak ki bo imanda che bo ng’etab kamet.

1 JOHANA 3:12 Referencias Cruzadas

TAUNET 4:25

Ak ye kingo testai komeng'iis Adam ak kwondonyi, kosich weeriit age ne kiguure Seth amu ki le, “Kagono Kamuktaindet iyoteet age koogeere Abel ne ki par Kain.”

2 SAMUEL 13:22

Ma mwachi `Absalom Amnon kiy ne myee anan ko ne ya. Ki sas `Absalom Amnon, amu kiga suup chepkamennyi Tamar.

TIENWOGIKAL 37:12

Chobei `kiptengekyot yaityet agobo ne po imanda, ak susei kelek agobo ineendet.

TIENWOGIKAL 38:20

Kaek puunikyuk che yaaktoi yaityet eng' ne myee, amu asubi kiit ne myee.

KALEWANAIK 27:4

Korom nereeknateet, koroomen miising' nereegek; ago ng'oo ne imuuchi kotonon eng' taitap ng'etkonda?

KALEWANAIK 29:10

Wechei piik che tumdoi korotiik, chiito ne ititaat, ak cheeng'ei kobar chiito ne po iman.

KALEWANAIK 29:27

Wechei che po iman ne ma po iman: wechei ne ya ne isubi iman.

MATAYO 13:19

Ye kasei chii age tugul ng'olyootap laitornatet ama iguiyo, ko nyoonei anyun ineendet ne ya ak korebee ne kagagelechi muguleldanyi. Niito ne ki kilechi tabandap ooreet.

MATAYO 13:38

ak mbareet ko ng'wony. Kesweek che myach ko weeriik che po laitornatet, ak chemulbainik ko weeriitap ineendet ne ya.

MATAYO 23:35

Ak tebee paragung'wong' korotiigap che po imanda tugul che kigetumda eng' ng'wony, kobooch korotiigap Abel ne ki po iman agoi korotiigap Zekariah weeriitap Barachiah, ne ki obar eng' kwenutap Hekaluut ak kaptisisyet.

MATAYO 27:23

koteebee koleenji, “Amu nee? Kayai nee ne ya?” Ago ki polyo miising' koleen, “Ingigartaat!”

MATAYO 5:37

Ago ingoek ng'alaaleng'wong', wei ko wei anan achicha ko achicha; ak kiy age tugul ne siirei chuuto kobunu ineendet ne ya.

LUKA 11:51

kobooch korotiigap Abel agoi korotiigap Zekariah, ne kime eng' kwenutap kaptisisyet ak Hekaluut: ee, amwaiwok ale, tuun kimage ibini.

JOHANA 10:32

Kowolji Jeso koleenji, “Koaboorwok poisyosyek che chaang' che myach che punu Kwanda; olacha agobo poisyo nee eng' chooto?”

JOHANA 8:40

Ago ngo ocheeng'e obara, chiito ne kamwaiwok ng'aleek che po iman, che ki agas eng' Kamuktaindet: ki ma yai ko uu nooto Abraham.

JOHANA 8:41

Oyae poisyonik che po kwandang'wong'.” Ki leenji anyun ineendet, “Ki ma kisichech eng' sokseet; ki tinyei Kwanda agenge, nooto ko Kamuktaindet.”

POISYONIGAP CHE KIYOKTOI 7:52

Ng'oo eng' maotik ne ma us kwanisyekwok? Ak ki par che kisip koboor nyonunetap Chiito ne po Imanda; ne kaoegu okweek nguno ng'wektoik ak rumiik.

1 THESSALONIKEK 2:14

Amu okweek anyun, tupchosyechu, ko ki oegu yaigap tuguuk che yaei kanisosyegap Kamuktaindet che miitei Judea eng' Kristo Jeso: amu ki onyooru ak okweek, nyalilwogik che uu chooto eng' piigap emeng'wong', agot ko uu ye kinyoor icheek eng' Yahudik;

HEBRANIK 11:4

Ki igoochi Abel Kamuktaindet eng' kayaneet tiseiywot ne myee kosiir ne po Kain, ne ki kibaoryanjine ineendet keele ki po imanda, ak kibaoryan Kamuktaindet agobo kagoochinoikyik: ak eng' nooto, agot nganda ki kome kota kong'alaali.

HEBRANIK 12:24

ak Jeso katuiyoindetap kayomiset ne leel, ak korotiigap iset, che ng'alaali ko myee kosiir che po Abel.

1 PETERO 4:4

tuguuk che keerei icheek kole kwong'eet amu morwochini osubi kimargatinooto kobooto icheek, si komwaitaenak yaityo:

1 JOHANA 3:8

ineendet ne yaei tengek ko po chesawil; amu ki yai chesawilyet tengek kobooch taunet. Kigeng'aany Weeriitap Kamuktaindet amu nooto, si kobiit kong'em poisyonigap chesawilyet.

JUDA 1:11

Pwo eng' icheek! Amu ki isup ooreetap Kain, ak kogoochigei mastaetap Balaam komach melekto, ak kilusyo eng' ngelelnatetap Kora.

NG'ANG'UTYET 17:6

Ak ki ageer kwonyooto ko kagobogit eng' korotiigap piik che tiliileen, ak eng' korotiigap paorinigap Jeso. Ye kinga keer ineendet, akwong' eng' kwong'eet ne oo.