JEREMIA 11:7 - BUKUIT NE TILIIL Sireet ne Dutero Kanon Amu ki abaoryanji kwanisyekwok eng' kagiiletapkei, kobooch peetuut ne ki amutu icheek komong' eng' emetap Misiri, agoi ra, ang'eete karon ak abaoryanjini, aleenjini, ogas iit kutinnyu. Bukuit Ne Tilil Amu ki abaoryanji kwanisyekwok eng' kagiiletapkei, kobooch peetuut ne ki amutu icheek komong' eng' emetap Misiri, agoi ra, ang'eete karon ak abaoryanjini, aleenjini, ogas iit kutinnyu. BUKUIT NE TILIL Amu kiabaorianji kwanisiekwok eng’ kagiiletab ge, koboch betut ne kiamutu ichek komong’ eng’ emetab Misri, agoi ra, ang’eete karon ak abaorianjini, alenjini, Ogas it kutinnyu. |
Ago kibaoryan Kamuktaindet ne Toroor kora agobo Israel, ak agobo Judah, eng' maotyot age tugul, ak keerindet age tugul koleenji, “Oweege eng' ortinwekwok che yaacheen, ak oriip ng'atuutikyuk ak kayomisutikyuk, ko uu Ng'atuutyet tugul ne ki ang'at kwanisyekwok, ak che ki ayookwok eng' eunegap otwogikyuk maotik.”
Ak ki iyooktoi Kamuktaindet ne Toroor, Kamuktaindetap kwanisyekwak, piikyik, komusta koba ole mi icheek; amu ki riiree piikyik, ak ole menyei ineendet.
ak ki le, “Ngot igas iman kutitap Kamuktaindet ne Toroor Kamuktaindeng'ung', iyai ne po iman eng' tainnyi, iepchji iit ng'atuutikyik ak isup katigonutikyik tugul, koma koonin myan age tugul ne ki agoochi Misiriik, amu anee ko aa Kamuktaindet ne Toroor ne asaabin.”
ne ki ang'at kwanisyekwok eng' peetuut ne ki amutu icheek komong' eng' emetap Misiri, komang'une maatap karnet ak aleenji, ‘Ogas iit kutinnyu ak oyai chooto, ko uu tugul che ang'atook, si oegu piikyuk anyun ak aegu Kamuktaindeng'wong'.
Ki nyoonjo ng'olyootap Kamuktaindet ne Toroor kobooch kenyiitap taman ak somok ne po Josiah weeriitap Ammon, laitoryatap Judah, agoi ra, kenyisyechu tiptem ak somok, ak ki amwaiwok, ang'eete karon miising' ak ang'alaalwok; ago ma ogas.
Ak ki koyokwok Kamuktaindet ne Toroor otwogikyik tugul che maotik, kong'eetei karon miising' ak koyogu icheek; ago ma ogas, anan oep iit, si kobiit ogas;
ma ko uu kayomiset ne ki kiyomiske ak kwanisyekwak eng' peetuut ne ki anamanu icheek amutu komong' eng' emetap Misiri; kayomiset nootonyu ne king'em icheek, nganda ki aa manong'otyot eng' icheek, mwaei Kamuktaindet ne Toroor.
ak ki pwa, konam kobunji; ago ma kas iit kuting'ung', ama isup ng'atuutiguk; ma yai kiy age tugul eng' chooto tugul ki ing'atyi icheek koyai: koigoochi anyun yaityoni tugul konyonji icheek.
Ye ibata kenyiisyek tisabu, kotyach chii age tugul eng' okweek tupchennyi ne Yahudyot, ne kigeal, ago ki kootin eng' kenyiisyek lo, ityaachi ineendet kwo: ago ki ma kasa kwanisyekwok, anan koepcha iit.
Kagosulda ng'aleegap Jonadab weeriitap Regap, che ki ng'at weeriikyik koleenji amoee divaik, ak tomo koe icheek agoi peetuuni, amu kase iit ng'atuutyetap kwandanywa: ago ki ang'alaalwok, ang'eete karon miising' ak ang'alaali, ago ma oepcha iit.
Ak ki ayookwok kogeny otwogikyuk tugul che maotik, ang'eete karon miising' ak ayoogu icheek, amwae ale, Oweege anyun chii age tugul eng' ooreennyi ne ya, ak olitit poisyonikwok, amosup kamuktaik che teer oot icheek, si omeny emet ne ki agoonok kobooto kwanisyekwok: ago ma oep iit, anan ogasa iit.
Ara anyun, amu ki oyai poisyonichuuto tugul, mwaei Kamuktaindet ne Toroor, ak ki ang'alaalwok, ang'eete karon miising' ak ang'alaali, ago ma ogas, ak ki aguurok, ago ma owolu,
Ogas ng'olyootap Kamuktaindet ne Toroor, okweek piigap Israel; amu ting'ee Kamuktaindet ne Toroor ng'olyoot piik che menyei emet. Ma miitei imanit anan rireenet, ak ma mi naet ne po Kamuktaindet eng' emet.
Ogas niito, ee okweek tisiik! Oep iit, okweek kootap Israel! Ogas komyee, ee kootap laitoryat, amu nyoonjinok kirwooget; amu ki oegu mesteet eng' Mispa, ak mesteet ne uu regereiywot ne kiitoi eng' Tabor.
Amoigei kwanisyekwok, che kiga iteechi maotik che po tai, koleenji, “Mwaei Kamuktaindet ne Toroor ne po lugoosyek kole, ‘Oweege anyun nguno omete ortinwekwok che yaach ak poisyonikwok che yaach.’ ” Ago ki ma kas icheek anan koepcha iit, mwaei Kamuktaindet ne Toroor.
Amwae anyun ni, ak abaoryani eng' Kiptaiyat, ale si mata obendate ko uu ye pendoti Pororyosyek ak icheek, eng' kabwaatutikwak che po puch,
Cham Kamuktaindet ne Toroor Kamuktaindeng'ung', kas iit kutinnyi ak onamgei ak ineendet. Amu ineendet saboondang'ung' ak kooindap peetuusyeguk, si kobiit imeny emet ne ki iyasyechi `Kamuktaindet ne Toroor kwanisyeguk Abraham, Isak, ak Jakobo kogoochi.”
Oriip anyun ak oyai, amu ng'omnateng'wong' niito ak naeng'wong' eng' taitap pororyosyek che tuun kasei ng'atuutichu tugul ak kole, “Tinyei utaatyet iman pororyoni oo ak kotinyei naet ne nin!”
Kata myee anyun nda tinyei kotugul muguleldo ne uu nooto si koiywea ak koriip ng'atuutikyuk tugul si komyeeit eng' icheek ak eng' lagokwak agoi.
si kobiit igonyit Kamuktaindet ne Toroor Kamuktaindeng'ung', inyee ak weeriing'ung' ak mochogoreng'ung' eng' peetuusyeguk tugul kotee isabe. Ak iriip kaneetisyosyekyik tugul ak ng'atuutikyik che ang'atiin, si kochang'a peetuusyeguk.
Riip anyun ng'atuutigap Kamuktaindet ne Toroor Kamuktaindeng'ung', ibun ortinwekyik ak iywei ineendet.
Ago king'ate ak kiteechini che uu chooto eng' Kiptaiyat Jeso Kristo, keele kobois eng' mutyonet, ak koam amitwogikwak.
Kasyi anyun ng'aleekwak, ago iteechi komyee ak iboorchi kiit ne uu laitoryat ne tuun laitorane icheek.”