KOMONG'U 15:26 - BUKUIT NE TILIIL Sireet ne Dutero Kanon

²⁶ ak ki le, “Ngot igas iman kutitap Kamuktaindet ne Toroor Kamuktaindeng'ung', iyai ne po iman eng' tainnyi, iepchji iit ng'atuutikyik ak isup katigonutikyik tugul, koma koonin myan age tugul ne ki agoochi Misiriik, amu anee ko aa Kamuktaindet ne Toroor ne asaabin.”

Bukuit Ne Tilil

²⁶ ak ki le, “Ngot igas iman kutitap Kamuktaindet ne Toroor Kamuktaindeng'ung', iyai ne po iman eng' tainnyi, iepchji iit ng'atuutikyik ak isup katigonutikyik tugul, koma koonin myan age tugul ne ki agoochi Misiriik, amu anee ko aa Kamuktaindet ne Toroor ne asaabin.”

BUKUIT NE TILIL

²⁶ ak kile, Ngot igas iman kutitab Jehovah Kamuktaindeng’ung’, ak iyai ne bo iman eng’ tainnyi, ak iepchji it ng’atutikyik, ak isub kotigonutikyik tugul, ko magonin mian age tugul, ne kiagochi Misrik: amu ane ko a Jehovah ne asoobin.

KOMONG'U 15:26 Referencias Cruzadas

1 LAITORINIK 11:33

Ayaei ko uu nooto amu ki kobagakta ineendet ak kogutung'ji Astoret kanamwet ne kwondo ne po Sidonik, Kemos kanamwetap Moab ak Milkom kanamwetap lagogap Ammon; ama wendote ortinwekyuk, koyai ne myee eng' tainnyu, ak koriip ng'atuutikyuk ak kirwoogutikyuk, ko uu ye ki yai Daudi kwandanyi.

1 LAITORINIK 11:38

Ngot igas tugul che ang'atiin, ak iwendote ortinwekyuk, iyai che achame, iriip etanutikyuk ak ng'atuutikyuk, ko uu ye ki yai Daudi otwogindennyu; atebi kobooten, ateegun koot ne kiim, ko uu ye ki ateekyi Daudi ak agoonin Israel.

2 LAITORINIK 2:21

Ki manda kwo kondametutap peek, ak kowiirchi oriit muunyuk, ak kole, “Kamwa Kamuktaindet ne Toroor kole: ‘Kaasoop peechu; ma kobiitu meet anan osunateet eng' olooto.’ ”

2 LAITORINIK 20:5

“Weege kogeny, ak ileenji Hezekiah pounindetap piikyuk, Kamwa Kamuktaindet ne Toroor, Kamuktaindetap kwandang'ung' Daudi, kole: Kaagas saaeng'ung', kaageer peeguk po kong'; ara asaabin anyun. Itogostoi kootap Kamuktaindet ne Toroor eng' peetuutap somok.

2 LAITORINIK 22:2

Ki yai ne myee eng' taitap Kamuktaindet ne Toroor ak kowendote ortinwek tugul che po Daudi kwandanyi, ama masta kwo tai anan ko kaataam.

Kitabuutap JOB 5:18

Amu iguoteni ak konya, kwerei ak kosoobi eunekyik.

TIENWOGIKAL 103:3

Ineendet ne nyoun kaat tengekwogiguk tugul; ak kosaabin eng' myanwogiguk tugul,

TIENWOGIKAL 147:3

Inyai che ilyotiin mugulelwekwak, ak koratei mookwak.

TIENWOGIKAL 81:9

Amat kobiitunenen kanamwet ne too; Anan igutung'ji kamuktain age tugul ne po pororyosyek alak.

KOMONG'U 12:29

Kingo it kemoi kween, kobar Kamuktaindet ne Toroor kiboretook tugul eng' emetap Misiri kobooch taita ne po Pharaoh agoi taita ne po luulenet ne ki rataat eng' korgoreet ak tugul che kitwatei tyong'ik.

KOMONG'U 19:5

Eng' nooto anyun, ngot ogas iit kutinnyu iman ak oriip kayomisennyu, oegu anyun iman eng' anee chamanikyuk che itabaanatiin eng' piik tugul, amu nenyu ng'wony komugul.

KOMONG'U 19:6

Oegu eng' anee laitornatetap tisiik ak pororyet ne itabaanat. Chuuto ng'aleek che iwendi imwachini piigap Israel.’ ”

KOMONG'U 20:2

“Aa Kamuktaindet ne Toroor, Kamuktaindeng'ung' ne ki imutun imang'une emetap Misiri, kootap otwoknateet.

KOMONG'U 23:25

Oboisyeiwo anee Kamuktaindet ne Toroor Kamuktaindeng'wong', si koberuur amitwogiguk ak peeguk, ak aiste myanwogik eng' kwenung'ung'.

ISAIAH 55:3

Oep iit, ak obwanjo, ogas, si kosapcho saboonwekwok: ak kiyomisyige ak okweek kayomiset ne po koigeny, nooto rireenosyek che po iman, che po Daudi.

ISAIAH 57:18

Ki ageer ortinwekyik, ak asoobi ineendet: andochini kogeny, ak aweekyi ineendet kagaigaosyek kobooto piikyik che riirtos.

JEREMIA 11:7

Amu ki abaoryanji kwanisyekwok eng' kagiiletapkei, kobooch peetuut ne ki amutu icheek komong' eng' emetap Misiri, agoi ra, ang'eete karon ak abaoryanjini, aleenjini, ogas iit kutinnyu.

JEREMIA 17:24

Ak ngot oepcha iit eng' kagiiletapkei, mwaei Kamuktaindet ne Toroor, si moibu laut age tugul kobun ormariichogap nganasani eng' peetuutap sabato, ago otabaan peetuutap sabato, amoyai poisyo age tugul eng' peetuunooto;

JEREMIA 30:17

Amu asaabin, ak anyaa mooguk, mwaei Kamuktaindet ne Toroor; amu kigoguurenen ne ki kitimda, kole Zion niito, ne ma mage kiy chii.

JEREMIA 33:6

Ogeero, anyaai ak asoobi, ak asoobi icheek; ak ang'aang'ji icheek chaang'indap kaalyeet ak imanda.

JEREMIA 7:23

Ago ki ang'at icheek agobo ng'olyoondoni aleenji, ogas kutinnyu, si aek Kamuktaindeng'wong', ak oegu piikyuk. Obendate ooreet tugul ne ang'atook, si kobiit komyeeit eng' okweek.

JEREMIA 8:22

Tos ma mi mwanik che ki inyaise Gilead? Tos ma mi chepkerichoon olooto? Amu nee anyun si ma sap cheptap piikyuk?

EZEKIEL 18:5

Ago ngot ko po iman chii, ak koyai kiit ne po iman ak ne litit,

HOSEA 11:3

Ago ki anee ne ki aneet Ephraim kowendot; ki aganabate eng' eunekyuk; ago ki ma nai kole ki asoobi icheek.

HOSEA 6:1

“Obwa, keeweekyigei Kamuktaindet ne Toroor: amu ki kogereerech ak konyaech; ki kobirech ak inyaech.

ATEPTAP LAWIK 26:13

Aa Kamuktaindet ne Toroor Kamuktaindeng'wong', ne ki amutwak omong'u eng' emetap Misiri, si mata oegu otwogikwak. Ak ki airii keetiigap choging'wong' ak ang'eetak obe komyee.

ATEPTAP LAWIK 26:3

“Ngo pendate kaneetisyosyekyuk ak oriip ng'atuutikyuk, ak oyai,

KAITOSYEK 12:13

Ki riirchi anyun `Musa Kamuktaindet ne Toroor koleenji, “Ee, Kamuktaindet ne Toroor asaain ale isoop ineendet.”

NG'ATUTIK 12:25

Amat iam si komyeeit eng' inyee ak eng' lagoguk che piitu let ye iyae nooto myee eng' taitap Kamuktaindet ne Toroor.

NG'ATUTIK 12:28

Riip ak iepchi iit ng'aleechu tugul che kang'atiin si komyeeit eng' inyee ak eng' lagoguk che piitu let agoi koigeny, ye iyae ne myee ak ne po iman eng' taitap Kamuktaindet ne Toroor Kamuktaindeng'ung'.

NG'ATUTIK 13:18

Ye iepchi iit kutitap Kamuktaindet ne Toroor Kamuktaindeng'ung' ak iriip ng'atuutikyik tugul che kang'atiin rani, iyai nooto po iman eng' taitap Kamuktaindet ne Toroor Kamuktaindeng'ung'.

NG'ATUTIK 28:27

Pirenen Kamuktaindet ne Toroor ondirik che po Misiri ak kabwondo, kochek ak simbiryek che ma kimuuchi kisoobun.

NG'ATUTIK 28:58

“Ngo meriip iyai ng'aleek tugul che po ng'atuutyoni che ki kisirchi kitabuuni, si kobiit igonyit kainani po teegisto, kainet ne kiywei Kamuktaindet ne Toroor Kamuktaindeng'ung';

NG'ATUTIK 28:60

Iweekyinin myanwogik tugul che po Misiri che ki iywei ak konamin.

NG'ATUTIK 32:39

Ogeer anyun nguno ole anee, ko aa ineendet iman, Ma mi kamuktain, ami aneege. Abare ak asoobi; Ki aguoten ak ki anyaa: Ak ma mi ne imuuchi kosar eng' eunnyu.

NG'ATUTIK 5:1

Ak ki kuur `Musa Israel tugul, ak koleenji, “Ogas anyun, ee Israel kaneetisyosyek ak kirwoogutik che amwaiwok rani. Ogas eng' itiikwok si kobiit oneetkei ak oriip oyai.”

NG'ATUTIK 7:15

Istoenen Kamuktaindet ne Toroor myanwogik tugul, ak ma koonin korotwek che yaach che ki igeer eng' Misiri, ago igoochin tugul che wechin.