JEREMIA 11:8 - BUKUIT NE TILIIL Sireet ne Dutero Kanon

⁸ Ago ma kas iit, ama ep iit, ago kiwendot age tugul eng' uuindap muguleldanyi ne ya. Aipchini anyun icheek ng'aleek tugul che po kayomisoni, ne ki kang'at icheek koyai, ago ma yai.

Bukuit Ne Tilil

⁸ Ago ma kas iit, ama ep iit, ago kiwendot age tugul eng' uuindap muguleldanyi ne ya. Aipchini anyun icheek ng'aleek tugul che po kayomisoni, ne ki kang'at icheek koyai, ago ma yai.

BUKUIT NE TILIL

⁸ Ago ma kas it, ama eb it, ago kiwendot age tugul eng’ uuindab muguleldanyi ne ya: aipchini anyun ichek ng’alek tugul che bo kayomisoni, ne kigang’at ichek koyai, ago ma yai.

JEREMIA 11:8 Referencias Cruzadas

NEEMIA 9:26

Ago ma kasin iit ak ki ingeleljin. Ki wiirta Ng'atuutiguk kotuktoochi patai ak kobar maotiguk che kibaoryanji, icheek kole koweech icheek kobwanjin, ak koyai tagisyosyek che eecheen.

NEEMIA 9:29

Ki ibaoryanji icheek itigon, ile imutyi kogeny Ng'atuutyeng'ung', ago kiboisyee icheek menoteet, ama kas iit ng'atuutiguk, ago ki yai tengekto kongelelji kirwoogutiguk (che ngot koriip chii age tugul kosabe). Kilit oliin ak kouiit kaatinnywa ama cham kogas.

JEREMIA 13:10

Igeitu pirenoni ma kotilei kiy, pichu yaacheen, che eesyoi kogas ng'aleekyuk, che pendote uuindap mugulelwekwak, ak kosuboti kamuktaik che teer, si koot icheek ak kolas.

JEREMIA 3:17

Eng' peetuusyechooto, ko tuun kuuree `icheek Jerusalem ng'echeretap laitornatet ne po Kamuktaindet ne Toroor, ak koyumjigei pororyosyek tugul, koyumjigei kainetap Kamuktaindet ne Toroor, eng' Jerusalem. Ama kobendote uuindap mugulelwekwak che yaacheen.

JEREMIA 31:32

ma ko uu kayomiset ne ki kiyomiske ak kwanisyekwak eng' peetuut ne ki anamanu icheek amutu komong' eng' emetap Misiri; kayomiset nootonyu ne king'em icheek, nganda ki aa manong'otyot eng' icheek, mwaei Kamuktaindet ne Toroor.

JEREMIA 32:23

ak ki pwa, konam kobunji; ago ma kas iit kuting'ung', ama isup ng'atuutiguk; ma yai kiy age tugul eng' chooto tugul ki ing'atyi icheek koyai: koigoochi anyun yaityoni tugul konyonji icheek.

JEREMIA 34:14

Ye ibata kenyiisyek tisabu, kotyach chii age tugul eng' okweek tupchennyi ne Yahudyot, ne kigeal, ago ki kootin eng' kenyiisyek lo, ityaachi ineendet kwo: ago ki ma kasa kwanisyekwok, anan koepcha iit.

JEREMIA 35:15

Ak ki ayookwok kogeny otwogikyuk tugul che maotik, ang'eete karon miising' ak ayoogu icheek, amwae ale, Oweege anyun chii age tugul eng' ooreennyi ne ya, ak olitit poisyonikwok, amosup kamuktaik che teer oot icheek, si omeny emet ne ki agoonok kobooto kwanisyekwok: ago ma oep iit, anan ogasa iit.

JEREMIA 35:17

mwaei anyun Kamuktaindet ne po Toroornatet ne po lugoosyek, Kamuktaindetap Israel, kole: Ogeero, aipchini Judah ak piik tugul che menyei Jerusalem, yaityet tugul ne ki amwa agobo icheek: amu ki ang'alaalji, ago ma kas; ago ki aguur icheek, ago ma wol.

JEREMIA 38:20

Ago ki le Jeremiah, Ma igoitoin. Kasain ale, kas kutitap Kamuktaindet ne Toroor eng' chuuto amwaun: si kobiit komyeeit eng' inyee, ak kosap saboondang'ung'.

JEREMIA 44:16

Ma kigasun ng'olyoondonooto kemwaiwech eng' kainetap Kamuktaindet ne Toroor.

JEREMIA 44:17

Ago kiyae iman ng'olyoot age tugul ne kagemwa, keele kibeeljini nyamdutik laitoryatap kipsengwet, ne kwondo, ak keroong'jini ineendet kagoochinoik che kieei, ko uu ye ki keyai, acheek ak kwanisyekyok ak laitorinikyok, ak pounikyok, eng' nganasoogap Judah, ak eng' ortinwek che po Jerusalem: amu ki kitinye eng' peetuusyechooto amitwogik che chaang', ak ki kichamegei, ama ki keer yeityo.

JEREMIA 44:5

Ago ma kas, anan koep iit si kobiit koweek kometo yaityennywa, si mata kobeelji nyamdutik kamuktaik che teer.

JEREMIA 7:13

Ara anyun, amu ki oyai poisyonichuuto tugul, mwaei Kamuktaindet ne Toroor, ak ki ang'alaalwok, ang'eete karon miising' ak ang'alaali, ago ma ogas, ak ki aguurok, ago ma owolu,

JEREMIA 7:24

Ago ma kas, ama ep iit, ago kibendatee kirwoogutikwak ak uuindap mugulelwekwak che yaacheen. Kituitui koba let, ma pa tai.

JEREMIA 7:26

Ago ma kasa, ama ep iit, ago ki iuit kaatinnywa. Ki yai ne ya kosiir kwanisyekwak.

EZEKIEL 20:8

Ago ki ingelelja, ma cham kogasa iit; ma meto chii age tugul eng' icheek tuguuk che kiwechei che ki chamei konyekwak, ama meto kanamonigap Misiri: amwa anyun ale, Aroong'jini icheek nereegekyuk che ng'woneen, si kobiit ayai nereegekyuk kosulda eng' icheek eng' emetap Misiri.

SEKARIA 1:4

Amoigei kwanisyekwok, che kiga iteechi maotik che po tai, koleenji, “Mwaei Kamuktaindet ne Toroor ne po lugoosyek kole, ‘Oweege anyun nguno omete ortinwekwok che yaach ak poisyonikwok che yaach.’ ” Ago ki ma kas icheek anan koepcha iit, mwaei Kamuktaindet ne Toroor.

SEKARIA 7:11

Ago ki eesyo kogas iit, ak kililich tigigoikwak, ak kotiim itiikwak si ma kas.