NG'ATUTIK 6:2 - BUKUIT NE TILIIL Sireet ne Dutero Kanon

² si kobiit igonyit Kamuktaindet ne Toroor Kamuktaindeng'ung', inyee ak weeriing'ung' ak mochogoreng'ung' eng' peetuusyeguk tugul kotee isabe. Ak iriip kaneetisyosyekyik tugul ak ng'atuutikyik che ang'atiin, si kochang'a peetuusyeguk.

Bukuit Ne Tilil

² si kobiit igonyit Kamuktaindet ne Toroor Kamuktaindeng'ung', inyee ak weeriing'ung' ak mochogoreng'ung' eng' peetuusyeguk tugul kotee isabe. Ak iriip kaneetisyosyekyik tugul ak ng'atuutikyik che ang'atiin, si kochang'a peetuusyeguk.

BUKUIT NE TILIL

² Si kobiit igonyit Jehovah Kamuktaindeng’ung’, ak irib konetisiosiekyik tugul ak ng’atutikyik, che ang’atin, inye, ak wering’ung’, ak mochogoreng’ung’, betusieguk tugul kote isobe; si kochang’ait betusieguk.

NG'ATUTIK 6:2 Referencias Cruzadas

TAUNET 18:19

Amu ki alewen ineendet si komuuch koboi lagokyik ak koonnyi ne tuun piitu, si kobiit koriip ooreetap Kamuktaindet ne Toroor eng' yaeet ak kirwoogetap imanda; si kosuldochi `Kamuktaindet ne Toroor Abraham kiit ne ki mwa agobo ineendet.”

TAUNET 22:12

Koleenji, “Ametwaa lakweet, ameyachi kiy tugul, amu kaanai nguno ale igonyiti Kamuktaindet, amu ma ieteno weeriing'ung', ne weeriing'ung' ne ineegei.”

1 LAITORINIK 8:40

si kobiit koiywein peetuusyek tugul komenyei emet ne ki igoochi kwanisyekyok.

Kitabuutap JOB 28:28

Ak ki mwachi chiito, koleenji, ‘Ogeero, ngiywei Kiptaiyat, ko utaatyet nooto; Ak ngeistoegei yaityet, ko kaguiyet nooto.’ ”

TIENWOGIKAL 111:10

Kaiyweisyet ne kiywei Kamuktaindet ne Toroor ko taunetap utaatyet; tinyei kaguiyet ne myee icheek tugul che yaei chooto. Tebyei koigeny kalasunennyi.

TIENWOGIKAL 128:1

Paibai age tugul ne iywei Kamuktaindet ne Toroor, ne wendote ortinwekyik.

TIENWOGIKAL 91:16

Agoochini ineendet kosap kenyiisyek che chaang', Ak aboorchini yetunennyu.

KOMONG'U 20:12

Teech kwandang'ung' ak kamenng'ung' si kochang'a peetuusyeguk eng' emet ne koonin Kamuktaindet ne Toroor Kamuktaindeng'ung'.

KOMONG'U 20:20

Koleenji `Musa piik, “Amoiywei, amu kanyo Kamuktaindennyo kotyemak si kotebee taing'wong' kaiyweisyennyi ne oiywei ineendet asi moyai tengek.”

KALEWANAIK 16:6

Ki undoi yaityet eng' rireenet ak iman, ak istoegei piik yaityet ye iywei Kamuktaindet ne Toroor.

KALEWANAIK 3:16

Mi eunnyi ne po tai chaang'indap peetuusyek; komi eunnyi ne po kaataam mogornatosyek ak teegisto.

KALEWANAIK 9:11

Amu tesoksei peetuusyeguk eng' anee, ak kotesak kenyiisyegap sabeeng'ung'.

AMDOINDET 12:13

Ara nguno ko kagogasak tugul, ni anyun ko kagesunetap tuguuchu: Iywei Kamuktaindet ak iriip ng'atuutikyik, amu nyoljin chiito poisyoniito tugul.

JEREMIA 32:39

ak agoochi icheek muguleldo agenge ak ooreet agenge, si komuuch koiywea koigeny; si konyoor myeeindo ak lagokwak che isubi icheek:

EZEKIEL 20:19

aa Kamuktaindet ne Toroor Kamuktaindeng'wong'; obendate ng'atuutikyuk, ak oriip kirwoogutikyuk ak oyai;

LUKA 12:5

Ago ateiywok si onai ineendet ne kanyool oiywei: Oiywei ineendet, ne ngo kagobar komuuchi kowiirchi Gehenna; ee, amwaiwok ale, Oiywei ineendet.

NG'ATUTIK 10:20

Iywei anyun Kamuktaindet ne Toroor Kamuktaindeng'ung' ak iboisyechi ineendet. Onamgei ak ineendet ak iyasye eng' kainennyi.

NG'ATUTIK 11:9

Si kobiit kochang'a peetuusyekwok eng' emonooto, ne ki iyasyechi Kamuktaindet ne Toroor kwanisyekwok kole igoochin icheek ak iyotennywa ne piitu let, emet ne nyiitaat cheego ak komi kumyat eng' chaang'indo.

NG'ATUTIK 13:4

Obendate osup Kamuktaindet ne Toroor Kamuktaindeng'wong', oiywei ineendet ak oriip ng'atuutikyik ogas iit kutinnyi ak oboisyechi ak onamge ak ineendet.

NG'ATUTIK 15:5

ngigiilgei igas kutitap Kamuktaindet ne Toroor Kamuktaindeng'ung' ak igeer iman ile keyai ng'atuutichuuto tugul kang'atiin rani.

NG'ATUTIK 22:7

Ago kanyool imete kamet kwo, ago imuuchi iipchigei aarek si komyeeit eng' inyee, ak kochang'a peetuusyeguk.

NG'ATUTIK 30:19

Kaaguur kipsengwet ak ng'wony kobaoryanjok rani ale, kande taing'ung' saboondo ak meet, kaberuret ak chubisyet. Lewen saboondo anyun, si isap, inyee ak iyoteng'ung'.

NG'ATUTIK 30:20

Cham Kamuktaindet ne Toroor Kamuktaindeng'ung', kas iit kutinnyi ak onamgei ak ineendet. Amu ineendet saboondang'ung' ak kooindap peetuusyeguk, si kobiit imeny emet ne ki iyasyechi `Kamuktaindet ne Toroor kwanisyeguk Abraham, Isak, ak Jakobo kogoochi.”

NG'ATUTIK 4:10

Eng' peetuut ne ki itonone taitap `Kamuktaindet ne Toroor Kamuktaindeng'ung' eng' Horeb, ye ki leenjo `Kamuktaindet ne Toroor, Iyumwa piik ak agoochi kogas ng'aleekyuk si koneetkei koiywea eng' peetuusyekwak tugul komi ng'wony ak si koneet lagokwak.

NG'ATUTIK 4:40

Riip anyun kaneetisyosyekyik ak ng'atuutikyik che `kang'atiin rani si komyeeit eng' inyee, kobooto lagoguk che piitu let ak kochang'a peetuusyeguk eng' emet ne koonin Kamuktaindet ne Toroor Kamuktaindeng'ung' koigeny.

NG'ATUTIK 4:9

Riipkei anyun, ak iriip saboondang'ung' eng' kagiiletapkei, si meutye tuguuk che ki keer konyeguk ak si ma manda eng' muguleldang'ung' eng' peetuusyeguk tugul che po sabeeng'ung'; agoi ineet lagoguk tuguuchuuto ak mochogoroniguk.

NG'ATUTIK 5:16

Teech kwandang'ung' ak kamenng'ung', ko uu ye king'atin Kamuktaindet ne Toroor Kamuktaindeng'ung', si kochang'a peetuusyeguk ak komyeeit eng' inyee eng' emet ne koonin Kamuktaindet ne Toroor Kamuktaindeng'ung'.

NG'ATUTIK 5:33

Obun ortinwek tugul che king'ataak Kamuktaindet ne Toroor Kamuktaindeng'wong', si osapche ak komyeeit eng' okweek ak kochang'a peetuusyekwok eng' emet ne oname kobunjook.”

NG'ATUTIK 6:1

Ni anyun ng'atuutyet, kaneetisyosyek ak kirwoogutik che ki ng'at Kamuktaindet ne Toroor Kamuktaindeng'wong' kineetak, si kobiit oyai ng'atuutichu eng' emet ne olang'jini oname kobunjook,

NG'ATUTIK 6:24

Ki ng'atech anyun `Kamuktaindet ne Toroor keyai kaneetisyosyechu tugul, kiywei Kamuktaindet ne Toroor, Kamuktaindennyo si ketepte myeeindo kotugul, si koriibech kesapchee ko uu ra.

NG'ATUTIK 6:7

Ineet lagoguk eng' kagiiletapkei: ng'alaale ye itebye ng'wony eng' koong'ung', ye iwendi eng' ooreet, ye irue ak ye ing'eete.

JOSHUA 4:24

si kobiit konai piik tugul che po ng'wony kole kiim eutap Kamuktaindet ne Toroor ak koywei Kamuktaindet ne Toroor Kamuktaindeng'wong' koigeny.”

1 PETERO 1:17

Ak ngot oguure ineendet oleen Kwanda, ne irwoochi ko uu ole teptoi poisyetap chii age tugul, ama eng' tiytiyet, obendoti eng' kaiyweisyet eng' peetuusyekwok che omi ko oo toek: