HOSEA 4:1 - BUKUIT NE TILIIL Sireet ne Dutero Kanon

¹ Ogas ng'olyootap Kamuktaindet ne Toroor, okweek piigap Israel; amu ting'ee Kamuktaindet ne Toroor ng'olyoot piik che menyei emet. Ma miitei imanit anan rireenet, ak ma mi naet ne po Kamuktaindet eng' emet.

Bukuit Ne Tilil

¹ Ogas ng'olyootap Kamuktaindet ne Toroor, okweek piigap Israel; amu ting'ee Kamuktaindet ne Toroor ng'olyoot piik che menyei emet. Ma miitei imanit anan rireenet, ak ma mi naet ne po Kamuktaindet eng' emet.

BUKUIT NE TILIL

¹ Ogas ng’olyotab Jehovah, okwek lagokab Israel: amu ting’e Jehovah ng’olyot bik che menyei emet, amu mamitei imanit, anan rirenet, anan naet ne bo Kamuktaindet eng’ emet.

HOSEA 4:1 Referencias Cruzadas

1 LAITORINIK 22:19

Ki testai Mikaia kole, “Kas anyun ng'olyootap Kamuktaindet ne Toroor: ki ageer Kamuktaindet ne Toroor kotebyei eng' ng'echerennyi ne po laitornatet, ak kitononi lugeet tugul ne po kipsengwet eng' eunnyi ne po tai ak ne po kaataam.

TIENWOGIKAL 81:9

Amat kobiitunenen kanamwet ne too; Anan igutung'ji kamuktain age tugul ne po pororyosyek alak.

ISAIAH 1:10

Ogas ng'olyootap Kamuktaindet ne Toroor, okweek pounigap Sodom! Oepchi iit ng'atuutyetap Kamuktaindennyo, okweek piigap Gomorah!

ISAIAH 1:18

“Obwa anyun, keng'alaal,” mwaei Kamuktaindet ne Toroor. “Agot ngo piriireen tengekwogikwok, koleelagitu ko uu pooldet ne leel; agot ngo piriireen miising', koigeitu koroorigap keechiirek.

ISAIAH 28:14

Ogas anyun ng'olyootap Kamuktaindet ne Toroor okweek piik saasiik, che obou pichu menyei Jerusalem.

ISAIAH 34:1

Oriigu okweek pororyosyek, si ogas; ak oep iit okweek piik! Ingogas emet, ak tuguuk che nyiitaat olooto; ng'wony ak tuguuk tugul che mang'une.

ISAIAH 34:8

Amu peetuutap Kamuktaindet ne Toroor ne po yaaktaetap mugetuut, kenyiitap kageeret ne po toiyetap Zion.

ISAIAH 5:3

Ara anyun, okweek che omenye Jerusalem, ak okweek piigap Judah, asaok ale orwookwo ak mbareennyu ne po sabibuk.

ISAIAH 59:4

Ma mi agot agenge ne cheeng'ei imanda ne po kirwooget, ama mi ne ibei ng'aleek che po iman kapkirwook: imang'u icheek tangoita, ak komwaei lembechek; manachi yaityet, ak kooi tengekto.

ISAIAH 59:8

Ma ingen icheek ooreetap kaalyeet; ama mi kirwooget eng' ortinwekwak: ki koyachigei ortinwek che kunuuren; ma ingen kaalyeet age tugul ne punei olooto.

ISAIAH 66:5

Ogas ng'olyootap Kamuktaindet ne Toroor, okweek che obotandosi amu ng'olyoondennyi: Ki komwa che otupche icheeget che wechok, che kitimdak agobo kainennyu, kole, ingitoroor Kamuktaindet ne Toroor, si kobiit kegeer poiboiyeng'wong'; ago ililandos.

JEREMIA 11:7

Amu ki abaoryanji kwanisyekwok eng' kagiiletapkei, kobooch peetuut ne ki amutu icheek komong' eng' emetap Misiri, agoi ra, ang'eete karon ak abaoryanjini, aleenjini, ogas iit kutinnyu.

JEREMIA 19:3

Mwaa ile: Ogas okweek ng'olyootap Kamuktaindet ne Toroor, ee laitorinigap Judah, ak piik che omenye Jerusalem; mwaei Kamuktaindet ne Toroor ne po lugoosyek, Kamuktaindetap Israel, kole, ogeero, aipchini yaityet olito, ne ngo kas chii age tugul, kotildilyo itiikyik.

JEREMIA 2:4

Ogas ng'olyootap Kamuktaindet ne Toroor, ee kootap Jakobo, ak ortinwek tugul che po kootap Israel.

JEREMIA 2:9

Mwaei Kamuktaindet ne Toroor, “Ta arwookseiwok anyun, agot lagogap lagokwok arwooksechini.

JEREMIA 25:31

Itei polateet ole poochin ng'wony; amu poortos Kamuktaindet ne Toroor ak pororyosyek, irwooksechin `ineendet piik tugul; ak igoitoi kiptengeginik kebar eng' rotwetap chok, mwaei Kamuktaindet ne Toroor.

JEREMIA 34:4

Ago kas ng'olyootap Kamuktaindet ne Toroor, ee Zedekiah laitoryatap Judah: mwaei Kamuktaindet ne Toroor agobo inyee kole, Memee eng' rotwetap chok;

JEREMIA 4:22

Amu perber piikyuk, ak koma ingeno; lagok che uueen metowek icheek, che ma iguitos kiy. Chepchep koyai yaityet, ama ingen koyai ne myee.

JEREMIA 4:28

Riirei emet amu niito, ak ko tuitu kipsengwet. Amu kaamwa ak kaachop, ak tomo awal kiit ne abwaati, amaweechigei let eng' ng'olyoondoniito.

JEREMIA 5:4

Ki abwaat anyun ale nyalulyotin iman pichuuto, perberen icheek; amu ma naei ooreetap Kamuktaindet ne Toroor, anan kirwoogetap Kamuktaindennywa.

JEREMIA 51:5

Amu ma kimetoi Israel, anan Judah, ma metoi icheek Kamuktaindennywa, Kamuktaindet ne Toroor ne po lugoosyek; nganda nyiitaat emennywa ng'oogisto ne ki yachi Ineendet ne Tiliil ne po Israel.

JEREMIA 6:13

Amu kobooch ne ming'in agoi ne oo eng' icheek, ko tinyei age tugul keyandiit, ak kobooch maotyot agoi tisiindet, ko yaei kaberberisyet age tugul.

JEREMIA 7:28

Ileenjini icheek, niito pororyet ne ma epchi iit kutitap Kamuktaindet ne Toroor Kamuktaindennywa, ama taach atep ne myee. Ki kobet imanda ak kigeisto eng' kutusweekwak.

JEREMIA 9:20

Ago ogas ng'olyootap Kamuktaindet ne Toroor, okweek, ee kwonyichu, ak ingotaach itiikwok ng'olyootap kutinnyi, ak oneet tiibiikwok riirek, ak koneet chii tugul chiitap kokwennyi kateeiyet.

JEREMIA 9:3

Riichei ng'elyebwekwak ko uu ye riichei kwangokwak, agobo lembechek, ak kagogimegitu eng' emet, ago ma eng' imanit. Amu kong'eetyee yaityet koba yaityet, amaingeno, mwaei Kamuktaindet ne Toroor.

JEREMIA 9:7

Ara anyun mwaei anyun Kamuktaindet ne Toroor ne po lugoosyek kole, abeele icheek kochootyo ak atyem; nee kiit age ne amuuchi ayai, agobo piikyuk?

EZEKIEL 16:35

Kas anyun, ee chepkugoniondoni, ng'olyootap Kamuktaindet ne Toroor:

HOSEA 12:2

Ibeligei kogeny Kamuktaindet ne Toroor ak Judah, ak kobir Jakobo ko uu ortinwekyik; yaakyin ineendet ko uu poisyonikyik.

HOSEA 12:3

Ki nam kwaryatap ng'eetap kamet komi moo; ak ki tinyei kimnateet kobooto Kamuktaindet ko kagoeet:

HOSEA 5:1

Ogas niito, ee okweek tisiik! Oep iit, okweek kootap Israel! Ogas komyee, ee kootap laitoryat, amu nyoonjinok kirwooget; amu ki oegu mesteet eng' Mispa, ak mesteet ne uu regereiywot ne kiitoi eng' Tabor.

HOSEA 5:4

Poisyonikwak koma chamjin icheek koweekyigei Kamuktaindennywa amu tinyei sabeetap kugoinatet, ama ingen Kamuktaindet ne Toroor.

JOEL 1:2

Ogas ng'olyoondoni, okweek poisyek, oep iit, okweek tugul che omenye emet. Tos ki piit niito eng' peetuusyekwok, anan eng' peetuusyegap kwanisyekwok?

AMOS 3:1

Ogas ng'olyoondoni kagomwa Kamuktaindet ne Toroor agobo okweek, ee piigap Israel, agobo koot komugul ne po Israel ne ki amutu kotogos eng' emetap Misiri:

AMOS 7:16

Kas anyun nguno ng'olyootap Kamuktaindet ne Toroor. Imwae inyee ile, ‘Amat imaotenji Israel agobo kiy ne ya, anan imwa ng'olyoo agobo kootap Isak.’

MIKAH 6:2

Ogas, ee okweek tuloonook, ng'aleek che ting'enok Kamuktaindet ne Toroor, ak okweek lumeiywek che kiimeen che po ng'wony; amu ting'ee `Kamuktaindet ne Toroor piikyik ng'aleek, ak machei kong'alaal ak Israel.

JOHANA 8:55

ak tomo onai ineendet. Ago angen ineendet; ak ngot amwa ale, mangen ineendet, aegu kiplembechwa, ko uu okweek: ago angen ineendet ak ariibe ng'olyoondennyi.

ROMANIK 1:28

Ak ko uu ye ki eesyo kotebee Kamuktaindet naennywa, kobagakyi Kamuktaindet icheek kabwaatutik che ki kong'emogis, si koyai tuguuchooto che ma nyolu;

1 KORINTOEK 15:34

Ogosu eng' imanda, amat oyai tengek; amu ma ingen alak Kamuktaindet: amwae ni si agoonok olilan.

NG'ANG'UTYET 2:11

“Ineendet ne tinyei itit, kogas kiit ne mwachin Kabuuset ne Tiliil kanisosyek. Ineendet ne iterteeri koma nyooru ng'wanindo eng' meet ne po aeng'.

NG'ANG'UTYET 2:29

“Ineendet ne tinyei itit, kogas kiit ne mwachin Kabuuset ne Tiliil kanisosyek.